samsung-banner
adverise with khmeread

មុន​បោះឆ្នោត Hillary Clinton និង Donald Trump បបួលគ្នា​លេង​សៀក​នៅ​ហាង​នំប៉័ង​មួយ​! ដាច់​ចង្កេះ Trump

1

    ​នៅ​ថ្ងៃមួយ​មុន​ការបោះឆ្នោតជាតិ​អាមេរិក លោកស្រី Hillary Clinton និង​លោក Donald Trump បាន​ចូល​ហាង​នំ​បុ័ង​មួយកន្លែង​ជាមួយគ្នា​។​

​    ​នៅពេល​ពួកគេ​ចូលទៅក្នុង​ហាង​ភ្លាម លោក Donald Trump ក៏បាន​លួច​នំ​បុ័ង​បី​ដុំ​ហើយ​ដាក់​ចូលក្នុង​ហៅ​ប៉ៅ​របស់គាត់​យ៉ាង​លឿន​។ លោក​បាន​និយាយ​ទៅកាន់​លោកស្រី Hillary ថា "​ឃើញ​ទេ​! ខ្ញុំ​ឆ្លាត​អ៊ីចឹង ដឹង​នៅ​? ម្ចាស់​ហាង​មិន​បានឃើញ​អ្វី​ទាំង​អស់ហើយ​ខ្ញុំ​មិនចាំបាច់​កុហក់​នរណា​ដែរ​។ ខ្ញុំ​ច្បាស់​ជា​ឈ្នះ​ការបោះឆ្នោត​លើក​នេះហើយ​"​។​

​    ​ដោយ​ឮដូច្នេះ​លោកស្រី Hillary Clinton បាន​និយាយ​ទៅកាន់​លោក Donald Trump យ៉ាង​ដូច្នេះ​ថា "​វា​ជា​ភាពមិនស្មោះត្រង់​ប្រចាំត្រកូល​ពេញ​មួយជីវិត​របស់លោក​ទៅហើយ ទាំង​ល្បិ​ក​កល់​និង​ការបោកប្រាស់​។ ខ្ញុំ​នឹង​បង្ហាញ​លោក​នូវ​វិធី​ដ៏​ស្មោះត្រង់​មួយ​ដើម្បី​ទទួលបាន​លទ្ធផល​ដូចគ្នា​"​។​

​    ​ក្រោយ​និយាយ​គ្នា​រួច លោកស្រី​បាន​ដើរ​សំដៅទៅ​ម្ចាស់​ហាង​ហើយ​និយាយថា "​ឱ្យ​នំ​បុ័ង​ខ្ញុំ​មួយ​ដុំ​មក ខ្ញុំ​នឹង​បង្ហាញ​លោក​នូវ​សៀក​រហស្សកម្ម​មួយ​ដល់​លោក​ភ្លាម​"​។ ដោយ​ឮដូច្នេះ​ម្ចាស់​ហាង​ក៏​ចាប់អារម្មណ៍​ហើយ​គាត់​ក៏​ព្រម​ទទួល​សំណើ​របស់​លោកស្រី ហើយ​គាត់​ក៏​ឱ្យ​លោកស្រី​នូវ​នំ​បុ័ង​មួយ​ដុំ​។ លោកស្រី​បាន​ពិសា​អស់​មួយ​ដុំ​ហើយក៏​បាន​សុំ​មួយ​ដុំ​ទៀត​។ ម្ចាស់​ហាង​ក៏​ព្រម​តាម​សំណើ​ទៀត​។ បន្ទាប់មក​លោកស្រី​ក៏​សុំ​នំ​មួយ​ដុំ​ទៀតហើយ​ក៏បាន​ពិសា​អស់រលីង​។​

​    ​ម្ចាស់​ហាង​ចាប់ផ្តើម​កើតក្តី​សង្ស័យ​អំពី​សៀក​រហស្សកម្ម​នេះហើយ​ក៏​បាន​សួរ​លោកស្រី​ថា "​តើ​លោកស្រី​កំពុង​ធ្វើ​អ្វី​ជាមួយ​នំប៉័ង​បី​ដុំ​របស់ខ្ញុំ​?" លោកស្រី Hillary Clinton បាន​ឆ្លើយតប​ថា "​ឆែក​មើល​ហោប៉ៅ Donald Trump ទៅ​ឃើញ​នំប៉័ង​ទាំងបី​ដុំ​នោះ​ហើយ​"​។​

​    ​* បញ្ជាក់​៖ នេះ​គ្រាន់តែ​ជា​អត្ថបទ​សំណើច​ល្បងប្រាជ្ញា ដែល​ប្រជាជន​អាមេរិក​យកមក​និពន្ធ​ចែកគ្នា​អាន​មុន​បោះឆ្នោត​ប៉ុណ្ណោះ​៕

adverise with khmeread

អ្នកនឹងចូលចិត្ត

មតិយោបល់