Manchester United ផ្ញើលិខិត​រំលែក​ទុក្ខ និង​គាំទ្រ​លើកទឹកចិត្ត​ដល់​ក្លឹប Chapecoense

    ​បិសាច​ក្រហម Manchester United បាន​សរសេរ​លិខិត​មួយ​ទៅលើ​ដល់​ក្លឹប Chapecoense ជា​ក្លឹប​ប្រេ​ស៊ី​ល​ដែល​ត្រូវបាន​បំផ្លេចបំផ្លាញ​ស្ទើរ​ទាំងស្រុង ដោយ​ឧបទ្ទវហេតុ​ធ្លាក់​យន្តហោះ ដើម្បី​ផ្តល់ជូន​នូវ​ការគាំទ្រ និង​ក្តី​អាណិតអាសូរ​។​

​    ​យោងតាម​វេ​ប​សាយ DailyMail បានឱ្យដឹងថា លោក Ed Woodward អនុប្រធាន​ប្រតិបត្តិ​ក្លឹប​បិសាច​ក្រហម​លោក Chapecoense បាន​សរសេរ​លិខិត​មួយ​នៅ​ថ្ងៃមួយ បន្ទាប់ពី​ក្លឹប​អាមេរិក​ខាងត្បូង​មួយ​នេះ​បានធ្វើ​ការហោះហើរ​ទៅកាន់​ប្រទេស​កូ​ឡុំ​ប៊ី​ដោយបាន​ជួប​បញ្ហា​អស់​ប្រេងឥន្ធនៈ និង​ធ្លាក់​ទៅលើ​ចង្កេះភ្នំ​មួយ​កាលពី​ខែ​មុន​។​

​    ​ឧបទ្ទវហេតុ​មួយ​នេះ​បានសម្លាប់​ជីវិត​មនុស្ស​ចំនួន ៧១​នាក់ រួម​ជាមួយនឹង​កីឡាករ និង​បុគ្គលិក​របស់​ក្រុម Chapecoense ជាច្រើនរូប​។​

​    ​បិសាច​ក្រហម​ក៏​ធ្លាប់​ជួប​គ្រោះ​អកុសល​ដ៏​អាក្រក់​មួយ​នេះ​ផងដែរ កាលពី​ខែកុម្ភៈ​ឆ្នាំ​១៩៥៨ ដែល​យន្តហោះ​មួយគ្រឿង​បាន​ជូន​ដំណើរ​សមាជិក​ក្លឹប​របស់​បិសាច​ក្រហម​ត្រឡប់​ពី​កាតព្វកិច្ច​ប្រជែង​ពាន​កំពូល​ក្លឹប​អឺរ៉ុប​វិញ​ពី​ទីក្រុង Belgrade ដោយ​សំចត​ចុះ​ចាក់​សាំង​នៅ​ក្រុង Munich ហើយក៏​ធ្លាក់​ស្លាប់​មនុស្ស ២៣ នាក់​។​

​    ​បច្ចុប្បន្ន Chapecoense បានតែងតាំង​លោក Vagner Mancini ដើម្បី​កសាង​ក្លឹប​ឡើងវិញ ខណៈដែល​ក្លឹប​ប្រេ​ស៊ី​ល​ជាច្រើន​បាន​សន្យា​ផ្តល់​កីឡាករ​ខ្ចី​ជើង និង​បានស្នើ​ទៅកាន់​សហព័ន្ធ​បាល់ទាត់​ប្រេ​ស៊ី​ល​ដើម្បី​ការពារ​ពួកគេ​ពី​ការ​កាត់​ចេញពី​លី​ក​កំពូល​របស់​ប្រទេស​ប្រេ​ស៊ី​ល​សម្រាប់​រយៈពេល​បី​រដូវ​កាល​បន្ទាប់​ខាងមុខ​ផងដែរ​៕

ប្រភព៖បរទេស

Untitled 1
adverise with khmeread