adverise with khmeread 1

លោក Louis van Gaal ព្រមាន​កូនក្រុម​ឲ្យ​លេង​ត្រជាក់ៗ​ជាមួយ​ក្រុម​ហង្ស​ក្រហម​

​គ្រូបង្វឹក​ក្រុម​បិសាច​ក្រហម Man Utd លោក Louis van Gaal បាន​ព្រមាន​កូនក្រុម​របស់គាត់​មិន​ឲ្យ​ធ្វើ​ត្រាប់​តាម​កីឡាករ Steven Gerrard កាលពី​រដូវ​កាល​មុន​នៅ​ទឹកដី Anfield ឡើយ ដោយពេល​នោះ​អតីត​ប្រធាន​ក្រុម​ហង្ស​ក្រហម​រូបនេះ​ត្រូវបាន​បណ្តេញចេញ​បន្ទាប់ពី​លេង​បានត្រឹមតែ ៣៨ វិនាទី​ដើមតង់​ទី​ពីរ​ក្រោយ​ការផ្លាស់​ចូល​។​

​បើទោះជា​ក្រុម​បិសាច​កំពុង​ស្ថិតនៅ​លំដាប់​ទី​ប្រាំមួយ​និង​ក្រុម​ហង្ស​ក្រហម​ស្ថិតនៅ​លំដាប់​ទី​ប្រាំបួន​ក៏ដោយ ក៏​គ្រូបង្វឹក​សញ្ជាតិ​ហូ​ឡង់​រូបនេះ​ជឿថា ការប្រកួត​នេះ​នៅតែ​ជាការ​ប៉ះគ្នា​ដ៏​ធំ​ដដែល​។

​លោក Gaal បាន​និយាយថា "​កាលពី​ឆ្នាំមុន​កីឡាករ Gerrard បាន​ផ្លាស់​ចូល​ហើយ​គាត់​ត្រូវបាន​បណ្តេញចេញ​ដែល​ទើបតែ​លេង​បាន ៣៨ វិនាទី រឿងនេះ​មិនកើត​ឡើង​ច្រើន​ទេ​ក្នុង​បាល់ទាត់​។ ដូច្នេះ​យើង​ត្រូវតែ​ខំប្រឹង​លេង​ឱ្យ​ខ្លាំង ប៉ុន្តែ​ក៏ត្រូវ​គ្រប់គ្រង​ស្ថានការណ៍​ឱ្យ​បានដែរ​ក្នុងការ​ប្រកួត​បែបនេះ​។ វា​ច្បាស់​ជា​ពិបាក​គ្រប់គ្រង​បន្តិច ព្រោះ​សន្ទុះ​ចិត្ត​ក្នុង​ការប្រកួត​បែបនេះ​គឺ​ពិតជា​ខ្ពស់​ណាស់​"​។​

​ក្នុង​ការប្រកួត​ថ្ងៃអាទិត្យ​នេះ ខ្សែបម្រើ Bastian Schweinsteiger ប្រហែលជា​វិលត្រឡប់​មិនទាន់​ការប្រកួត​នោះទេ​ដោយសារ​បញ្ហា​របួស​ជើង​កាលពី​ប្រកួត​ជាមួយ​ក្រុម Sheffield United​។ លោក​ក៏បាន​ផ្តល់ព័ត៌មាន​ជើង​ដែរ​ថា "​ខ្ញុំ​គិតថា យើង​មាន​បញ្ហា​របួស​ដូច​ពីមុន​ដែរ និង​ប្រហែលជា Schweinsteiger នឹង​ត្រឡប់មកវិញ​ប៉ុន្តែ​ខ្ញុំ​មិន​ប្រាកដ​ទេ​។ វា​ពិបាក​ណាស់​ដើម្បី​ព​ន្លឿ​ន​ឲ្យ​មាន​កាយសម្បទា​រឹងមាំ​វិញ​។ ខ្ញុំ​គិតថា គាត់​ត្រូវការ​ពេលវេលា​បន្ថែមទៀត​។ ខ្ញុំ​គិតថា Carrick ក៏​របួស​ដែរ​"៕

adverise with khmeread
ប្រភព៖ ​ដឹ​ហ្គា​ឌា​ន​

មតិយោបល់