adverise with khmeread Unnamed

ឡាន​ខូច​! បុរស​ម្នាក់ដើរ​ឆ្លងថ្នល់​ត្រូវ​ម៉ូតូ​បើក​បុក​របួសធ្ងន់​

    កោះកុង ៖ បុរស​ម្នាក់​ដែលជា​អ្នក​បើកបរ​រថយន្ត​ដឹកទំនិញ ខូច​តាមផ្លូវ​រួច​ដើរ​ឆ្លងថ្នល់​រក​រថយន្ត​ជួយ​សណ្តោង ក៏ត្រូវ​ម៉ូតូ បើកបរ​ដោយ​យុវជន​វ័​យ​ក្មេង​ម្នាក់ទៀត​ជិះ​ម៉ូតូ​ក្នុង​ល្បឿន​លឿន​មក​បុក​របួសធ្ងន់។​

    គ្រោះថ្នាក់​នេះ​បានកើត​ឡើង​នៅលើ​កំណាត់​ផ្លូវជាតិ​លេខ​៤៨ ចន្លោះ​គីឡូម៉ែត្រ​លេខ ៦២-៦៣ ចំណុច​ផ្ល​វ​កោង អន្ទុងអាំង​ស្ថិត ក្នុងភូមិ​ជី​មាល ឃុំ​អណ្តូងទឹក ស្រុក​បូ​ទុម​សាគរ ខេត្តកោះកុង កាលពី​ព្រលប់​ថ្ងៃទី​២៩​ ខែវិច្ឆិកា ​ឆ្នាំ​២០១៦។​

    ប៉ូលិស​និយាយថា ពេលដែល​ជនរងគ្រោះ​ឈ្មោះ ផា រី ភេទ​ប្រុស អាយុ​៤៥​ឆ្នាំ មាន​ទីលំនៅ​ខេត្តកំពង់ចាម បាន​រងរបួស​ធ្ងន់​ដឹក​បញ្ជូនទៅ​សង្គ្រោះ​នៅ​ទីក្រុង​ភ្នំពេញ កំពុង​ដើ​រ​ឆ្លង​ទៅរក​ហៅ​រថយន្ត​មួយទៀត​ឱ្យមក​ជួយ​អូស​យក​រថយន្ត​របស់​ខ្លួន​ដែល​ខូច​ក​ណ្កា​ល​ផ្លូវ ទៅ​ជាង​ជួសជុល​។​

    ពេលនោះ​ស្រាប់តែ អ្នក​បើ​ក​ម៉ូតូ​ម៉ាក C125 សេរី ២០១៥ ពណ៌​ខ្មៅ ពាក់ស្លាកលេខ ភ្នំពេញ 1CU-66 9 ឈ្មោះ បុល ស្រួយ ភេទ​ប្រុស អាយុ​២៦​ឆ្នាំ មាន​ទីលំនៅ​ក្នុងភូមិ​អណ្តូងទឹក ឃុំ​អណ្តូងទឹក ស្រុក​បូ​ទុម​សាគរ បើក​បុក​តែម្តង​បណ្តាលឱ្យ​បុរស​ឈ្មោះ ​ផា រី​ រងរបួស​ធ្ងន់​ដឹកបញ្ជូនទៅ​សង្គ្រោះ​នៅ​ទីក្រុង​ភ្នំពេញ​។​ ចំណែក​ឈ្មោះ ​បុល ស្រួយ ក៏​រងរបួស​ដែរ៕

adverise with khmeread

មតិយោបល់