adverise with khmeread 15053294 1178797185540488 681327302 o

ស្រីស្អាតម្នាក់ចង់ដេកពូកពេក គ្មានលុយទិញ សម្រេចចិត្តលួចពូកគេ ឥឡូវជាប់ខ្នោះហើយ

    ភ្នំពេញ ៖ នារី​ម្នាក់​បានធ្វើ​សកម្មភាព​លួច​ពូក​តែ​មិន​សម្រេច​ត្រូវ​ប៉ូលិស​ឃាត់ខ្លួន​នៅ​ថ្ងៃ១៥ ​វិច្ឆិកា ​ឆ្នាំ​២០១៦ ម៉ោង​១១​ និង​៣០​នាទី យប់​នៅ​សិប្បកម្ម​ធ្វើ​ពូក យីហោ "​ម៉ី​ស៊ី​ម​" ​ទីតាំង​គ្មាន​លេខ ផ្លូវ​បេតុង ភូមិ​មិត្តភាព សង្កាត់ ព្រែក​ឯង ខណ្ឌ​ច្បារអំពៅ​។​

    ប៉ូលិស​និយាយថា ជនរងគ្រោះ​ឈ្មោះ កាង យូ​ហេង ភេទ​ប្រុស អាយុ៣៤​ឆ្នាំ ជនជាតិខ្មែរ មុខរបរ លក់ដូរ ស្នាក់នៅ​ភូមិ​មិត្តភាព សង្កាត់​ព្រែក​ឯង ខណ្ឌ​ច្បារអំពៅ។​

    ចំណែក​ជនសង្ស័យ​ឃាត់ខ្លួន​ឈ្មោះ ​គឹម ឡៃ​សៀក ភេទស្រី អាយុ​២១​ឆ្នាំ ជនជាតិខ្មែរ មុខរបរ​គ្មាន ស្នាក់នៅ ភូមិ​ភូមិធំ ឃុំ​ភូមិធំ ស្រុកកៀនស្វាយ ខេត្តកណ្តាល​។​

    ប៉ូលិស​បន្តថា កាលពី​ថ្ងៃទី១៥ ​វិច្ឆិកា ​២០១៦ ម៉ោង​១១ ​និង​៣០​នាទី​យប់​ជនសង្ស័យ​០៣​នាក់ ឈ្មោះ រុន​ ភេទ​ប្រុស, ​ឈ្មោះ ផាត​ ភេទ​ប្រុស និង​ឈ្មោះ គឹម ឡៃ​សៀក ភេទ​ស្រី ជិះ​ម៉ូតូ​០១​គ្រឿង​ម៉ាក ​C100 ​កូរ៉េ​ពណ៌​ក្រហម មិន​ចាំ​ស្លាក​លេខ មក​ឈប់​នៅមុខ សិប្បកម្ម​ខាងលើ។​

    ពេលនោះ​ជនសង្ស័យ​ឈ្មោះ រុន និង​ឈ្មោះ​ផាត បាន​ផ្លោះ​របង​ចូលទៅ​ខាងក្នុង ដើម្បី​លួច​ពូក។ ​ពេល​កំពុង​ធ្វើ​សកម្មភាព ក៏ត្រូវ​សន្តិសុខ​ឃើញ ទាក់ទង​ប្រាប់​ជនរងគ្រោះ និង​រាយការណ៍ មក​សមត្ថកិច្ច ចុះទៅ​ដល់ ឃាត់ខ្លួន​បាន​ជនសង្ស័យ​ម្នាក់ ឈ្មោះ គឹម ឡៃ​សៀក ជា​អ្នក​មើលផ្លូវ។ ​ចំណែក​ឈ្មោះ ​រុន និង​ឈ្មោះ ​ផាត បាន​ជិះ​ម៉ូតូ​គេចខ្លួនបាត់។​

    បច្ចុប្បន្ន​ជនសង្ស័យ​ឃាត់ខ្លួន​បណ្តោះអាសន្ន នៅ​អធិការដ្ឋាន​ប៉ូលិស​ខណ្ឌ​ច្បារអំពៅ ដើម្បី​ចាត់ការ​តាម​នីតិវិធី​៕

adverise with khmeread

មតិយោបល់