ក្នុងអំឡុងពេល​ ១ ​ខែ​អាវុធហត្ថ​បង្ក្រាប​គ្រឿងញៀន​បាន​ ១១ ​លើក​ឃាត់​ ៣៤​ នាក់​

    ភ្នំពេញ ៖ យោងតាម​របាយការណ៍​ប្រចាំខែ​របស់​កង​អាវុធហត្ថ​រាជធានី​ភ្នំពេញ​គិតពី​ថ្ងៃ​ដើម​សប្ដាហ៍​ទី​២ ​វិ​ច្ឆិ​កា​ដល់​ថ្ងៃទី​២ ​ធ្នូ ឆ្នាំ​២០១៦​នេះ បានឱ្យដឹងថា កម្លាំង​អាវុធហត្ថរាជ​ធានី​បង្ក្រាប​បទល្មើស​គ្រឿងញៀន​បាន​ ១១​ ​លើក​ឃាត់​មនុស្ស ​៣៤ ​នាក់ ​(​ស្រី​៥​នាក់​)​ ត្រូវបាន​បញ្ជូនទៅ​តុលាការ​ដើម្បី​ផ្ដន្ទាទោស​តាមច្បាប់​ទាំងអស់​។​

    របាយការណ៍​បានបញ្ជាក់​ឱ្យដឹង​នៅ​រសៀល​ថ្ងៃទី​០៣​ ធ្នូ​ ថាក្នុង​ប្រតិបត្តិ​ការបង្ក្រាប​បទល្មើស​គ្រឿងញៀន​នោះ​កម្លាំង​អាវុធហត្ថ​ដកហូត វត្ថុតាង បាន​ពី​ជនសង្ស័យ​រួមមាន​ម្សៅ​ក្រាម​ពណ៌​ស​ ៦៥​ កញ្ចប់​ស្មើនឹង​ ១៩,៩២​ ក្រាម, ​ជញ្ជីង​ថ្លឹង​ថ្នាំញៀន​ ២​ គ្រឿង​, ​ថ្នាំញៀន​គ្រាប់​ព​ណ៌បៃតង​២២, ​ប្រាក់​ខ្មែរ​២២.៤០០​រៀល​, ទូរស័ព្ទ​១០​គ្រឿង​ និង​ម៉ូតូ​ ៦ ​គ្រឿង​ (​បានប្រគល់​ជូន​ម្ចាស់​ដើម​វិញ​),​ កញ្ឆា​២​កញ្ចប់​ដាវ​២​កាំបិត​១, ​ញ​ញូ​១​, ដែក​ឆ្កិះ​សោ​១ និង​សម្ភារៈ​ជក់​មួយចំនួនទៀត។​

    របាយការណ៍​ដដែល​បាន​បន្តថា ការបង្ក្រាប​ខាងលើនេះ​បែង​ចែកជា​២​ផ្នែក​គឺ​១-​ពាក់ព័ន្ធ​ករណី​ជួញដូរ​គ្រឿងញៀន​ ៧ ​លើក​ឃាត់ខ្លួន​ ០៩ ​នាក់​ស្រី​ ៣​ ​នាក់ ​និង​ទី​២-​ពាក់ព័ន្ធ​ករណី​ប្រើប្រាស់​គ្រឿងញៀន​ ៤ ​លើក​ឃាត់​មនុស្ស ​២៥ ​នាក់​ស្រី ​២ ​នាក់។​

    ក្រោយពី​បាន​សាកសួរ​រួចរាល់​ហើយ​នោះ​កម្លាំង​អាវុធហត្ថ​ការិយាល័យ​ស្រាវជ្រាវ​ប្រឆាំង​គ្រឿងញៀន​រាជធានី​បាន​កសាង​សំណុំរឿង​បញ្ជូន​ជនសង្ស័យ​ទាំង ​៣២ ​នាក់​ទៅ​តុលាការ​ដើម្បី​ផ្ដន្ទាទោស​តាមផ្លូវ​ច្បាប់​ និង​២​នាក់​ទៀត​បញ្ជូនទៅ​មជ្ឈមណ្ឌល​ផ្ដាច់​គ្រឿងញៀន​បន្ទាយមានជ័យ​៕​

adverise with khmeread