ខឹង​មេការ​មិនឱ្យ​លុយ​ថ្លៃពិដាន​...​ទៅ​បំផ្លាញ​ពិ​ដាន​អស់ ​៨ ​ផ្ទាំង​ត្រូវ​ប៉ូលិស​ឃាត់ខ្លួន​

    ភ្នំពេញ ៖ ជនសង្ស័យ ​២ ​នាក់​ត្រូវបាន​ប៉ូលិស​ប​ង្ក្រា​ប​ជាក់​សែ្ត​ង​ក្នុងករណី​ធ្វើឱ្យ​ខូចខាត​ដោយ​ចេតនា ដោយ​យក​ទុយោ​ជ័រ​បុក​ពិ​ដាន​ម្នាងសិលា​បណ្ដាលឱ្យ​ធ្លុះធ្លាយ​នៅ​ថៃ្ង​ទី​២ ​ធ្នូ​ ឆ្នាំ​២០១៦ វេលា​ម៉ោង​ ១០ ​យប់​នៅ​ចំណុច​ផ្ទះ​កំពុង​សាងសង់​លេខ គ្មាន​ផ្លូវ​លេខ​៩៣ ក្រុមទី​១៨ ភូមិ​ទួល​សង្កែ សង្កាត់​ទួល​សង្កែ ខណ្ឌឫស្សីកែវ​។​

    ប៉ូលិស​និយាយថា ដំបូង​កម្លាំង​ល្បាត​ខណ្ឌ​​ និង​កម្លាំង​ប៉ូលិស​ប៉ុ​សិ៍្ត​សហកា​ជាមួយ​ប្រជា​ការពារ​បាន​ឃាត់​ជនសង្ស័យ​ចំនួន ​២ ​នាក់​គឺ​១-​ឈ្មោះ អន ចាន់​ថ​ល ហៅ វាសនា ភេទ​ប្រុស អាយុ​៣០​ឆាំ្ន ខែ្មរ ស្នាក់នៅ ផ្ទះជួល ផ្លូវ​បេតុង សង្កាត់​ភ្នំពេញ​ថ្មី ខណ្ឌ​សែន​សុខ មុខរបរ​ជាង​ពិ​ដាន ​(​ម្នាងសិលា​) និង​២-​ឈ្មោះ តុ​ន ភក្តី ភេទ​ប្រុស អាយុ​៣៤​ឆ្នាំ ស្នាក់នៅ ផ្ទះជួល ភូមិ​ត្រពាំង​ក្លឹង សង្កាត់​កា​កាប ខណ្ឌ​ពោធិ៍​សែន​ជ័យ មុខរបរ​ជាង​ពិ​ដាន​ (​ម្នាងសិលា​)​។​

    ចំណែក​ជនរងគ្រោះ​ឈ្មោះ ជា ព្រំ​មុន្នី ហៅ​អា​នី ភេទ​ស្រី ស្នាក់​នៅផ្ទះ​សាងសង់​ខាងលើ មុខរបរ លក់ដូរ​។​

    ដកហូត​វ​ត្តុ​តាង ​ទុយោ​ជ័រ​ព​ណ៌ទឹកសមុទ្រ ​១ ​ដើម មាន​លេខ​មុខកាត់​៨០m.l​ប្រវែង​៤​ម៉ែត​។​

    ប៉ូលិស​បន្តថា ក្នុងអំឡុង​ខែមេសា ​ឆាំ្ន​២០១៦ ជនរងគ្រោះ​បាន​សាងសង់​ផ្ទះ​នៅ​ចំណុច​ខាងលើ​ដោយបាន​ម៉ៅ​ផ្ទះ​ទៅឱ្យ​មេជាង​ជា​ទឹកប្រាក់​១​ម៉ឺ​ន​ដុ​លា្ល​រ​ ដោយ​បើក​លុយ​ហើយ​ជនរងគ្រោះ​ចាំតែ​ឡើង​នៅតែ​ម្តង។ បន្ទាប់មក​មេការ​បាន​រត់ចោល​ដោយ​មិនបាន​ឱ្យ​ថៃ្ល​ធើ្វ​ពិ​ដាន​ទៅ​ជនសង្ស័យ​ទាំង​២ នាក់នេះ​ឡើយ។​

    លុះ​នៅ​យប់​ថៃ្ង​ទី​២ ​ធ្នូ ​២០១៦ វេលា​ម៉ោង​ ១០ ​យប់​ជនសង្ស័យ​ទាំងពីរ​នាក់​ខាងលើ បាន​ជិះ​ម៉ូតូឌុប​មក​ផ្ទះ​សាងសង់​ខាងលើ ហើយ​បាន​យក​ទុយោ​ជ័រ​ ១ ​ដើម​ទំហំ​ 80m.l ប្រវែង​ ៤ ​ម៉ែត្រ​ទៅបុក​ដំបូល​ពិ​ដា​នប​ណ្តោ​ល​ឱ្យ​ធ្លុះ​ចំនួន​ ៨ ​កន្លែង​ក្នុង​ ១​ កន្លែង​ធ្លុះ​ទំហំ ​80m.l រួច​ត្រូវបាន​ម្ចាស់ផ្ទះ​ស្រែក​ឆា​ឡោ​ផ្អើល​ដល់​កម្លាំង​សមត្ថកិច្ច ឃាត់ខ្លួន​ជនសង្ស័យ​ទាំង​២​នាក់​តែម្តង​។​

    ក្នុងករណីនេះ​ប៉ូលិស​បាន​កសាង​សំណុំរឿង​ប​ញ្ជូ​ន​ជនសង្ស័យ​ខាងលើ និង​​វ​ត្តុ​តាង​ទៅ​សាលាដំបូង​រាជធានី​ភ្នំពេញ​អនុវត្តន៍​តាម​និតិ​វិធី​ច្បាប់​៕

Unnamed %285%29
adverise with khmeread
Loading ad ...