វិធីសាស្ត្រ​ថ្មី​ដក​ធ្មេញ​ពុក​ដោយ​មិនចាំបាច់​ដក​ទាំង​ឫស ប៉ុន្តែ​អ្នក​ដែល​ខ្សោយបេះដូង​ហាម​មើល​វីដេអូ​នេះ​!

    ​ការឱ្យ​គេ​ដក​ធ្មេញ​ចេញពី​មាត់​អាចធ្វើឱ្យ​មនុស្ស​ជាច្រើន​មាន​អារម្មណ៍​រន្ធត់ ប៉ុន្តែ​វីដេអូ​ដែល​រឹតតែ​គួរឱ្យ​រន្ធត់​នេះ នឹងធ្វើ​ឱ្យ​អ្នក​លែង​ហ៊ាន​ទៅកាន់​ពេទ្យធ្មេញ​ទៀត​ជាក់​ជាមិនខាន​។​

​    ​ចាប់តាំងពី​វីដេអូ​ដែល​បង្ហាញ​ពី​ឧបករណ៍ Benex Extraction System ដែល​ត្រូវបាន​អភិវឌ្ឍ​ឡើង​នៅក្នុង​ប្រទេស​ស្វី​ស ត្រូវបាន​បង្ហោះ​នៅលើ​បណ្តាញ​សង្គម Facebook កាលពី​ខែ​មុន វា​ត្រូវបាន​គេ​ចុច​ទស្សនា​ជាង ១២០.០០០ ដង​។​

​    ​គេ​នៅ​មិនទាន់​ប្រាកដ​នៅឡើយ​ថា​តើ​មូល​ហេតុអ្វី​បានជា​ធ្មេញ​របស់​បុរស​ក្នុង​វីដេអូ​នេះ​ត្រូវតែ​ដកចេញ ប៉ុន្តែ​យោងតាម​អ្នកជំនាញ​ជឿថា នេះ​គឺ​ប្រហែល​មកពី​ធ្មេញ​ពុក​ខ្លាំងពេក​។​

​    ​នៅក្នុង​វីដេអូ​គេ​អាច​ឃើញ​ដើម្បី​ចៀសវាង​ការឈឺចាប់​អំឡុង​ការដក​ធ្មេញ អ្នកជំងឺ​ត្រូវបាន​ចាក់​ថ្នាំស្ពឹក​។ បន្ទាប់មក​ពេទ្យធ្មេញ​បាន​វះ​ផ្នែក​ខាងលើ​នៃ​ធ្មេញ​ដើម្បី​បើកមុខ​។ ក្រោយមក​ឧបករណ៍​វះកាត់​ត្រូវបាន​ប្រើប្រាស់​ដើម្បី​ទាញ​ធ្មេញ​ចេញពី​ឫសធ្មេញ​។​

​    ​បន្ទាប់មក​គេ​ឃើញ​គ្រូពេទ្យ​ប្រើ​ឧបករណ៍​ស្វាន​ដើម្បី​ទម្លុះ​ឱ្យមាន​ប្រហោង​ដើម្បី​អនុញ្ញាតឱ្យ​មានការ​ប្រើប្រាស់​ឧបករណ៍​ដូច​វី​ស​ដើម្បី​មួល​ចូលក្នុង​ឫសធ្មេញ​។ ក្រោយមក​គេ​ឃើញ​មានការ​គាប​មេកានិច​ដើម្បី​កន្ត្រាក់​ឫស​ចេញពី​មាត់​។​

​    ​Benex និយាយថា ប្រព័ន្ធ​ថ្មី​នេះ​បង្ក​ការឈឺចាប់​តិច​ព្រោះ​វាទ​ម្លុះ​ធ្មេញ​ជា​អប្បបរមា​បំផុត និង​មិន​ប៉ះពាល់​រចនាសម្ព័ន្ធ​ជាលិកា​ណាមួយ​ទេ​។​

​    ​ឧបករណ៍​នេះ​ត្រូវបាន​ប្រើប្រាស់​ជុំវិញ​ពិភពលោក និង ត្រូវបាន​ពេទ្យធ្មេញ​មួយចំនួន​ចាត់ទុកជា​ឧបករណ៍​ត្រូវ​ទិញ​ដាច់ខាត​ដើម្បី​ជំនួស​ការដក​ធ្មេញ​ទាំង​ឫស​៕

 

adverise with khmeread

អ្នកនឹងចូលចិត្ត