adverise with khmeread Unnamed

ហៅ​ឱ្យ​ចុះ​ពី​ផ្ទះ​វ៉ៃ​មួយ​ស្មើ​....​មិន​ព្រម​ចុះ​បំផ្លាញ​ទ្រព្យសម្បត្តិ​ត្រូវ​ប៉ូ​លស​វ៉ៃខ្នោះ​

    កណ្តាល ៖ ជនសង្ស័យ​ម្នាក់​ត្រូវបាន​ប៉ូលិស​ឃាត់ខ្លួន​ក្នុងករណី​ធ្វើឱ្យ​ខូចខាត​ដោយ​ចេតនា​នៅ​ថ្ងៃទី​២១​ វិច្ឆិកា​ ២០១៦ វេលា​ម៉ោង​៧​ និង​៣០​នាទី យប់​នៅ​ចំណុច​ភូមិ​ពពាលខែ ឃុំ​ដីឥដ្ឋ ​ស្រុក​កៀនស្វាយ ​ខេត្តកណ្តាល​។​

    ប៉ូលិស​និយាយថា ជនរងគ្រោះ ឈ្មោះ ស វណ្ណា​ ភេទប្រុស​ អាយុ​៥៧​ឆ្នាំ ជនជាតិខ្មែរ​មុខរបរ កសិករ​មាន​ទីលំនៅ​ភូមិ​ពពាលខែ ឃុំ​ដីឥដ្ឋ ស្រុក​កៀនស្វាយ ខេត្តកណ្តាល​។​

    ចំណែក​ជនល្មើស​ឈ្មោះ ជូ វណ្ណៈ ហៅ​វែង ភេទ​ប្រុស​ អាយុ​៣២​ឆ្នាំ ​ជនជាតិខ្មែរ មុខរបរ​កសិករ មាន​ទីលំនៅ​បច្ចុប្បន្ន​សង្កាត់​ព្រែកលាប ខណ្ឌ​ជ្រោយចង្វារ រាជធានី​ភ្នំពេញ ស្រុកកំណើត​ភូមិ​តា​រាប​ឃុំ​គគីរ ស្រុក​កៀនស្វាយ ខេត្តកណ្តាល ​(​ឃាត់ខ្លួន​)។ ​សម្ភារៈ​ខូចខាត ផ្លាក​ប៉ាន​ណូ ០១ អំពូល​ភ្លើង ០១។​

    វត្ថុតាង​ចាប់យក ដុំឥដ្ឋ​០១​ដុំ, ដំបង​ឬ​ស្សី០២​កំណាត់​ (​ប្រវែង​០.៩១​ម៉ែត្រ ០១​កំណាត់​និង​ប្រវែង ០.៧៨ ម៉ែត្រ​០១​កំណាត់​) និង​-​ដំបង​កូនឈើ ០១ កំណាត់ ប្រវែង​០.៩១ ម៉ែត្រ បាក់​ជា​ពីរ។​

    ប៉ូលិស​បន្តថា នៅ​ថ្ងៃ ខែ ឆ្នាំ វេលា​ម៉ោង​ដូចខាងលើ​ជនរងគ្រោះ​កំពុងតែ​នៅក្នុង​ផ្ទះ ស្រាប់តែ​ជនល្មើស បានមក​ស្រែកជេរ ប្រមាថ​យ៉ាងច្រើន មកលើ​ជនរងគ្រោះ ហើយ​ស្រែកហៅ ជនរងគ្រោះ​ឱ្យចេញ​ពីក្នុងផ្ទះ។​ ​ពេលនោះ​ជនល្មើស បាន​យក​​ដំបង​ឬ​ស្សី ដំបង​កូនឈើ និង​ដុំឥដ្ឋ​គុប​ផ្លាក​ប៉ាណូ របស់​ជនរងគ្រោះ​បណ្តាល​ឱ្យ​ខូចខាត។​

    បន្ទាប់មក​ជនរងគ្រោះ បានមក​ដាក់ពាក្យ​បណ្ដឹង​នៅ​ប៉ុស្តិ៍​រដ្ឋបាល​ដីឥដ្ឋ កម្លាំង​ប៉ូលិស​ប៉ុស្តិ៍​បាន​ចុះ​ទៅដល់​កន្លែងកើតហេតុ​ឃាត់ខ្លួន​ជនល្មើស​មក​ប៉ុស្តិ៍​ដើម្បី​បន្ត​ចាត់ការ​តាមនីតិវិធី​៕

adverise with khmeread

មតិយោបល់