adverise with khmeread Neymar

Man Utd កំពុងតាមឃ្លាំមើលស្ថានភាពរបស់ Neymar

          ​ ក្លឹប Man Utd កំពុង​តាម​សង្កេត​មើល​ស្ថានភាព​របស់​ Neymar នៅ Barcelona ខណៈ​កីឡាករ​ប្រេស៊ីល​រូបនេះ​ពិចារណា​​ចង់​ចាកចេញពី​ទឹកដី Nou Camp ។ ទោះបីជា ​ក្លឹប Man Utd អាចនឹងត្រូវ​ចំណាយច្រើន​ដើម្បី​អូសទាញ​ Neymar ឲ្យ​ចាក​ចេញពី Barcelona ដែលច្រើន​ជាង​ការចំណាយ​លើក​កិច្ច​ព្រម​ព្រៀងផ្ទេរ​ Paul Pogba ​ទៅទៀតក៏ដោយ ក៏ក្លឹបនេះមិនបោះបង់​ការប្រម៉ាញ់​នេះ​ដែរ។

          ​ បើទោះបីជា​ Neymar ទើបតែបានចុះកិច្ចសន្យា​បន្ថែម​កាល​ពីខែមុន ហើយ​​ក្លឹប Barcelona បាន​ប្រកាស​ជា​ផ្លូវ​ការកាល​ពីខែកក្កដា​ក៏ដោយ ក៏ប្រភព​ជា​ច្រើន​ចាត់ទុក​កិច្ច​សន្យា​នេះថា គ្រាន់តែ​ជា​ការ​បិទបាំង​ជម្លោះ​ដ៏អូសបន្លាយ​រវាង​កីឡាករ​រូប​នេះ​និង​ក្លឹប​តែប៉ុណ្ណោះ។

          ​ Neymar និង Barcelona បន្ត​ជួប​បញ្ហា​ស្មុគស្មាញ​ដោយ​សារតែ​​ក្លឹប Barcelona បាន​ផ្តាច់​កីឡាករ​រូបនេះចេញ​ពីកិច្ច​ព្រមព្រៀង​ម្ចាស់កម្មសិទ្ធិ​របស់​ភាគីទីបី​នៅ​ប្រេស៊ីល។

          ការស៊ើប​អង្កេត​របស់​រដ្ឋាភិបាល​អេស្ប៉ាញទៅលើ​កិច្ច​ព្រមព្រៀង​ផ្ទេរ​រក​ឃើញ​ថា Barcelona ​មិនបានរាយការណ៍​អស់ពី​ទំហំ​នៃកិច្ច​ព្រមព្រៀង​ផ្ទេរ​ដែល​តាម​ចោទថា មាន​ទឹកប្រាក់​៨៦,២​លាន​អឺរ៉ូ​ ដែល​ក្នុងនោះ ៤០​លាន​អឺរ៉ូ​ត្រូវ​បាន​ចំណាយ​ដោយ​ផ្ទាល់ទៅ​ឲ្យ​ក្រុម​គ្រួសារ​របស់​ Neymar៕

adverise with khmeread

មតិយោបល់