adverise with khmeread  92480078 klopp coutinho reuters

Jurgen Klopp និយាយថា អនាគត​របស់ Philippe Coutinho គឺ​អាស្រ័យ​លើ Liverpool ជា​អ្នកសម្រេច​

    ​អ្នកចាត់ការ​ទូទៅ​លោក Jurgen Klopp និយាយថា អនាគត​របស់ Philippe Coutinho គឺ​អាស្រ័យ​លើ​ហង្ស​ក្រហម Liverpool ជា​អ្នកសម្រេច ក្រោយ​មានការ​រំពឹងទុក​ជាច្រើន​ទៅលើ​ការផ្សាភ្ជាប់​ទៅលើ​ខ្សែបម្រើ​ប្រយុទ្ធ​ដ៏​សំខាន់​រូបនេះ​ជាមួយនឹង​ការចាកចេញ​ពី​ក្លឹប​។​

​    ​តារាបាល់ទាត់​អន្តរជាតិ​ប្រេ​ស៊ី​លវ័យ ២៤​ឆ្នាំ​រូបនេះ ត្រូវបាន​គេ​ចាត់ទុកថា​ជា​តារាបាល់ទាត់​ដ៏​មាន​ឥទ្ធិពល​ម្នាក់​ក្នុង​ការជួយ​ឱ្យ​ហង្ស​ក្រហម​ឈរ​នៅលើ​កំពូល​តារាង​នៃ​លី​ក​កំពូល​អង់គ្លេស Premier League ដោយ​គាត់​អាច​ស្វែងរក​គ្រាប់​បាល់​បាន​ចំនួន​ប្រាំ​គ្រាប់ និង​បង្កើតឱ្យមាន​ការបញ្ជូន​បាល់​ដល់​មិត្ត​រួម​ក្រុម​ស៊ុត​ប​ញ្ជូ​ល​ទី​ប្រាំ​គ្រាប់​ផ្សេងទៀត​ក្នុង​លី​ក​។​

​    ​អ្វីដែល​ជាការ​រំពឹងទុក​ដ៏​ខ្ពស់ និង​គួរឱ្យ​ព្រួយបារម្ភ​បំផុត​សម្រាប់​ប្រិយមិត្ត​ហង្ស​ក្រហម គឺជា​ការផ្សាភ្ជាប់​ជាមួយនឹង​ការផ្ទេរ​ចេញទៅ​កាន់​ក្រុម Barcelona និង Real Madrid ។​

​    ​Klopp បាន​បញ្ជាក់ថា "​ក្នុង​គំនិត​របស់ខ្ញុំ គាត់​គឺ​ពិតជា​ស័ក្តិសម​បំផុត​ក្នុងការ​ស្នាក់នៅ​ទីនេះ​។ យើង​គ្រប់គ្នា​សង្ឃឹម និង​គិតពី​អនាគត​របស់គាត់​គឺ​នៅទីនេះ នៅ Liverpool ។ អ្វីដែល​អ្នក​គ្រប់គ្នា​ភ្លេច​អំពី Phil គឺថា​គាត់​នៅតែមាន​វ័យក្មេង​ណាស់​។ នៅ​វ័យ ២៤​ឆ្នាំ គាត់​មាន​ផ្លូវ​ដ៏​វែងឆ្ងាយ​ដើម្បី​ធ្វើដំណើរ ហើយ​នឹងមាន​កន្លែង​ជាច្រើន​សម្រាប់​កែលម្អ​"៕ 

adverise with khmeread

មតិយោបល់