adverise with khmeread 1

ក្លឹបគ្រោះថ្នាក់បំផុតលើកលោក? អតីតខ្សែប្រយុទ្ធអ្នកមានបុណ្យ Eto'o អាចជាប់គុក ១០ ឆ្នាំរឿងគេចការបង់ពន្ធទៀតហើយ

    ​រដ្ឋអាជ្ញា​​ប្រទេស​អេ​ស្ប៉ា​ញ​កំពុង​ស្វែង​រកទោស​ជាប់គុក ១០ ឆ្នាំ​សម្រាប់​អតីត​តារាបាល់ទាត់​ក្រុម​អ្នកមាន​បុណ្យ Barcelona លោក Samuel Eto'o សម្រាប់​ការចោទប្រកាន់​ទៅលើ​បទល្មើស​គេចវេះ​ពន្ធ ពេលដែល​គាត់​បាន​លេង​ឱ្យ​ក្លឹប​យក្ស​របស់​ជនជាតិ​កាតា​ឡាន​មួយ​នេះ​។​

​    ​រដ្ឋអាជ្ញា​ក៏បាន​ទាមទារ​ការពិន័យ​ជា​ប្រាក់​ចំនួន ១៥,១​លាន​ដុល្លារ​ផងដែរ​សម្រាប់​បទល្មើស​បួន​ករណី​នៃ​ការលួចបន្លំ​ពន្ធ ដែល​ត្រូវបាន​គេ​សន្ម​ត់​ថា​បាន​បោកប្រាស់​អាជ្ញាធរ​ពន្ធដា​រ​របស់​ប្រទេស​អេ​ស្ប៉ា​ញ​ជាមួយនឹង​ទំហំ​ទឹកប្រាក់​លើសពី ៤​លាន​ដុល្លារ​ចាប់ពី​ឆ្នាំ ២០០៦ រហូតដល់​ឆ្នាំ ២០០៩​។​

​    ​រដ្ឋអាជ្ញា​ក៏​កំពុង​នឹង​សម្លឹង​ទៅលើ​ការដាក់ទោស​ស្រដៀង​គ្នា​ទៅលើ​អ្នកតំណាង​លោក Jose Maria Mesalles Mata របស់​កីឡាករ​រូបនេះ​ស្របពេល​ជាមួយគ្នា​ផងដែរ​។​

​     Eto'o បាន​លេង​ចំនួន ១៩៨​ប្រកួត​សម្រាប់ Barcelona ពី​ចន្លោះ​ឆ្នាំ ២០០៤ រហូតដល់​២០០៩ ដោយ​អាច​ស្វែងរក​គ្រាប់​បាល់​បាន​ចំនួន ១២៩​គ្រាប់​សម្រាប់​ក្លឹប​យក្ស​កាតា​ឡាន​មួយ​នេះ​៕

 

adverise with khmeread
ប្រភព៖ ដេលីមែល

មតិយោបល់