adverise with khmeread 000

ដាក់ថ្នាំងងុយដេកឲ្យសន្តិសុខផឹកសន្លប់លួចខោអាវរោងចក្រចាប់២នាក់ទៀត

    ភ្នំពេញ ៖ ជនសង្ស័យ​២​នាក់​ទៀត​ត្រូវបាន​ប៉ូលិស​ប៉ុស្តិ៍​ស្ទឹងមានជ័យ​និង​ខណ្ឌមានជ័យ​បាន​ឃាត់ខ្លួន​កាលពី​ថ្ងៃទី​១៥​មករា​ឆ្នាំ​២០១៦ វេលា​ម៉ោង​៣​និង​៣០​នាទី រសៀល​ពាក់ព័ន្ធ​ដាក់​ថ្នាំ​ងងុយដេក​ចូលក្នុង​ទឹកក្រឡុក​ឲ្យ​សន្តិសុខ​រោងចក្រ​ផឹក​សន្លប់​ហើយ​លួច​ខោអាវ​ក្នុង​រោងចក្រ បន្ទាប់ពី​ចាប់បាន​ភ្លាមៗ​បាន​ម្នាក់​។​
     ប៉ូលិស​ប៉ុស្តិ៍​ស្ទឹងមានជ័យ​បាន​ឲ្យ​ដឹងថា ជនសង្ស័យ​ចំនួន​២​នាក់​គឺ​១-​ឈ្មោះ ហេង ប៊ុន​ស ភេទ​ប្រុស អាយុ ៣៧ ឆ្នាំ មុខរបរ មិន​ប្រាកដ ទីលំនៅ​ផ្ទះជួល ផ្លូវលំ  សង្កាត់ ទឹកថ្លា ខណ្ឌ សែន​សុខ និង​២-​ឈ្មោះ រិ​ន ចំ​រ៉ុង ហៅ​តឿ ភេទ ប្រុស អាយុ ២៥ ឆ្នាំ មុខរបរ និង ទីលំនៅ មិន​ពិតប្រាកដ ។​
    ប៉ូលិស​បន្តថា ជនសង្ស័យ​ទាំង​២​នាក់​នេះ បានធ្វើ​សកម្មភាព​ដាក់​ថ្នាំ​ងងុយដេក​ក្នុង​ទឹកក្រឡុក​ឲ្យ​សន្តិសុខ​យាម​រោងចក្រ​ផឹក​គាស់​ឃ្លាំង​យក​ខោអាវ​របស់​ជនរងគ្រោះ​ឈ្មោះ ចាង តុង​ម៉ិ​ញ  ភេទ ប្រុស អាយុ ៥២ ឆ្នាំ មុខរបរ ប្រធាន​ក្រុមហ៊ុន ស្នាក់​នៅក្នុង​រោងចក្រ​អ៊ី​ខ្លាត កាលពី​ថ្ងៃទី​៣​មករា​ឆ្នាំ​២០១៦ វេលា​ម៉ោង​៣​ទៀបភ្លឺ នៅ​ចំណុច ក្នុង​រោងចក្រ​អ៊ី​ខ្លាត ផ្លូវ​ឌួង​ងៀប ភូមិ ដំណាក់​ធំ​៣ សង្កាត់ ស្ទឹងមានជ័យ ខណ្ឌមានជ័យ​។​
    ប៉ូលិស​បន្តថា មុនពេល​ឈានដល់​ចាប់ខ្លួន​ជនសង្ស័យ​ទាំង​២​នាក់​ខាងលើ គឺ​បន្ទាប់ពី​បាន​ឃាត់ខ្លួន​បក្ខពួក​ជនសង្ស័យ​ម្នាក់​ឈ្មោះ ម៉េ​ន ម៉ៅ ហៅ​វ៉ិ​ត កាលពី​ថ្ងៃទី​០៣​មករា​ឆ្នាំ​២០១៦ កន្លងទៅ​។ ក្នុងនោះ​ប៉ូលិស​បាន​ចាប់យក​វត្ថុតាង​ទូរស័ព្ទដៃ​ចាស់​២​គ្រឿង និង កូនសោរ​ចំនួន​៦ រួច​កសាង​សំណុំរឿង​បញ្ជូនទៅ​តុលាការ​៕​

adverise with khmeread

មតិយោបល់