adverise with khmeread 733509 1

ក្រោយ​ប្រធានាធិបតី​ចិន​ប្តេជ្ញា​ប្រែក្លាយ​ចិន​ទៅជា​មហាអំណាច​បាល់ទាត់​ត្រឹម​ឆ្នាំ​២០២៥ ឥឡូវ​ទូរទស្សន៍​ចិន​កំពុង​ទាក់ទង​សិទ្ធិ​ផ្សាយ​បាល់ទាត់​អង់គ្លេស​ក្នុង​កិច្ចព្រមព្រៀង​រាប់រយ​លាន​ដុល្លារ​

    ​ក្របខ័ណ្ឌ​បាល់ទាត់​អង់គ្លេស Premier Leauge បាន​យល់​ព្រមធ្វើ​កិច្ចព្រមព្រៀង​ធំថ្មី​មួយ​សម្រាប់​សិទ្ធិ​ទូរទស្សន៍​របស់ខ្លួន​ក្នុងប្រទេស​ចិន ដែល​អាចមាន​តម្លៃ​ដល់​ទៅ ៧០០ លាន​ដុល្លារ​។ 

​    ​កិច្ចសន្យា​រយៈពេល ៣ ឆ្នាំ​ជាមួយ​ទូរទស្សន៍ PPTV របស់​ចិន គ្រោង​នឹង​ក្លាយជា​ការលក់​សិទ្ធិ​ផ្សាយ​ក្រៅប្រទេស​ធំ​បំផុត​មិន​ធ្លាប់មាន​របស់​លី​ក​អង់គ្លេស​។ 

​    ​ប្រភព​របស់​ទូរទស្សន៍ PPTV បាន​ប្រាប់​ទូរទស្សន៍ BBC ថា​កិច្ចព្រមព្រៀង​កំពុងស្ថិត​នៅនឹងកន្លែង​ហើយ​។ 

​    ​ប្រសិនបើ​តម្លៃ​ដែល​បាន​រាយការណ៍​នេះ​ត្រូវបាន​បញ្ជាក់ វា​នឹងមាន​តម្លៃ​ខ្ពស់ជាង​កិច្ចព្រមព្រៀង​របស់​ទូរ​ទស្សន៍ China TV បច្ចុប្បន្ន​ជាមួយ​លី​ក​អង់គ្លេស ដល់​ទៅ ១០ ដង​។ 

​    ​ប៉ុស្តិ៍ PPTV គឺ​កាន់កាប់​ដោយ​ក្រុមហ៊ុន​លក់រាយ​ចិន Suning ដែល​បាន​វិនិយោគ​ក្នុង​បាល់ទាត់​អឺរ៉ុប​រួចហើយ បន្ទាប់ពី​ក្រុមហ៊ុន​នេះ​បាន​ទិញ​ភាគហ៊ុន​គ្រប់គ្រង​ក្លិប​បាល់ទាត់​អ៊ីតាលី Inter Milan កាលពី​ខែមិថុនា​។ 

​    ​ប្រធានាធិបតី​ស៊ី​ជីន​ពីង​បាន​ដឹកនាំ​ការជំរុញ​ទឹកចិត្ត​ដល់​ក្រុមហ៊ុន​នានា​ឱ្យ​វិនិយោគ​ឱ្យបាន​ច្រើន​ក្នុង​បាល់ទាត់ ដើម្បី​ប្រែក្លាយ​ប្រទេស​ចិន​ឱ្យទៅជា​មហាអំណាច​បាល់ទាត់​។ 

​    ​លោក​បានកំណត់​គោលដៅ​ឱ្យ​ប្រទេស​ចិន​ក្លាយជា​សេដ្ឋកិច្ច​ខាង​វិស័យ​កីឡា​ធំ​បំផុត​របស់​ពិភពលោក​ត្រឹម​ឆ្នាំ ២០២៥៕

ប្រភព៖ BBC

adverise with khmeread

មតិយោបល់