adverise with khmeread Untitled 1

ដំណឹង​ល្អ​សម្រាប់​អ្នក​ដែល​ចង់​ពន្យារ​ការស្លាប់​! ការសិក្សា​មួយ​លើកឡើងថា​ចង់រ​ស់បាន​យូរ ហែល​ទឹក រាំ និង​មើល​ខុន​សឺត​

    ​ក្រុម​អ្នកវិទ្យាសាស្ត្រ​និយាយ​កាលពី​ថ្ងៃ​អង្គារ​ទី​២៩​វិច្ឆិកា​ថា ការ​ហែល​ទឹក កីឡា​វាយ​សី និង ការ​រាំ​ព្រមទាំង​ការមើល​ការប្រគុំ​តន្ត្រី​ត្រូវបាន​ផ្សាភ្ជាប់​ទៅនឹង​ការពន្យារ​ការស្លាប់​មុន​អាយុ និង​ជាពិសេស​ជួយ​បន្ថយ​ហានិភ័យ​នៃ​ការស្លាប់​ពី​ជំងឺ​បេះដូង ឬ ដាច់​សរសៃឈាម​ខួរក្បាល (​ស្ត្រូ​ក​)​។ 

​    ​ក្នុងការ​សិក្សា​អំពី​លំ​ហាត់ប្រាណ និង​កម្រិត​ហានិភ័យ​នៃ​ការកើត​ជំងឺ​នេះ ក្រុម​អ្នកស្រាវជ្រាវ​បាន​រកឃើញថា ការចូលរួម​ក្នុង​ប្រភេទ​កីឡា​ជាក់លាក់​មួយចំនួន​ផ្តល់​ផលប្រយោជន៍​សុខភាព​ជា​សាធារណៈ និង​ជំរុញ​វេជ្ជបណ្ឌិត និង​អ្នកតាក់តែង​ច្បាប់​ជំរុញ​ប្រជាជន​ឱ្យចូល​រួម​សកម្មភាព​កីឡា​ទាំងនោះ​។ 

​    ​ការស្រាវជ្រាវ​នេះ​ចេញផ្សាយ​ក្នុង​ព្រឹត្តិប័ត្រ​ព័ត៌មាន British Journal and Sports Medicine មិនបាន​ដាក់បញ្ចូល​អ​ត្ថ​ប្រយោជន៍​សម្រាប់​មនុ​ស្ស​ដែល​ចូលចិត្ត​រត់ និង​លេង​បាល់ទាត់​ទេ ព្រោះ​ក្រុម​អ្នកជំនាញ​ឯករាជ្យ​និយាយថា ពួកគេ​រៀបចំ​តែ​ប្រភេទ​កីឡា​ជាក់លាក់​មួយចំនួន​ប៉ុណ្ណោះ​សម្រាប់​ការសិក្សា​នេះ​។ 

​    ​លោក​វេជ្ជបណ្ឌិត Tim Chico អ្នក​ប្រឹក្សា​យោបល់​ជំនាញ​ខាង​ជំងឺ​បេះដូង​នៅ​សាកលវិទ្យាល័យ Sheffield University របស់​ចក្រភព​អង់គ្លេស​និយាយថា សូមកុំ​យក​ការសិក្សា​នេះ​ទៅ​បកស្រាយ​ខុស ថា ការរត់​និង​ការលេង​កីឡាបាល់ទាត់​មិនបាន​ការពារ​ប្រឆាំង​ជំងឺ​បេះដូង ឱ្យសោះ ដោយហេតុថា ក្រុម​ស្រាវជ្រាវ​របស់​សាកលវិទ្យាល័យ​ជ្រើសរើស​តែ​កីឡាហែលទឹក ការ​រាំ កីឡា​វាយ​សី និង​ការមើល​តន្ត្រី​មក​សិក្សា​ប៉ុណ្ណោះ​។​

​     ការសិក្សា​នេះ​ធ្វើឡើង​ពី​ឆ្នាំ ១៩៩៤ ដល់ ២០០៨ ដោយមាន​អ្នកចូលរួម​អាយុ​ជា​មធ្យម ៥២ ឆ្នាំ ចំនួន ៨០.៣០៦ នាក់​។ ហើយ​គេ​សង្កេតឃើញថា​អ្នក​ដែល​ចូលរួម​សកម្មភាព​ហែល​ទឹក រាំ​និង​មើល​ខុន​សឺត (​ការប្រគុំ​តន្ត្រី​) ពន្យារ​ការស្លាប់​បាន​ចន្លោះ ៤៧ ទៅ ៥៦ ភាគរយ​៕

ប្រភព៖បរទេស

adverise with khmeread

មតិយោបល់