Default post f1cfa83443549b416ad0b4ca79d0fa4ce78bd00fe389b4bb839eee495bb37d0f

ឃាត់កូនសិស្ស២នាក់កាប់ប្លន់យកម៉ូតូ

     ភ្នំពេញ ៖ ជនសង្ស័យ​២​នាក់​ក្នុងចំណោម​បក្ខពួក​៧​នាក់​ត្រូវបាន​ប៉ូលិស​ប៉ុស្តិ៍​ទន្លេបាសាក់​ឃាត់ខ្លួន​កាលពី​វេលា​ម៉ោង​៤​និង​៣០​នាទី​ល្ងាច​ថ្ងៃទី​១៥ មករា ឆ្នាំ​២០១៦ នៅ​ចំណុច​កោះ​ពេជ្រ​សង្កាត់​ទន្លេបាសាក់ ខណ្ឌចំការមន​បន្ទាប់​ពី​បានធ្វើ​សកម្មភាព​កាប់​ប្លន់​យក​ម៉ូតូ កាលពី​ចុងឆ្នាំ​២០១៥ ។​
    ប៉ូលិស​ខណ្ឌចំការមន​បាន​ឲ្យ​ដឹងថា ជនសង្ស័យ​២​នាក់ ទី​១-​ឈ្មោះ​ជុំ សុខ​ឡេង ភេទ​ប្រុស អាយុ​១៧​ឆ្នាំ មុខរបរ​សិស្ស​គ្មាន ស្នាក់​នៅផ្ទះ​លេខ​២៤ A ផ្លូវលំ​លេខ​៣ ភូមិ​ទួល​រកា សង្កាត់​ចាក់អង្រែ​ក្រោម​ខណ្ឌមានជ័យ​និង​ទី​២-​ឈ្មោះ​ឆុំ ទិ​ត្យ​ណា​រ៉ា ភេទ​ប្រុស អាយុ​១៧​ឆ្នាំ មុខរបរ​សិស្ស​ស្នាក់ នៅផ្ទះ​លេខ ១១៥៧H2 ផ្លូវលំ​លេខ​៣ ស្រុក​ចាក់អង្រែលើ​។​
    ប៉ូលិស​បន្តថា សកម្មភាព​ប្លន់​បាន​ប្រព្រឹត្ត​កាលពី​ថ្ងៃទី​៣១​ធ្នូ ឆ្នាំ​២០១៥ ម៉ោង​៧​យប់​នៅ​ចំណុច​គល់ស្ពាន​ឥ​ន្ធ​នូ​កោះ​ពេជ្រ​កែង​ផ្លូវ​ស​ប៊ីត​ក្រុម​ទិ​៤៥ ភូមិ​៨ សង្កាត់​ទន្លេបាសាក់ និង​បក្ខពួក​៥​នាក់​រត់គេចខ្លួន​។​
   សម្ភារៈ​បាត់បង់ ម៉ូតូ​១​គ្រឿង​ម៉ា​កនិច​ពណ៌​ស ស៊េរី​០១៤​ពាក់​ស្លាក​លេខ ភ្នំពេញ 1FF-6550​។​ចំំ​ណែ​ក​សម្ភារៈ​ដកហូត​ម៉ូតូ​២​គ្រឿង ទី​១-​ម៉ាក​ហុងដា C110 ពណ៌​ខ្មៅ​ពាក់​ស្លាក​លេខ​ភ្នំពេញ 1BZ0-008 និង​ទី​២-​ម៉ា​កនិច​ពណ៌​ក្រហម​ស្លាក​លេខ​ភ្នំពេញ 1BZ- 4845​។​
    ចំណែក​ជនរងគ្រោះ​ឈ្មោះ​រ៉ូ សាលី ភេទ​ប្រុស​អាយុ​១៦​ឆ្នាំ​មុខរបរ ឃ្វាលគោ​ស្នាក់​នៅផ្ទះ​លេខ ១៩៩៦ ផ្លូវជាតិ​លេខ​៥ ភូមិ​គីឡូ​ុំ​៉ែ​ត្រ​លេខ​៩ សង្កាត់​ច្រាំង​ចំ​រះ​ទី​១ខណ្ឌឫស្សីកែវ ។​
    ប៉ូលិស​បន្តថា មុនពេល​កើតហេតុ​ជនរងគ្រោះ ជាមួយ​មិត្ត​ភ័ក្ត្រ ចេញពី​ដើរលេង​កោះ​ពេជ្រ មកដល់​ចំណុចកើតហេតុ មាន​ជនសង្ស័យ​៧​នាក់ ជិះ​ម៉ូតូ​៤​គ្រឿង​ប្រដាប់​ដោយ​ដាវបាននាំគ្នា​ដេញ​កាប់​ជនរងគ្រោះ​ប្លន់​យក​ម៉ូតូ​បានសម្រេច រួច​ជិះ​គេចខ្លួន​បាត់អស់ ។​លុះដល់​ថ្ងៃ​ដូចខាងលើ​កម្លាំង​សមត្ថកិច្ច​ស្រាវជ្រាវ​ឃាត់ខ្លួន​បាន​ចំនួន​២​នាក់​។​បច្ចុប្បន្ន​ជនសង្ស័យ​និង​ម៉ូតូ​ឃាត់ខ្លួន​នៅ​ខណ្ឌ​៕​

មតិយោបល់