adverise with khmeread 15174673 1133195883461992 1805369399 n

ឃាត់ខ្លួន​ជនសង្ស័យ​ ៤​ នាក់​ពាក់​ព័ន្ធនឹង​សារធាតុ​ញៀន​បញ្ជូនទៅ​តុលាការ​

    ​ត្បូងឃ្មុំ ៖ កម្លាំង​នគរបាល​ស្រុក​តំបែរ ចាប់​ឃាត់ខ្លួន​សង្ស័យ​ចំនួន ៤​ នាក់​ជាប់​ពាក់​ព័ន្ធនឹង​សារធាតុ​ញៀន​ដោយ​ខុសច្បាប់កាលពី​វេលា​ម៉ោង ៥​ និង​៣០​នាទី ល្ងាច​ថ្ងៃទី​២៣ ខែ​វិ​ច្ឆ​កា ឆ្នាំ​២០១៦ នៅ​ចំណុច​ភូមិ​បែង ឃុំ​សេ​ដា ស្រុក​តំបែរ ខេត្ត​ត្បូងឃ្មុំ​។​

    លោក​វរសេនីយ៍ ជា ជឿន នាយការិយាល័យប្រឆាំងបទល្មើសគ្រឿងញៀនខេត្តត្បូងឃ្មុំបាន​ឱ្យ​ដឹងថា ជនសង្ស័យ​ចំនួន​៤​នាក់ ទី​១.ឈ្មោះ ​ភឿន ផាន់ ភេទ​ប្រុស អាយុ​១៧​ឆ្នាំ នៅ​ភូមិ​បែង ឃុំ​សេ​ដា ស្រុក​តំបែរ ខេត្ត​ត្បូងឃ្មុំ, ទី​២.ឈ្មោះ សុះ ម៉ូ​សា ភេទ​ប្រុស អាយុ​២១​ឆ្នាំ, ទី​៣.ឈ្មោះ តាំ យូ​សុះ ភេទ​ប្រុស អាយុ​២២​ឆ្នាំ​ ​នៅ​ភូមិ​ព្រែ​កជរ ឃុំ​សេ​ដា ស្រុក​តំបែរ ខេត្ត​ត្បូងឃ្មុំ​ និង​ទី​៤.ឈ្មោះ មាត់ អី​សា ភេទ​ប្រុស អាយុ​២១​ឆ្នាំ នៅ​ភូមិ​រពាក់​២ ឃុំ​សេ​ដា ស្រុក​តំបែរ ខេត្ត​ត្បូងឃ្មុំ។​

    ​ប​ច្ចុ​ប្បន្ន​សមត្ថកិច្ច​បាន​ដកហូត​បាន​ម្សៅ​ក្រាមសថ្លា ​សង្ស័យ​គ្រឿងញៀន​ចំនួន​ ៣ ​កញ្ចប់ ព្រមទាំង​ជនសង្ស័យ​ទាំង​ ៤ ​នាក់​កំពុង​ឃាត់ខ្លួន​នៅ​អធិការដ្ឋាន​នគរបាល​ស្រុក​ ដើម្បី​ចាត់ការ​តាម​នីតិវិធី និង​បញ្ជូនទៅ​តុលាការ​ចាត់ការ​តាមផ្លូវ​ច្បាប់៕

adverise with khmeread

មតិយោបល់