ចាប់​វ៉ៃខ្នោះ​ចោរលួច​ម៉ូតូ​កង់​បី ម្នាក់​

    ភ្នំពេញ ៖ ជនសង្ស័យ​ម្នាក់​ត្រូវបាន​ប៉ូលិស​ខណ្ឌចំការមន​ប​ញ្ជូ​ន​ទៅ​តុលាការ​នា​ថ្ងៃទី​១៦​ ធ្នូ​នេះ បន្ទាប់ពី​បាន​លួច​ម៉ូតូ​កង់​បី នៅ​ចំណុច​មុខផ្ទះ​លេខ​៦៨ ផ្លូវ​លេខ​៤៥៤ ក្រុម​២៤ ភូមិ៤ សង្កាត់​ទួល​ទំពូង​១ ខណ្ឌចំការមន រាជធានី​ភ្នំពេញ​កាលពី​ថ្ងៃទី​១៤​ ធ្នូ​កន្លងទៅនេះ។​

    ប៉ូលិស​និយាយថា ជនសង្ស័យ​ឈ្មោះ ពេញ សំអាត ភេទប្រុស អាយុ ៤២ ឆ្នាំ ខ្មែរ មុខរបរ​គ្មាន​,​ ទីលំនៅ​មិន​ពិត​ប្រា​ដក បាន​លួច​យក​រ៉ឺម៉ក ០១ គ្រឿង ពណ៌​ត្របែកព្រៃ និង​ម៉ូតូ​ម៉ាក DEALIM CITIPLUS ពណ៌​ក្រហម លេខ​តួ 108640 និង​ម៉ាស៊ីន ​134108 ស្លាក​លេខ​ 1CD-8044 ភ្នំពេញ​។​

    ចំណែក​ជនរងគ្រោះ​ឈ្មោះ ម៉ក់ សុភា ភេទប្រុស អាយុ ៤៥ ឆ្នាំ ខ្មែរ មុខរបរ រត់​ម៉ូតូ​កង់​បី ស្នាក់​នៅផ្ទះ​លេខ ៦៨ ផ្លូវ ៤៥៤ សង្កាត់​ទួល​ទំពូង​១ ខណ្ឌចំការមន។ ​វត្ថុតាង​ដកហូត រ៉ឺម៉ក់​កង់​បី ០១ ​គ្រឿង ពណ៌ ត្របែកព្រៃ និង​ម៉ូតូ​ម៉ាក DEALIM CITIPLUS ពណ៌ ក្រហម លេខ​តូ 108640 និង​ម៉ាស៊ីន 134108 ស្លាក​លេខ 1CD-8044 ភ្នំពេញ ​(​របស់​ជនរងគ្រោះ ប្រគល់ជូន​ជន​រង គ្រោះ​)។

    ប៉ូលិស​បន្តថា កាលពី​ថ្ងៃទី​១២​ ធ្នូ​ ២០១៦​ ម៉ោង​១០​យប់​ជនរងគ្រោះ បាន​ចត​ម៉ូតូ​កង់​បី​របស់ខ្លួន​នៅមុខ​ផ្ទះកើតហេតុ ដោយ​ចាក់​ច្រ​វ៉ា​ក់ ត្រឹមត្រូវ រហូតដល​ម៉ោង ០៤ និង៣០​ទៀបភ្លឺ ថ្ងៃទី​១៣ ​ធ្នូ ​២០១៦ ជនរងគ្រោះ​បាន​បើក​ទ្វារផ្ទះ​ចេញមកក្រៅ​ក៏​ឃើញ​ជនសង្ស័យ​លួច​ម៉ូតូ កង់​បី​របស់ខ្លួន​បើក​ចេញ​ទៅហើយ​ជនរងគ្រោះ​ក៏ បាន​ជិះ​ម៉ូតូ​ដេញ។​

    បន្ទាប់មក ជនរងគ្រោះ​ក៏​បានមក​ដាក់ពាក្យ​បណ្តឹង នៅ​ប៉ុស្តិ៍​ទួល​ទំពូង​១ លុះ​នៅ​ម៉ោង ០២​រំលងអធ្រាត្រ ថ្ងៃទី១៤​ ធ្នូ​ ២០១៦ ជនរងគ្រោះ​បាន​ប្រទះឃើញ​ជនសង្ស័យ​ឈ្មោះ ពេញ សំអាត កំពុងបើក​ម៉ូតូ​របស់ខ្លួន នៅ​ម្តុំ​ឃ្លាំង​រំសេវ ហើយ​ជនរងគ្រោះ ក៏បាន​បើក​ម៉ូតូ​ដេញតាម​រហូតដល់​ក្រោយ​ផ្សារ​ដេប៉ូ សង្កាត់​ផ្សារ​ដេប៉ូ​១ ខណ្ឌទួលគោក និង​បាន​សហការ​ជាមួយ​សមត្ថកិច្ច​ប៉ុស្តិ៍​ផ្សារ​ដេប៉ូ ធ្វើការ​ឃាត់ខ្លួន ជនសង្ស័យ រួម​នឹង​ម៉ូតូ​កង់​បី​របស់ខ្លួន រួច​ក៏​យកមក ប្រគល់ឱ្យ​ប៉ូលិស​ប៉ុស្តិ៍​ទួល​ទំពូង​១ នៅ​ម៉ោង ០៣​ទៀបភ្លឺ ដើម្បី​ចាត់ការ​តាមផ្លូវ​ច្បាប់៕

Untitled 1
adverise with khmeread
Loading ad ...