samsung-banner
adverise with khmeread

ឃាត់​ជនសង្ស័យ​យួន​ម្នាក់​រួមភេទ​ជាមួយ​អនីតិជន​អាយុ​ ១៣ ​ឆ្នាំ​

Untitled 1

    ភ្នំពេញ ៖ ជនសង្ស័យ​ជនជាតិ​យួន​ម្នាក់​ត្រូវបាន​ប៉ូលិស​ឃាត់ខ្លួន​កាលពី​ល្ងាច​ថ្ងៃទី​១៨​ ធ្នូ​ ២០១៦ បន្ទាប់ពី​រួមភេទ​ជាមួយ​ក្មេងស្រី​អាយុ​១៣​ឆ្នាំ​បានសម្រេច​នៅ​ថ្ងៃទី​១១​ ធ្នូ​ ២០១៦ វេលា​ម៉ោង​១០​ និង​៣០​នាទី​កន្លងទៅ នៅ​ចំណុច​ផ្ទះជួល ផ្លូវលំ ក្រុមទី​០៤ ភូមិ ព្រែក​តា​នូ​២ សង្កាត់ ចាក់អង្រែលើ ខណ្ឌមានជ័យ។​

    ប៉ូលិស​និយាយថា ជនសង្ស័យ​ឈ្មោះ ប៊ែ តឹង ហៅ សីហា ភេទប្រុស អាយុ ១៩ ឆ្នាំ ជនជាតិ​វៀតណាម មុខរបរ ជាងឈើ ស្នាក់​នៅលើ​ទូក​មាត់ទន្លេ​បាសាក់ ភូមិ​ទួល​រកា​សង្កាត់ ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ ​(​ឃាត់ខ្លួន​)​។​

    ចំណែក​ជនរងគ្រោះ​ឈ្មោះ អ​. ឡ​.​ណ​.​ ភេទ ស្រី អាយុ ១៣ ឆ្នាំ មុខរបរ នៅផ្ទះ​ស្នាក់នៅ ផ្ទះជួល ផ្លូវលំ ក្រុមទី​០៤ ភូមិ ព្រែក​តា​នូ​២ សង្កាត់ ចាក់អង្រែលើ ខណ្ឌមានជ័យ រាជធានី​ភ្នំពេញ។​

    ប៉ូលិស​បន្តថា នៅ​ថ្ងៃទី​១១​ ធ្នូ ​២០១៦ វេលា​ម៉ោង​១០ ​និង​៣០​នាទី​យប់​ជនរងគ្រោះ បាន​សម្រាក​នៅផ្ទះ​ជួល​ផ្លូវលំ ក្រុមទី​០៤ ភូមិ ព្រែក​តា​នូ​២ សង្កាត់​ចាក់អង្រែលើ ខណ្ឌមានជ័យ​តែម្នាក់ឯង។ ​ពេលនោះ​ជនសង្ស័យ​ឈ្មោះ ប៊ែ តឹង ហៅ សីហា (​ដែលជា​អ្នក​ស្គាល់គ្នា​ជាមួយ​ជនរងគ្រោះ​) បានមក​ផ្ទះ​ជនរងគ្រោះ​និយាយ​សុំ​ស្រឡាញ់ និង សុំ​រួមភេទ ដោយ​សន្យារ​ចូល​ស្តីដណ្តឹង​ធ្វើជា​ប្រពន្ធ។​

    ពេលនោះ​ជនរងគ្រោះ​ក៏បាន​យល់ព្រម​រួមភេទ​ជាមួយ​ជនសង្ស័យ​រហូត​បានសម្រេច​០១​លើក​។ លុះ​មកដល់​ថ្ងៃទី​១៨ ​ធ្នូ​ ២០១៦ វេលា​ម៉ោង​១២​ និង​៣០​នាទី​ថ្ងៃត្រង់​ម្តាយ​ជនរងគ្រោះ​ឈ្មោះ ផន រុំ បានឃើញ​ទឹកមុខ​ជនរងគ្រោះ​ស្លេកស្លាំង​ខុសពី​ធម្មតា មានការ​សង្ស័យ​បាន​សួរដេញដោល​ជាច្រើនលើក​ទើប​ជនរងគ្រោះ​ព្រម​និយាយប្រាប់​ពី​រឿង​ហេតុដែល​បាន​រួមភេទ​ជាមួយ​ជនសង្ស័យ​ឈ្មោះ ប៊ែ តឹង។​

    បន្ទាប់មក​នៅវេលា​ម៉ោង​៤​ល្ងាច​ថ្ងៃទី​១៨ ​ធ្នូ ​២០១៦ ម្តាយ​ជនរងគ្រោះ ​និង​ក្រុមគ្រួសារ​បាន​ទៅ​នាំខ្លួន​ជនសង្ស័យ ប៊ែ​តឹង​ហៅ សីហា ដែល​កំពុងស្នាក់នៅ​ទូក​មាត់ទន្លេ​បាសាក់ ភូមិ​ទួល​រកា​សង្កាត់ ចាក់អង្រែ​ក្រោម ខណ្ឌមានជ័យ មក​ប្រគល់ឱ្យ​ប៉ូលិស​ប៉ុស្តិ៍​ចាក់អង្រែលើ​ចាត់ការ​តាមច្បាប់​តែម្តង។ 

    បច្ចុប្បន្ន​ជនសង្ស័យ ឃាត់ខ្លួន​នៅ​អធិការដ្ឋាន ដើម្បី​កសាង សំណុំរឿង៕

adverise with khmeread

មតិយោបល់