Hyun bin និង Kang So-ra ទទួលស្គាល់ទំនាក់ទំនងស្នេហា

          តារាភាពយន្ត Hyun bin និងតារាស្រី​ Kang So-ra បាន​បញ្ជាក់​អះអាងថា ពួកគេ​បាន​ទាក់ទង​គ្នា​រយៈ​ពេល​ប្រហែល​២​សប្តាហ៍ហើយ​ នេះបើ​តាម​ការ​លើក​ឡើង​ពីទីភ្នាក់​ងាររបស់​តារាទាំងពីរ។

          ក្រុម​ហ៊ុន VAST Entertainment និង Plum Entertainment របស់​តារា​ទាំង​ពី​រ​បាន​សរសេរថា​ “សូម​ជូន​ពរ​​អ្នក​ទាំង​ពីរ”។ ការ​ប្រកាស​នេះ​ធ្វើ​ឡើង​ បន្ទាប់​ពី​មាន​សេចក្តីរាយការណ៍​​របស់​កាសែត Sports Donga ថា អ្នក​ទាំងពីរ​បាន​ទាក់​ទង​គ្នា​កាលពីពេល​ថ្មីៗ​នេះ។

          ទីភា្នក់ងារទាំងពីរ​ក៏បាន​បន្ថែមថា “​ពួកគេ​មាន​ការ​ប្រយ័ត្ន​ប្រយែង​ចំពោះ​ការ​លាតត្រដាង​ទំនាក់ទំនង​នេះ​ជា​សាធារណៈ​”​ ដោយ​សារតែ​មាន​រឿងអាស្រូវ​ផ្នែ​ក​នយោបាយ​ច្រើន​នៅ​កូរ៉េ​ខាងត្បូង។

          តាមព័ត៌មានថា Hyun bin និង​ Kang ចាប់ផ្តើម​ស្គាល់គ្នា​ អំឡុង​ពេល​ថត​ភាព​យន្ត​ជាមួយគ្នា​កាល​ពី​ខែ​តុលា។ តារាភាព​យន្ត Hyun bin ចាប់ផ្តើម​មាន​ឈ្មោះ​បោះសំឡេង​បន្ទាប់ពី​សម្តែង​ក្នុងរឿងភាគ “My Name is Kim Sam-soon” និង​បាន​កសាងខ្លួន​ទៅជា​តារា​កំពូល​ម្នាក់​ក្នុងរឿង “Secret Garden” ៕

Hyun bin and kang
adverise with khmeread

អ្នកនឹងចូលចិត្ត

Loading ad ...