adverise with khmeread Untitled 1

នរណា​ខ្លះ​ដែលមាន​ជំនាញ​ពិសេស​ដូច​គាត់​! បាល់​ផ្លុំ​ក៏​ចូល​ដែរ តែ​គាត់​បែរជា​ស៊ុត​ប៉ោង​ចេញ​ក្រៅ​

​    ​ការ​ថ្លោះធ្លោយ "​ទាត់​បាល់​ខុស​គោលដៅ​នៅ​ចំពោះមុខ​ទី​ដ៏​អាក្រក់​បំផុត​" ជារឿយៗ​យើង​តែងតែបាន​ប្រទះឃើញ មិនថាឡើយ​សូម្បីតែ​តារាបាល់ទាត់​ល្បីៗ​ក៏​ធ្លាប់​ឆ្លងកាត់​នឹង​រឿង​ដ៏​អាក្រក់​បែបនេះ​ផងដែរ ប៉ុន្តែ​ការ​ធ្លោយ​មួយ​នេះ​ពី​តារាបាល់ទាត់​មួយរូប​មកពី​លី​ក​លំដាប់​ទី​បួន​របស់​ប្រទេស​សែ​ប៊ី គឺ​ប្រហែល​ជាការ​ភ្លាត់ស្នៀត​ដ៏​អាក្រក់​បំផុត​ប្រចាំ​ទសវត្សរ៍​ដែល​អ្នក​មិន​ធ្លាប់​ឃើញ​នោះឡើយ​។​

​    ​ដោយបាន​កើតឡើង​ក្នុង​លី​ក Belgrade Zone League ដែលជា​លី​ក​លំដាប់​ទី​បួន​ក្នុង​តំបន់​របស់​សែ​ប៊ី កីឡាករ​ដែល​មិន​ត្រូវបាន​បញ្ចេញ​ឈ្មោះ​ម្នាក់នេះ ជាក់ស្តែង​យើង​អាច​ឃើញ​គាត់​អាច​ស៊ុត​បញ្ចូល​ទី​សម្រាប់​ក្រុម​របស់គាត់​បាន ១០០%​។​

​    ​បន្ទាប់ពី​គ្រាប់​បាល់​ត្រូវបាន​បញ្ជូនទៅ​តំបន់​ខាងលើ ខ្សែប្រយុទ្ធ​រូបនេះ ពិតជា​បានដាក់​សម្ពាធ​ដ៏​ធ្ងន់ធ្ងរ ទៅលើ​កីឡាករ​ម្នាក់​ដែល​បាន​បិទ​រូបគាត់ ដោយ​គាត់​បាន​បង្ខំ​ខ្សែការពារ​រូបនោះ​បោះ​បាល់​សំដៅ​ទៅកាន់​អ្នកចាំទី ដែលជា​ឱកាស​ដែល​គាត់​ដណ្តើម​បាល់​នោះបាន​មកវិញ​។​

​    ​ខ្សែប្រយុទ្ធ​រូបនោះ​បាន​រត់​ឆ្លងកាត់​អ្នកចាំទី​ជាមួយនឹង​គ្រាប់​បាល់​នៅ​នឹង​ជើង និង​បាន​រត់​សំដៅ​ទៅកាន់​សំណាញ់​ទី​យ៉ាង​ងាយស្រួល ដែល​បាល់​មួយ​គ្រាប់​នោះ​គាត់​សឹងតែ​អាច​ដើរ​បញ្ចូល​ទី​ក៏​បានដែរ​។​

​    ​ប៉ុន្តែ​ទោះជា​យ៉ាងណាក្តី ផ្ទុយ​ពី​ការគិត​ដ៏​ធូររលុង ជា​អកុសល​ខ្សែប្រយុទ្ធ​រូបនោះ​បានធ្វើឱ្យ​បាល់​មួយ​គ្រាប់​នោះ​ខក​ទៅវិញ ដោយ​គាត់​ទាត់​ខុស​បច្ចេកទេស​ប៉ោង​បាល់​ចេញទៅ​ក្រៅ​គួរឱ្យ​ស្តាយ​ជាទីបំផុត​៕

 

adverise with khmeread

មតិយោបល់