adverise with khmeread 1

ផឹក​កាហ្វេ​ច្រើនពេក​អាច​កើត​ជំងឺ​សញ្ញាវិបល្លាស​

​    ​ការផឹក​កាហ្វេ​ច្រើនជាង ៧​ពែង​ក្នុង​១​ថ្ងៃ​អាចធ្វើ​ឲ្យ​អ្នក​កើត​ជំងឺ​សញ្ញាវិបល្លាស (Halluuntion) ដែលជា​អាកា​រៈ​មួយ​ធ្វើ​ឲ្យ​មើលឃើញ​របស់របរ​ឬ​រូបភាព​ផ្សេងៗ​តែ​តាមពិត​គឺ​មិនមាន​សោះ​។​

​    ​លទ្ធផល​នៃ​ការសិក្សា​បង្ហាញថា ការផឹក​កាហ្វេ​មួយ​ពែង​ហើយ​មួយ​ពែង​ទៀត​បណ្ដាល​ឲ្យ​មានការ​កើតឡើង​នូវ​កម្រិត​គ្រោះថ្នាក់​យ៉ាង​សម្បើម​ក្នុងការ​កកើត​ជំងឺ​សញ្ញាវិបល្លាស​។​

​    ​ទាំង​បុរស​និង​ស្ដ្រី​ដែលមាន​សុខភាព​ល្អ​ចូលរួម​ក្នុងការ​ស្រាវជ្រាវ ដែល​អ្នក​ផឹក​កាហ្វេ​ច្រើនជាង​៧​កែវ​ក្នុង​មួយថ្ងៃ​បានកើត​អាកា​រៈ​ឮសូរ​សំឡេង​ឬ​មើលឃើញ​អ្វី​តាមពិត​អត់​មាន​អ្វី​កើតឡើង​សោះ​។ បើ​ធ្វើការ​ប្រៀបធៀប​ជាមួយ​អ្នក​ដែល​កំណត់​ការផឹក​ការ​ហ្វេ​តិចជាង​មួយ​កែវ​ក្នុង​១​ថ្ងៃ អ្នក​ដែល​ផឹក​កាហ្វេ​ច្រើនជាង​៧​កែវ​ក្នុង​មួយថ្ងៃ​មាន​អត្រា​ការកើត​រោគ​នេះ​ច្រើនជាង​រហូតដល់​ទៅ​៣​ដង​។​

​    ​គេ​បាន​យល់ឃើញថា ជាតិ​កាហ្វេ​អ៊ី​ន​នៅក្នុង​កាហ្វេ​បាន​ទៅ​ជំរុញ Cortisol ដែលជា​អ័រម៉ូន​ម្យ៉ាង​ដែល​ធ្វើ​ឲ្យ​កើតរោគ​ស្ត្រេ​ស​។ គេ​បាន​អះអាង​ដែលថា ការរកឃើញ​នេះ​អាច​នឹង​នាំ​ឲ្យ​គេ​រកឃើញ​នូវ​ថ្នាំ​ព្យាបាល​ថ្មី​សម្រាប់​អ្នក​ដែល​កើតរោគ​សញ្ញាវិបល្លាស​ធ្ងន់ធ្ងរ ដែល​ក្នុងនោះ​រួមមាន​អ្នករងគ្រោះ​ដោយ​អំពើ​ហឹ​ង្សា​ឬ​រង​ការរំលោភបំពាន​និង​អ្នក​ដែល​ទើបតែ​បាត់បង់​មនុស្ស​ជាទី​ស្រឡាញ់​របស់ខ្លួន​។​

​    ​អ្នកស្រាវជ្រាវ​នៅ​សាកលវិទ្យាល័យ ដូ​ហាម (Durham) បាន​ស្នើសុំ​និស្សិត​ចំនួន​២១៩​នាក់​ឲ្យ​កត់ត្រា​អំពី​ការផឹក​ការ​ហ្វេ​របស់​ពួកគេ​ដោយ​ផ្ដោតជាសំខាន់​លើ​គោលការណ៍​ថា កាហ្វេ​មួយ​ពែង​មាន​ជាតិ​កាហ្វេ​អ៊ី​ន​ចំនួន ៤៥ មិ​ល្លី​ក្រាម​។​
​    ​
​    ​កាហ្វេ​ដែល​ឆុង​នៅផ្ទះ​មាន​កម្រិត​កាហ្វេ​អ៊ី​ន​ច្រើនជាង ២​ដង​ហើយ​កាហ្វេ​អ៊ី​ន​មួយចំនួន​ដូចជា Starbucks ជាដើម មាន​ជាតិ​កាហ្វេ​អ៊ី​ន​រហូតដល់​ទៅ ១៩០ មី​ល្លី​ក្រាម​។​

​    ​អ្នកស្ម័គ្រចិត្ត​ត្រូវគេ​សួរថា តើ​ញឹកញាប់​ប៉ុណ្ណា ដែល​ពួកគេ​កើត​អាកា​រៈសញ្ញា​វិបល្លាស​។ អ្នក​ដែល​ទទួលបាន​ជាតិ​កាហ្វេ​អ៊ី​ន​ច្រើន​មាន អត្រា​កើតរោគ​នេះ​បី​ដង ច្រើនជាង​អ្នក​ដែល​កម្រ​ផឹក​កាហ្វេ​។ ការ​មាន​ជាតិ​កាហ្វេ​អ៊ី​ន​ច្រើន​នៅក្នុង​ខ្លួន​ក៏​អាចធ្វើ​ឲ្យ​មនុស្ស​មាន​ទំនោរ​គិតថា ពួកគេ​មាន​អារម្មណ៍​ថា​មាន​ខ្មោច​ផងដែរ​។ នេះ​បើតាម​សេចក្ដីរាយការណ៍​របស់​ព្រឹត្តិបត្រ​ព័ត៌មាន Personality and Individual Differences​។​
​    ​
​    ​សមាគម​កាហ្វេ​ចក្រភព​អង់គ្លេស (The British Coffe Association) និយាយថា ការ​ទទួលទាន​កាហ្វេ​កម្រិត​មធ្យម ពោលគឺ​ពី​៤-៥​ពែង​ក្នុង​មួយថ្ងៃ ត្រូវបាន​គេ​បង្ហាញថា​មាន​សុវត្ថិភាព​សម្រាប់​ប្រជាជន​ទូទៅ​ហើយ ប្រហែលជា​អាច​ផ្ដល់​អត្ថប្រយោជន៍​ខាង​ផ្នែក​សុខា​ភាព​បាន​ទៀតផង​។​

​    ​ចំណែក​ទីភ្នាក់ងារ​ស្ដង់ដារ​អាហារ (The Food Standard Agency)​វិញ បានធ្វើ​ការផ្ដល់​ជា​យោបល់​ថា​ស្ត្រី​មាន​ផ្ទៃពោះ​គួរតែ​កំណត់​ការទទួល​ទាន​កាហ្វេ​អ៊ី​ន​ត្រឹមតែ​២០០​មី​ល្លី​ក្រាម​ក្នុង​មួយថ្ងៃ​បាន​ហើយ​៕

adverise with khmeread

អ្នកនឹងចូលចិត្ត

មតិយោបល់