adverise with khmeread 1%281%29

គ្រូបង្វឹក Everton ឆេះដុំ​បន្ទាប់ពី Chelsea តាម​ស្មើ​នៅ​នាទី​ ទី ៩៨

​លោក Roberto Martinez បាន​អះអាងថា លោក​អាជ្ញាកណ្តាល Mike Jones មិន​ស្ថិតក្នុង​ស្តង់ដារ​ដែល​បាល់ទាត់​សម័យ​ទំនើប​ត្រូវការ​នោះទេ បន្ទាប់ពី​ខ្សែការពារ John Terry ស៊ុត​តាម​ស្មើ​នៅក្នុង​នាទី​ទី ៩៨ ឲ្យ​ក្រុម Chelsea កាលពី​យប់​ម្សិលមិញ​។​

​ក្រុម Everton បាន​នាំមុខ Chelsea ក្នុង​លទ្ធផល ៣-២ មុនពេល​ប្រធាន​ក្រុម Terry ដែល​ស្ថិតក្នុង​តំបន់ Offside តាម​បាន​ស្មើដោយ​ការ​វៃ​កែង​បញ្ចូល​ទី​ធ្វើ​ឲ្យ​អ្នកចាំទី Howard ដាច់​ចង្កេះ​ផ្ងាក​។​

​លោក Martinez បាន​និយាយ​ដោយ​កំហឹង​ថា "​កម្រិត​របស់​អាជ្ញាកណ្តាល​ពិតជា​អន់​មែនទែន​នៅក្នុង​ការប្រកួត​នេះ​។ ខ្ញុំ​ពិតជា​ឈឺចាប់​ណាស់​។ ប្រសិនបើ​អ្នក​សួរ​អ្នកគាំទ្រ Chelsea ពួកគេ​នឹង​ប្រាប់​អ្នក​ថា​គ្រាប់​បាល់​នោះ​ក៏ Offside ដែរ​។ គ្រាប់​បាល់​នោះ​ច្បាស់​ណាស់​មិនត្រូវ​ឲ្យ​ចូល​ទេ ហើយ​នេះ​គឺជា​ការសម្រេចចិត្ត​ដ៏​មិនគួរ​ឲ្យ​ជឿ​សម្រាប់​ការប្រកួត​នៅក្នុង​លី​ក​ដែល​យើង​គិតថា​ល្អ​ជាងគេ​ក្នុង​ពិភពលោក​។​


​ខ្ញុំ​ពិតជា​ខឹង ដែល​យើង​បានទទួល​លទ្ធផល​ស្មើ​ដោយសារ​ការសម្រេចចិត្ត​ដ៏​ខុសឆ្គង​នៅ​ចុងការ​ប្រកួត​។ យើង​មិន​ត្រូវការ​ការពន្យល់​ពី​អាជ្ញាកណ្តាល​នោះទេ ពីព្រោះ​គាត់​មិនទាន់​ស្ថិតក្នុង​កម្រិត​កាត់ក្តី​ការប្រកួត​បែបនេះ​ឡើយ​។ វា​ពិតជា​សោកស្តាយ​ណាស់ ដែល​នេះ​ជា​កំហុស​ដែល​មិនអាច​ទទួលយកបាន​"៕

 

adverise with khmeread

មតិយោបល់