samsung-banner
adverise with khmeread

​គួរឱ្យ​សោកសង្រេង​ណាស់​! កីឡាករ Chapecoense ម្នាក់​ដែល​នៅរស់​ពី​ការធ្លាក់​យន្តហោះ ភ្ញាក់ឡើង​សួរ​មនុស្ស​ជុំវិញខ្លួន​ថា ក្រុម​ខ្លួន​ឈ្នះ ឬ​ចាញ់ Atletico Nacional

1

​    ​កីឡាករ​ក្លឹប Chapecoense ម្នាក់​ដែល​រួច​ផុតពី​គ្រោះថ្នាក់​ធ្លាក់​យន្តហោះ​កាលពី​ខែ​មុន មិនទាន់​ត្រូវបាន​គេ​ប្រាប់​ពីអ្វី​ដែល​បាន​កើតឡើង​ក្នុង​ឧបទ្ទវ​ហេតុដែល​បានសម្លាប់​មិត្ត​រួម​ក្រុម​របស់គាត់​សឹង​ទាំងអស់​នៅឡើយ​ទេ​។​

​    ​យោងតាម​របាយការណ៍​បានឱ្យដឹងថា ខ្សែការពារ Helio Hermito Zampier Neto វ័យ ៣១ ឆ្នាំ​ដែលជា​អ្នក​រួច​រស់​ជីវិត​ម្នាក់​ក្នុងចំណោម ៦ នាក់​កំពុង​ស្ថិតក្នុង​មន្ទីរពេទ្យ​ជាមួយ​របួស​ធ្ងន់ធ្ងរ​។ គាត់​បាន​សួរ​អ្នក​មក​សួរសុខទុក្ខ​គាត់​នៅ​មន្ទីរពេទ្យ​អំពី​ចំណាត់ថ្នាក់​ក្រុម​របស់គាត់​ក្នុង​វគ្គ​ផ្តាច់ព្រ័ត្រ Copa Sudamericana ដែល​ត្រូវ​ប៉ះ​ជាមួយ​ក្រុម Atletico Nacional របស់​កូ​ឡុំ​ប៊ី​។​

​    ​គ្រូពេទ្យ​បានស្នើ​ឱ្យ​មនុស្ស​ទាំងអស់​កុំ​ប្រាប់​ពី​ជោគវាសនា​របស់​មិត្ត​រួម​ក្រុម​ឱ្យ​គាត់​ដឹង​ឱ្យសោះ ព្រោះ​ខ្លាច​លាប់​មុខរបួស​ដោយ​សារ​រន្ធត់ចិត្ត​ពេក​។​

​    ​មិត្ត​រួម​ក្រុម​របស់ Neto ចំនួន ១៩ នាក់​និង​អ្នកដំណើរ ៥២ នាក់​ផ្សេងទៀត​បាន​ស្លាប់​កាលពី​ថ្ងៃទី ២៨ ខែវិច្ឆិកា ដោយ​ក្នុងនោះ​រួមបញ្ចូល​ទាំង​អ្នកកាសែត​ចំនួន ២០ នាក់​។​

​    ​លោក​វេជ្ជបណ្ឌិត Carlos Mendonca បាន​ប្រាប់​វេ​ប​សាយ Globo ថា "​វា​ជា​អនុសាសន៍​ពី​ចិត្តវិទូ​ដោយ​មិនឱ្យ​ប្រាប់​គាត់​អំពី​គ្រោះថ្នាក់​ធ្លាក់​យន្តហោះ​ទេ​។ គោលបំណង​នោះ​គឺ​ដើម្បី​ចៀសវាង​ការ​រន្ធត់​ផ្លូវចិត្ត​ណាមួយ ដែ​អាចធ្វើឱ្យ​គាត់​មាន​របួស​រឹតតែ​ធ្ងន់​មិនអាច​ជាសះស្បើយ​ឡើងវិញ​នៅ​គ្រានេះ​"​។​

​    ​Neto ត្រូវបាន​ដក​ឧបករណ៍​ទ្រទ្រង់​ជីវិត​កាលពី​ថ្ងៃ​សៅរ៍ គឺ​៩​ថ្ងៃ​បន្ទាប់ពី​ស្ថិត​សន្លប់​ឥត​ដឹងខ្លួន​និង​ការវះកាត់​ជាច្រើន​។ ក្រុមគ្រូពេទ្យ​រំពឹងថា កីឡាករ​រូបនេះ​នឹង​ជាសះស្បើយ​នាពេលខាងមុខ​៕

ប្រភព៖ បរទេស

adverise with khmeread

មតិយោបល់