adverise with khmeread Untitled 1

ម៉ូតូ​បុក​គ្នា​ជាមួយ​ម៉ូតូ​របួស​សិស្សស្រី​ម្នាក់​នៅ​ស្រុក​ព្រៃនប់​

    ព្រះសីហនុ ៖ មាន​ករណី​គ្រោះថ្នាក់ ចរាចរណ៍​មួយ​កើតឡើង​កាលពី​ម៉ោងជាង​៧​យប់​ថ្ងៃ​១៦ ​វិច្ឆិកា​ ២០១៦​នេះ លើផ្លូវ​ជាតិ​លេខ​៤​ត្រង់ចំណុច​មុខ​វិទ្យាល័យ ហ៊ុនសែន​វាលរេញ​ ស្ថិតក្នុង​ភូមិ​វាល មាស​ឃុំ​វាលរេញ ស្រុក​ព្រៃនប់ រវាង​ម៉ូតូ​ និង​ម៉ូតូ​របួសធ្ងន់​ម្នាក់។​

    ប៉ូលិស​និយាយថា ភាគី​ម៉ូតូ​ម៉ាក​ហុងដា​ពណ៌​ខ្មៅ ​ពាក់​ស្លាក​លេខ​តាកែវ ​1B-6681 បើកបរ ដោយ​ឈ្មោះ​ ហោ ចិន ភេទ​ស្រី​ អាយុ​១៦​ឆ្នាំ ​មុខរបរ​សិស្ស​មាន​ទីលំនៅ ភូមិ​មនោ​រម្យ ​ឃុំ​ជើងគោ ​ស្រុក​ព្រៃនប់ បាន​បុក​ប៉ះ​នឹង​ម៉ូតូ​មួយគ្រឿង ទៀត​ម៉ាក​ហុងដា​ពណ៌​ខ្មៅ​ពាក់​ស្លាក លេខ​ព្រះសីហនុ ​1E 1961(​អ្នកបើកបរ​រត់គេច​បាត់​)​ បណ្តាល​ឱ្យ​ក្មេងស្រី​សិស្សសាលា​ឈ្មោះ ​ហោ ចិន រងរបួស​ធ្ងន់​។​

    បច្ចុប្បន្ន​អ្នករបួស​កំពុង​សម្រាក​ព្យាបាល​នៅ​គ្លីនិក​ឯកជន​វាលរេញ វត្ថុតាង​រក្សាទុក​នៅ​អធិការដ្ឋាន​ប៉ូលិស​ស្រុក​ព្រៃនប់ ដើម្បី​ស្រាវជ្រាវ​បន្ត​៕​

adverise with khmeread

មតិយោបល់