adverise with khmeread 4

ស្រវឹងបើកកាមរីឆ្លាមរនាំងដែកពុះចែកទ្រូងផ្លូវបាក់អស់ពីរផ្ទាំង

     ភ្នំពេញ ៖ បុរស​ម្នាក់​ជាម​ន្ត្រី​យោធា​ស្រវឹង​បើករថយន្ដ​កាមរី​ឆ្លាម​ជ្រុល​បុក​រនាំង​ដែក​ពុះ​ចែក​ទ្រូងផ្លូវ​ពេញទំហឹង​បណ្ដាល​ឲ្យ​បាក់​ចំនួន​ពីរ​ផ្ទាំង​ហើយ​រថយន្ដ​បាន​ព្យាយាម​បើក​រត់គេច​បានប្រហែល​១០០​ម៉ែត្រ​ក៏​ដាច់​កាឡេ​កង់​ខាងមុខ​បន្តដំណើរ​ទៅមុខ​លែងរួច​ត្រូវ​ប៉ូលិស​ឃាត់ទុក​។​

     ហេតុការណ៍​នេះ​បាន​កើតឡើង​កាលពី​វេលា​ម៉ោង​១០​និង​២៥​នាទី​យប់​ថ្ងៃទី​១៨ ខែមករា ឆ្នាំ​២០១៦ តាម​បណ្ដោយ​មហាវិថី​ព្រះមុនីវង្ស​នៅ​ចំណុច​ខាងមុខ​វត្ត​កោះ ស្ថិតក្នុង​សង្កាត់បឹងរាំង  ខណ្ឌដូនពេញ រាជធានី​ភ្នំពេញ​។​

    ប៉ូលិស​បាន​ឲ្យ​ដឹងថា នៅ​មុនពេល​កើតហេតុ​គេ​បានឃើញ​មាន​រថយន្ដ​មួយគ្រឿង​ម៉ាក​កាមរី​ឆ្លាម ពណ៌​ខ្មៅ ពាក់​ស្លាក​លេខ ភ្នំពេញ​2P-3552 បើកបរ​ដោយ​បុរស​ម្នាក់​ឈ្មោះ​សុខ ថនអាយុ​៤៩​ឆ្នាំ​មុ​ខេ​វេ​មន្ត្រី​យោធា​អង្គភាព​អគ្គសេនាធិការ​ស្នាក់​នៅផ្ទះ​លេខ​១០៤៥​ផ្លូវជាតិ​លេខ​២​សង្កាត់​ចាក់អង្រែលើ ខណ្ឌមានជ័យ​ស្ថិតក្នុង​ស្ថានភាព​ស្រវឹង​ជោកជាំ ធ្វើដំណើរ​តាមបណ្ដោយ​មហាវិថី​ព្រះមុនីវង្ស ទិសដៅ​ពី​ត្បូង​ទៅ​ជើង​។​

    លុះ​មកដល់​ចំណុចកើតហេតុ​ក៏​ជ្រុល​ទៅបុក​រនាំង​ដែក​ពុះ​ចែក​ទ្រូងផ្លូវ​បណ្ដាល​បាក់​ដួល​អស់​ចំនួន​ពីរ​ផ្ទាំង​រង​ការខូចខាត​ហើយ​រថយន្ដ​បាន​ព្យាយាម​បើក​រត់គេចខ្លួន​បាន​ប្រហែល​១០០​ម៉ែត្រ​ក៏​ដាច់​កាឡេ​ខាងមុខ​ផ្នែក​ខាងឆ្វេង​បន្តដំណើរ​ទៅមុខ​លែងរួច​តែម្ដង​ទើប​ត្រូវបាន​ប៉ូលិស​មូលដ្ឋាន​ឃាត់​ជាប់​។​

    ក្រោយ​កើតហេតុ​កម្លាំង​ប៉ូលិស​ជំនាញ​ចុះមក​ធ្វើការ​វាស់វែង​ស្ទួ​ច​យក​រថយន្ដ​បង្ក​យកទៅ​រក្សាទុក​នៅ​ការិយាល័យ​ចរាចរណ៍​រាជធានី​ភ្នំពេញ ដើម្បី​រងចាំ​ដោះស្រាយ​នៅពេល​ក្រោយ​៕​

adverise with khmeread

មតិយោបល់