កម្សត់ម៉្លេះទេ! ម្ដាយធ្លាក់ខ្លួនពិការច្រើនឆ្នាំក្រោយជួបគ្រោះថ្នាក់​ចរាចរណ៍ បានដេកស្លាប់ខណៈកូនស្រីដើរទៅ​​ទិញ​សាប៊ូ

    ភ្នំពេញ ៖ ស្ត្រី​ម្នាក់​ក្រោយពេល​មាន​គ្រោះថ្នាក់​ចរាចរណ៍​ច្រើន​ឆ្នាំ​ធ្លាក់ខ្លួន​ពិការ​បាក់​ឆ្អឹងខ្នង​, ​បាក់ដៃ​ស្តាំ​ និង​ស្វិតជើង​ស្តាំ ម្យ៉ាង​ដោយ​គ្មាន​លុយ​គ្រប់គ្រាន់​ដើម្បី​ព្យាបាល​បានទទួល​មរណៈភាព​យ៉ាងកម្សត់​កាលពី​ថ្ងៃទី០៨ ​ធ្នូ ​ឆ្នាំ​២០១៦​ នៅផ្ទះ​គ្មាន​លេខ ផ្លូវលំ ក្រុមទី​៣ ភូមិទួល​សង្កែ សង្កាត់​ទួល​សង្កែ ខណ្ឌ​ឬ​ស្សី​កែវ​។​

    ប៉ូលិស​បញ្ជាក់ថា ជនរងគ្រោះ​បាន​គ្រោះថ្នាក់​ចរ​ចរណ៍​នៅ​ឆ្នាំ​២០០៧​ បាក់ឆ្អឹង​ខ្នង​,​ បាក់ដៃ​ស្តាំ​ និង​ស្វិតជើង​ស្តាំ​ពិការ​រហូតមកដល់​ស​ព្វ​ថ្ងៃ។​ លុះដល់​​ថ្ងៃទី០៨ ​ធ្នូ​ ២០១៦ ​វេលា​ម៉ោង​កើតហេតុ​ខាងលើ កូនស្រី​ជនរងគ្រោះ​បាន​ដើរទៅ​​ទិញ​សាប៊ូ ទុកឱ្យ​ជនរងគ្រោះ​នៅផ្ទះ​តែម្នាក់ឯង។​ ពេល​ត្រឡប់មកវិញ ឃើញ​ទ្វារ​​ផ្ទះ​ខ្ទាស់​គន្លឹះ​ពី​ខាងក្នុង គោះទ្វារ​មិនមាន​ការឆ្លើយតប ក៏​ខ្ចី​កាំបិត​អ្ន​កិត​ខាង​គាស់ស័ង្គសី​ឆ្កឹះ​គន្លឹះទ្វារ​ចូល​ទើប​ដឹងថា​គាត់​ស្លាប់​។​

    ប៉ូលិស​បន្តថា សព​ឈ្មោះ ខៀវ ​ពៅ ភេទស្រី អាយុ​៥២ឆ្នាំ មុខរបរ នៅផ្ទះ ទីលំនៅ​ផ្ទះកើតហេតុ​ខាងលើ​។ បើតាម​ការសន្និដ្ឋានរ​បស់​ប៉ូលិស​ថា​ស្លាប់​ដោយ​គាំងបេះដូង​​ (​អាច​បណ្តាលមកពី​ជំងឺ​បេះដូង​)​។​ សាកសព​ត្រូវ​កូន​ធ្វើបុណ្យ​តាម​ប្រពៃណី​៕

Unnamed %281%29
adverise with khmeread