ចិន​នឹង​បើក​រោងចក្រ​ផលិត​អាវុធ​យុទ្ធ​ភ័​ណ្ឌ​ក្នុង​ស្រុកថៃ​

    ​រដ្ឋាភិបាល​ក្រុង​ប៉េកាំង​បាន​ស្វាគមន៍​សំណើ​របស់​ឧបនាយករដ្ឋមន្ត្រី និង​រដ្ឋមន្ត្រី​ក្រសួងការពារជាតិ​ថៃ លោក Prawit Wongsuwon ដែល​សុំឱ្យ​ចិន​សង់រោង​ចក្រ​ផលិត និង​ជួសជុល​អាវុធ​យុទ្ធ​ភ័​ណ្ឌ​ក្នុងប្រទេស​ថៃ​។ នេះ​បើតាម​កាសែត​បាងកក​ប៉ុស្តិ៍​ចេញផ្សាយ​ថ្ងៃ​អង្គារ​ទី ១៣​ធ្នូ​។​

​    ​អ្នកនាំពាក្យ​ក្រសួងការពារជាតិ លោក Khongcheep Tantrawanich បាន​និយាយ​កាលពី​ថ្ងៃ​អង្គា​រថា ឧ​ត្ត​ម​សេនីយ៍ Wongsuwon បានលើកឡើង​នូវ​សំណើ​នេះ​អំឡុង​កិច្ចប្រជុំ​មួយ​ជាមួយ​រដ្ឋមន្ត្រី​ក្រសួងការពារជាតិ​ចិន លោក Chang Wanquan អំឡុង​ទស្សនកិច្ច​ពីរ​ថ្ងៃ​របស់លោក ដែល​បញ្ចប់​កាលពី​ថ្ងៃ​អង្គារ​។​

​    ​ឧ​ត្ត​ម​សេនីយ៍ Wongsuwon បានស្នើ​ថា រោងចក្រ​នេះ​ផលិត​និង​ជួសជុល​គ្រឿង​សព្វាវុធ ដែល​ចិន​ផ្គត់ផ្គង់​ឱ្យ​ថៃ​និង​ប្រទេស​ផ្សេងៗ​ទៀត​នៅក្នុង​តំបន់​។ រោងចក្រ​នេះ នឹង​ជា​ប្រភព​មួយ​ផងដែរ​នៃ​គ្រឿង​អាវុធ​និង​ការផ្ទេរ​បច្ចេកវិជ្ជា​សម្រាប់​ថៃ​។​

​    ​លោក Chang Wanquan បានបង្ហាញ​ការគាំទ្រ​របស់លោក​សម្រាប់​សំណើ​នេះ ហើយ​អ្នកនាំពាក្យ​ក្រសួងការពារជាតិ​ថៃ​និយាយថា ចិន​បាន​យល់ព្រម​បង្កើត​ក្រុមការងារ​មួយ​ដើម្បី​រៀបចំ​ដំណើរ​ការសង់​រោងចក្រ​ឱ្យ​ដំណើរការ​ហើយ​។​

​    ​លោក Khongcheep និយាយថា រដ្ឋមន្ត្រី​ក្រសួងការពារជាតិ​ចិន​ក៏​ស្នើ​បង្កើន​ប្រតិបត្តិការ​យោធា​ផងដែរ រួមមាន​លំ​ហាត់​យោធា​រួម និង​ការដោះដូរ​ទស្សនកិច្ច​គ្នា​៕  

ប្រភព៖ឞាងកកប៉ុស្ដិ៍

0
adverise with khmeread

អ្នកនឹងចូលចិត្ត

Loading ad ...