samsung-banner
adverise with khmeread

គណៈកម្មការ​សិទ្ធិមនុស្ស UN ព្រមាន​ថា ស៊ូដង់​ខាងត្បូង​ប្រឈម​អំពើ​ប្រល័យពូជសាសន៍ "​ដូច​នៅរ​វ៉ាន់ដា​"

1

​    ​ប្រធាន​គណៈកម្មការ​សិទ្ធិមនុស្ស​របស់​អង្គការសហប្រជាជាតិ​បាន​ព្រមាន​ថា ប្រទេស​ស៊ូដង់​ខាងត្បូង​កំពុង​ស្ថិតនៅ​លើផ្លូវ​ឆ្ពោះទៅរក​សង្គ្រាមស៊ីវិល​ដែលមាន​គ្រប់​ជនជាតិភាគតិច​ចូលរួម​ច្បាំង​។​

​    ​លោកស្រី Yasmin Sooka បាន​ប្រាប់​ក្រុមប្រឹក្សា​សិទ្ធិមនុស្ស​អង្គការសហប្រជាជាតិ​ថា សមាគមន៍​អន្តរជាតិ​អាច​ទប់ស្កាត់​អំពើ​ប្រល័យពូជសាសន៍​ដូច​ប្រទេស​រ្វ៉ា​ន់​ដា ដោយ​ដាក់ពង្រាយ​កង​រក្សា​សន្តិភាព​ភ្លាមៗ​ចំនួន ៤.០០០ នាក់​ដើម្បី​ការពារ​ជន​ស៊ីវិល​។​

​    ​លោកស្រី​ក៏បាន​អំពាវនាវ​ឱ្យ​ប្រទេស​នេះ​បង្កើត​តុលាការ​មួយ​ដើម្បី​កាត់ទោស​អំពើ​ឃោរឃៅ​នៅក្នុង​ប្រទេស​ថ្មី​បំផុត​របស់​ពិភពលោក​មួយ​នេះ​។ 

​    ​មនុស្ស​រាប់ម៉ឺន​នាក់​ត្រូវបាន​សម្លាប់​ក្នុងការ​ប្រយុទ្ធ​គ្នា​ក្នុងប្រទេស​ស៊ូដង់​ខាងត្បូង​ហើយ​មនុស្ស​ជាង​មួយ​លាន​នាក់​បាន​ជម្លៀស​ខ្លួន​។​

​    ​ជម្លោះ​ក្នុងប្រទេស​នេះ​បាន​ផ្ទុះឡើង​ក្នុង​ខែធ្នូ ឆ្នាំ ២០១៣ បន្ទាប់ពី​លោក​ប្រធានាធិបតី Salva Kiir បាន​បណ្តេញ​អនុ​ប្រធានាធិបតី Riek Machar ដោយ​បង្កឱ្យមាន​សង្គ្រាមស៊ីវិល​។​

​    ​ខណៈ​អាជ្ញាធរ​ស៊ូដង់​ខាងត្បូង​បាន​បដិសេធថា ជន​ស៊ីវិល​កំពុង​ក្លាយជា​គោលដៅ​វាយប្រហារ កំណត់ត្រា​ជនអន្តោប្រវេសន៍​បានចង្អុលបង្ហាញ​ថា​ភាគី​ទាំងពីរ​បាន​ផ្តោត​គោលដៅ​មកលើ​ជន​ស៊ីវិល​នៅតាម​ក្រុម​ជនជាតិភាគតិច ជាហេតុ​ធ្វើឱ្យ​លោកស្រី Sooka ព្រមាន​អំពី​ការកើតឡើង​ម្តងទៀត​នូវ​អំពើ​ប្រល័យពូជសាសន៍​ដូច​នៅរ​វ៉ាន់ដា​ឆ្នាំ ១៩៩៤៕

ប្រភព៖ បរទេស

adverise with khmeread

មតិយោបល់