Untitled 1

ស្តាប់​ដំណើរ​ជីវិត​របស់​ស្ត្រី​អាស៊ី​ទីមួយ ដែល​ក្លាយជា​មេ​ចុងភៅ​ផ្ទាល់​ប្រចាំ​សេត​វិមាន​អស់​ជាង ១០ ឆ្នាំ​មកនេះ​

    ​ចិញ្ចឹម​ប្រធានាធិបតី​អាមេរិក និង​គ្រួសារ​ទីមួយ​គឺ​មិនមែនជា​ការងារ​ងាយស្រួល​នោះទេ​។ ហើយ​ប្រសិនបើ​អ្នក​មិន​ធ្លាប់​បានឮ​រឿង​ទាំងនេះ​ទេ មក​ជួបនឹង​ស្ត្រី​ជនជាតិ​ហ្វីលីពីន​ម្នាក់​ដែល​បម្រើ​ម្ហូបអាហារ​ដល់​ប្រធានាធិបតី​លោក Obama និង​គ្រួសារ​របស់គាត់​អស់​រយៈពេល ១០ ឆ្នាំ​។​

​    ​អ្នកស្រី Cristeta Pasia Comerford គឺជា​មេ​ចុងភៅ​ស្រី​អាស៊ី​ទីមួយ​របស់​សេត​វិមាន​។ អ្នកស្រី Comerford ត្រូវបាន​ជ្រើសរើស​មក​កាន់តំណែង​នេះ​ដោយ​ជំទាវ​ទីមួយ Laura Bush កាលពី​ថ្ងៃទី ១៤ ខែសីហា ២០០៤​។ អ្នកស្រី​បានទទួល​ការទុកចិត្ត​ពី​មេ​ចុងភៅ​មុន​គឺ​លោក Walter Scheib III ដែល​បានជ្រើសរើស​គាត់​ដំបូង​ធ្វើជា​ជំនួយការ​មេ​ចុងភៅ​របស់គាត់​សម្រាប់​រដ្ឋការ​លោក Clinton​។​

​    ​កាលពី​ខែមករា ឆ្នាំ ២០០៩ អ្នកស្រី​ត្រូវបានតែងតាំង​ដោយ​ជំទាវ​ទីមួយ Michelle Obama សម្រាប់​ក្ដី​ស្រឡាញ់​របស់គាត់ និង​ផ្ដោតលើ​អាហារ​សុខភាព​សម្រាប់​គ្រួសារ​របស់​ត្រកូល Obama​។ នេះ​បើ​យោងតាម​វេ​ប​សាយ Food Network​។​

​    ​Comerford មាន​ដើមកំណើត​មកពី Sampaloc ទីក្រុង​ម៉ានីល ប្រទេស​ហ្វីលីពីន​។ គាត់​បានបញ្ចប់​វិទ្យាល័យ​នៅ​វិទ្យាល័យ Manila Science High Shcool​។ ក្រោយមក​គាត់​បាន​ចូលរៀន​សាកលវិទ្យាល័យ​ហ្វី​លី​ភី​ន ជា​កន្លែង​ដែល​នាង​បន្ត​យក​សញ្ញាប័ត្រ​ផ្នែក​វិទ្យាសាស្ត្រ​ក្នុង​ជំនាញ​បច្ចេកវិជ្ជា​ម្ហូបអាហារ​។ យ៉ាងណាមិញ អ្នកស្រី​មិនបាន​ទទួល​សញ្ញាប័ត្រ​ទេ ដោយសារ​គាត់​ចេញទៅ​រស់នៅ​ប្រទេស​អាមេរិក​ពាក់កណ្ដាល​ឆ្នាំ​សិក្សា​។​

​    ​អ្នកស្រី​បាន​និយាយថា "​គ្រួសារ​ខ្ញុំ​បាន​ទៅ​រស់នៅ Chicago ក្នុង​ឆ្នាំ ១៩៨៣​។ ការងារ​ដំបូង​របស់ខ្ញុំ​គឺជា​អ្នកលក់​ញាំ​បន្លែ​នៅ​ហាង​មួយ​។ នៅពេលនោះ​ខ្ញុំ​ប្រឹង​ធ្វើការ​ណាស់ ហើយ​វា​មិនមែនជា​កា​ងារ​សំខាន់ ឬ​ជា​អ្វី​ខ្ញុំ​ដែល​ត្រូវការ​នោះទេ​"​។​

​    ​ទោះជា​យ៉ាងណាក្ដី អ្នកស្រី​ដឹងថា​គាត់​នៅ​ក្មេង ហើយ​ចង់​មាន​អនាគត​ត្រចះត្រចង់​ជាង​នេះ​។​

​    ​យោងតាម​កាសែត Wall Street អ្នកស្រី​បានធ្វើការ​ដំបូង​ក្នុង​ទីក្រុង Chicago នៅ​សណ្ឋាគារ​ដូចជា Sheraton និង Hyatt Regency នៅក្បែរ​ព្រលានយន្តហោះ O’Hare airport​។​

​    ​គាត់​បាន​ប្រាប់ CNN ថា គាត់​ទទួលស្គាល់ថា​ការងារ​របស់គាត់​គឺ​លើសពី​ការ​ចម្អិន​អាហារ​ទៅទៀត​។​

​    ​គាត់​និយាយថា "​ខ្ញុំ​គិតពី​ជំនាញ​របស់ខ្ញុំ និង​ប្តេជ្ញា​ថា អ្នក​ត្រូវតែ​ក្លាយជា​មេ​ចុងភៅ​ក្នុង​សេត​វិមាន​ដ៏​ពូកែ​។ ប៉ុន្ដែ​ទន្ទឹម​នោះដែរ ការតាំង​ចិត្ត និង​ការយក​អាសា​មិត្ត​រួមការ​ងារ​ក៏​ជាការ​រួមចំណែក​មួយ​ជ្រោមជ្រែង​យើង​ទៅដល់​គោលដៅ​ដែរ​។ នៅ​ថ្ងៃ​ចុងក្រោយ មិន​ថា​អ្នកធ្វើ​អ្វី​ឬ​ធ្វើ​បេសកកម្ម​អ្វី​នោះទេ អ្នកនឹង​ទទួលបាន​ជោគជ័យ​ដោយសារតែ​មិត្ត​រួម​ក្រុម​របស់​អ្នក​"​។​

​    ​"​នៅពេល​អ្នក​ប្រឹង​ធ្វើការ​ដូចជា​ប្រធានាធិបតី មិន​ថា​អ្នកឯង​ជា​នរណា​ទេ ការងារ​របស់ខ្ញុំ​ជា​មេ​ចុងភៅ​នៅ​សេត​វិមាន​គឺ​ត្រូវ​ប្រាកដថា​ពេល​ពួកគេ​មក​ផ្ទះ​វិញ ពួកគេ​ត្រូវតែ​ស្រណុកចិត្ត និង​រីករាយ​ជាមួយនឹង​អាហារ ដែល​អ្នក​បានរៀបចំ​ជូន​"​។​

​    ​Comerford ធ្លាប់​បានទទួល​ការកោតសរសើរ​ពី​អតីត​ប្រធានាធិបតី George W.Bush និង​ជំទាវ​ទីមួយ Laura Bsh សម្រាប់​អាហារ​ផ្ដល់​អត្ថប្រយោជន៍​ដល់​សុខភាព​ដែល​គាត់​បានធ្វើ​ផងដែរ​៕

 

អ្នកនឹងចូលចិត្ត

មតិយោបល់