adverise with khmeread Unnamed

ឃាត់​បុរស​ម្នាក់​តាម​ដីកា​ពាក់ព័ន្ធ​គ្រឿងញៀន​

    កណ្តាល ៖ ប៉ូលិស​ស្រុក​ខ្សាច់កណ្តាល​បាន​បើក​ការស្រាវជ្រាវ និង​បង្ក្រាប ការចាប់ខ្លួន​បុរស​ម្នាក់​តាម​ដីកា​របស់​សាលាដំបូង ខេត្តកណ្ដាល​នៅ​ថ្ងៃទី​២៧ ​វិច្ឆិកា ​២០១៦ ​វេលា​ម៉ោង​១០ ​និង​៣០ នាទី​ព្រឹក​មិញ​នៅ​ចំណុច ភូមិ​ឃ្លាំងមឿង​ត្បូង ឃុំព្រែក​អំពិល ស្រុក​ខ្សាច់កណ្តាល ខេត្តកណ្តាល​ពីបទ​រក្សាទុក​ដោយ​ខុសច្បាប់​នូវ​សារធាតុ​ញៀន​។​

    ប៉ូលិស​និយាយថា ជនជាប់ចោទ​ឈ្មោះ ដន ដេ​ត ហៅ ​ដន ស៊ី​ដេ​ត​ ភេទ​ប្រុស អាយុ​២៤​ឆ្នាំ មុខរបរ មិន​ពិតប្រាកដ ទីលំនៅ​បច្ចុប្បន្ន​នៅ ភូមិ​ឃ្លាំងមឿង​ត្បូង ឃុំព្រែក​អំពិល ស្រុក​ខ្សាច់កណ្តាល ខេត្តកណ្តាល។​

    ការចាប់​ខ្លួន​យោងតាម​ដីកា​លេខ​៣៤៤​ដកប​ចខ​/១៦​ចុះ​ថ្ងៃទី​០៥ ​ខែសីហា ​ឆ្នាំ២០១៦ ​របស់លោក សាយ សម្ផស្ស​សេរី ចៅក្រម​ស៊ើបសួរ សាលាដំបូង​ខេត្តកណ្តាល ពីបទរក្សាទុក​ដោយ​ខុសច្បាប់​នូវ​សារធាតុ​ញៀន​ប្រព្រឹត្ត​នៅ​ភូមិ​ព្រះ​ប្រសប់ ​ឃុំព្រះ​ប្រសប់​ ស្រុក​ខ្សា​ច‌់​កណ្ដា​ល‌​ ខេត្តកណ្តាល កាលពី​ថ្ងៃទី​១០ ​ខែឧសភា ​ឆ្នាំ​២០១៦​។​ ករណីនេះ​សមត្ថកិច្ច​បន្ត​ចាត់ការ​តាម​នីតិវិធី៕

adverise with khmeread

មតិយោបល់