1

៥ ចំណុច​ដែល​យើង​បានដឹង​ពី​ការប្រកួត​រវាង​ក្រុម Manchester City និង Crystal Palace នៅ​យប់មិញ​

​ក្រុម Manchester City ទទួលបាន​លទ្ធផល​គួរ​ឲ្យ​ពេញចិត្ត ដោយ​តាម​ពីក្រោយ​ក្រុម Leicester City ត្រឹម​តែមួយ​ពិន្ទុ​ទៀត​ប៉ុណ្ណោះ​ដើម្បី​កាន់កាប់​កំពូល​តារាង ក្រោយ​បំបាក់​ក្រុម Crystal Palace ក្នុង​លទ្ធផល ៤-0 យ៉ាង​ចាស់ដៃ​ក្នុង​ទឹក Etihad របស់ខ្លួន​នា​យប់​ម្សិលមិញ​នេះ ។​

​កីឡាករ Fabian Delph អាច​សម្រេច​គ្រាប់​បាល់​ទី​ពីរ​របស់ខ្លួន​ឲ្យ​ក្រុម មុន​ពេលដែល​ខ្សែប្រយុទ្ធ​ឆ្នើម Sergio Aguero អា​ចរក​គ្រាប់​បាល់​ចំនួន​ពីរ​គ្រាប់ ដោយ​តាម​ពីក្រោយ​នៃ​ការបញ្ជូន​បាល់​របស់​ខ្សែប្រយុទ្ធ​រូបនេះ​ទៅ​ឲ្យ​កីឡាករ David Silva ស៊ុត​បញ្ចូល​ទី​គ្រាប់​ចុងក្រោយ​សម្រាប់​ក្រុម Manchester City ។ ហើយ​លទ្ធផល​ទាំងនេះ​បានផ្តល់​ជូន​នូវ​កាដូ​បរាជ័យ​បី​ប្រកួត​ផ្ទួនៗ​សម្រាប់​លោក Alan Pardrew ដែល​មិនទាន់​ស្គាល់​រសជាតិ​ឈ្នះ​លើ​ការប្រកួត ៥ លើកចុងក្រោយ​នាពេល​កន្លងមក​។​

​ទីនេះ​យើង​គួរស្វែងយល់​ពី​ទឹកដី Etihad ទៅលើ ៥ ចំណុច​ដែល​គួរ​ឲ្យ​កត់សម្គាល់​ខាងក្រោម​នេះ​៖

១. អ្នកចាំទី​ដៃ​ក្រុម Crystal កីឡាករ Wayne Hennessey ត្រូវ​ពង្រឹង​ការប្រកួត​របស់ខ្លួន​មុន​ការប្រកួត​បាល់ទាត់​ជម្រើសជាតិ​ប្រចាំ​តំបន់​អ៊ឺរ៉ុប (Euro 2016) ឈានចូល​មកដល់​នាពេលខាងមុខ​។ អ្នកចាំទី​រូបនេះ​បាន​បង្កកំហុស​ដ៏​គួរ​ឲ្យ​អស់សំណើច​ក្នុងជំនួប​ក្រុម Aston Villa នៅ​ពាក់កណ្តាល​សប្តាហ៍​កន្លង​មក ហើយ​គាត់​បានផ្តល់​ការខកចិត្ត​ជា​បន្តទៀត​ដែល​បណ្តោយ​ឲ្យ​កីឡាករ Fabian Delph ស៊ុត​បញ្ចូល​ទី​បាល់​រាប​ពី​ចម្ងាយ​យ៉ាង​ងាយស្រួល​។​

២. ការវិលត្រឡប់​មកវិញ​នៃ​កីឡាករ​ខ្សែបម្រើ​ស្លាប Pablo Zabaleta អាច​ផ្តល់​ជា​កម្លាំងចិត្ត​មួយ​សម្រាប់​ក្រុម Manchester City ស្រប​ពេលដែល​ខ្សែការពារ​ស្លាប​ដូចគ្នា​កីឡាករ Aleksander Kolarov រងរបួស​។

៣. កីឡាករ Sergio Aguero មើលទៅ​ហាក់បីដូចជា​មិនទាន់​វិល​មកកាន់​ទម្រង់​លេង​ដ៏​ល្អ​របស់គាត់​នៅឡើយ​ទេ​។ ប៉ុន្តែ ៤ គ្រាប់​ក្នុងចំណោម​ការប្រកួត​ប្រាំ​លើកចុងក្រោយ​ធ្វើ​ខ្សែការពារ​នៅ​តំបន់​ខាងក្រោម​មាន​អារម្មណ៍​ខ្លាចរអា​បន្តិច​ហើយ​។​

៤. ការប្រកួត​ក្នុង​ទឹកដី​ពីរលើក​របស់​ក្រុម Manchester City នាពេលខាងមុខ​គឺ​ត្រូវ​ជួប​ក្រុម​ប្រជែង​តំណែង​ជើងឯក Leicester និង Spurs​។ កូនក្រុម​របស់លោក Pellegrini ប្រហែលជា​មិន​បន្ធូរដៃ​នោះឡើយ​សម្រាប់​ការប្រកួត​ដែល​នឹងត្រូវ​ប៉ះ​ដៃគូ​ជើង​ខ្លាំង​ទាំងពីរ​នោះ​។​

៥. តើ​មាន​អ្វី​កើតឡើង​ចំពោះ​កីឡាករ​ក្រុម Crystal Palace សម្រាប់​អាហារ​ពេល​ល្ងាច​នា​រដូវ​ពិធីបុណ្យ​គ្រី​ស្ត​ម៉ាស​? ដោយ​បច្ចុប្បន្ន​ការប្រកួត ៥ លើក​ក្នុង​លី​ក​ចុងក្រោយ​របស់​ក្រុម​ស្ទាំង​មួយ​នេះ​មិនអាច​រក​គ្រាប់​បាល់​បាន​សូម្បី​តែមួយ​គ្រាប់ ដែល​បានចាប់ផ្តើម​ឡើង​តាំងពី​ថ្ងៃ Boxing day អំឡុង​បុណ្យ​ណូអែល​៕

 

ប្រភព៖ ដឹសាន់

អ្នកនឹងចូលចិត្ត

មតិយោបល់