Shu Qi ប្រើឈុតរលុងនៅអាកាសយានដ្ឋាន ហើយគេចមុខពីអ្នកកាសែត

តារា​ស្រីតៃវ៉ាន់ Shu Qi បាន​​វិលត្រឡប់​មកទីក្រុង​ហុងកុងប្រហែល​ជា​ម៉ោង​​៤​ល្ងាច​ បន្ទាប់ពី​ចូល​រួម​កម្មវិធី​ប្រគល់​ពាន Golden Horse Awards នៅ​ទី​ក្រុងតៃវ៉ាន់​ ហើយមិត្តភក្តិជិតស្និទ្ធ​របស់​នាងឈ្មោះ Matilda Tao បាន​ស្ទាប់​អង្អែល​ក្បាល​ពោះ​របស់​នាង​ដោយ​ចេតនា​ ខណៈ​ពេល​មាន​ពាក្យ​ចចាម​អារ៉ាម​ថា Shu Qi មាន​ផ្ទៃពោះ​ត្រូវ​បាន​ផ្សព្វផ្សាយ​ជា​ទូទៅ។

កាលពីថ្ងៃទី​២៧​ខែវិច្ឆិកា​ Shu Qi ស្លៀ​ក​ពាក់​ឈុត​រលុង​និង​ពាក់​ម៉ាស់​ អាវ​ធំ​និង​ស្បែក​ជើង​បាតរាបស្មើ​នៅ​សាល​រង់ចាំ​របស់ភ្ញៀវ​ ហើយ​ដើរ​ទៅ​កន្លែង​ចត​រថយន្ត​ជាមួយ​នឹង​ជំនួយ​កា​ររបស់នាង​យ៉ាងប្រញាប់ប្រញាល់​​នៅ​ពេល​ឃើញ​ក្រុម​អ្នក​កាសែត។ នៅពេល​សួរនាំ​ថា តើ​នាងមានសកម្មភាព​ប្រញប់​ប្រញាល់​បែបនេះ ដើម្បីបដិសេធពី​ពាក្យចចាមអារ៉ាម​មាន​ផ្ទៃពោះឬយ៉ាងណា​នោះ Shu Qi មិនបាន​ឆ្លើយ​តប​ទេ ហើយ​បើក​រថយន្ត​ចេញភ្លាម​ បន្ទាប់ពី​ជំនួយ​ការ​របស់​នាងបាន​ដាក់អីវ៉ាន់​ចូល​ក្នុង​រថយន្ត​រួចរាល់៕​

Fkefselmms
adverise with khmeread

អ្នកនឹងចូលចិត្ត

Loading ad ...