adverise with khmeread Sda

ដូ​ណា​ល់​ត្រាំ​និយាយថា លោក​នឹង​ចាក​ចេញពី​ការរកស៊ី​ដើម្បី​ផ្តោតលើ​អាជីព​ប្រធានាធិបតី​

    ​ប្រធានាធិបតី​ជាប់ឆ្នោត ដូ​ណា​ល់​ត្រាំ បានប្រកាសថា គាត់​នឹង​ចាកចេញ​ពីមុខ​ជំនួញ​របស់គាត់​ទាំងស្រុង​ដើម្បី​ផ្តោតលើ​តំណែង​ប្រធានាធិបតី និង​ដើម្បី​បញ្ចៀស​ទំនាស់​ផលប្រយោជន៍​។​

​    ​លោក​ត្រាំ​បាន​និយាយថា គាត់​នឹង​ផ្តល់នូវ​ព័ត៌មាន​លម្អិត​ពី​គម្រោង​របស់គាត់​នៅ​សន្និសីទកាសែត​មួយ​ជាមួយ​កូន​របស់គាត់​នៅ​ថ្ងៃទី ១៥ ខែធ្នូ​នេះ នៅ​ទីក្រុង​ញូវយ៉ក​។ ពីមុន​គាត់​ក៏​ច្រានចោល​ការព្រួយបារម្ភ​ជុំវិញ​ជម្លោះ​រវាង​មុខ​ជំនួញ​របស់គាត់ និង​តំណែង​ប្រធានាធិបតី​ផងដែរ​។​

​    ​ស្របពេល​នេះដែរ អតីត​នាយក​ប្រតិបត្តិ​ក្រុមហ៊ុន Goldman Sachs លោក Steven Mnuchin បាន​បញ្ជាក់ថា គាត់​ត្រូវបាន​ជ្រើសរើស​ជា​រដ្ឋមន្ត្រីក្រសួង​រតនា​គារ​។​

​    ​លោក Mnuchin ដែល​ធ្លាប់ជា​អ្នកគ្រប់គ្រង​ហិរញ្ញវត្ថុ​នៃ​យុទ្ធនាការ​ស្វែងរក​សន្លឹក​ឆ្នោត​របស់លោក​ត្រាំ ក៏បាន​និយាយថា វិនិយោគិន​លោក Wilbur Ross ត្រូវបាន​ជ្រើស​ជា​រដ្ឋមន្ត្រី​ក្រសួងពាណិជ្ជកម្ម​។​

​    ​លោក​ត្រាំ​និង​ក្រុម​អន្តរកាល​របស់លោក​មិនទាន់​បញ្ជាក់​ពី​ការជួបប្រជុំគ្នា​នៅឡើយ​ទេ​។​

​    ​លោក​ត្រាំ​បានប្រកាស​ផ្តោតលើ​គម្រោង​ដកខ្លួន​របស់លោក​ចេញ​ពីមុខ​ជំនួញ​នៅលើ​គណនី Twitter ផ្លូវការ​របស់គាត់ បន្ទាប់ពី​និយាយថា គាត់​នឹង​ប្រកាស​ដំណឹង​ផ្លូវការ​តាម​បណ្តាញ​សង្គម​ល្អ​ជាង​ឱ្យ​សារព័ត៌មាន​ដកស្រង់​សម្តី​មិន​ពិត​ចុះផ្សាយ​៕

adverise with khmeread
ប្រភព៖ BBC

អ្នកនឹងចូលចិត្ត

មតិយោបល់