ឃាត់​បុរស​យួន​ម្នាក់​វាយ​កម្លាំង​សន្តិសុខ​

    ភ្នំពេញ ៖ ប៉ូលិស​ប៉ុស្តិ៍​រដ្ឋបាល​ព្រែក​ព្នៅ បានទទួល​ជនសង្ស័យ​ម្នាក់​ពី​កម្លាំង​សណ្តាប់ធ្នាប់​ខណ្ឌ​ព្រែក​ព្នៅ ក្នុងករណី​ប្រើ​អំពើហិង្សា​ដោយ​ចេតនា ត្រង់ចំណុច លើ​ចិញ្ចើម​ផ្លូវជាតិ​លេខ​៥ ភូមិ​ពោធិ​មង្គល់ សង្កាត់​ព្រែក​ព្នៅ ខណ្ឌ​ព្រែក​ព្នៅ​នៅ​ថ្ងៃទី​២០​ ធ្នូ ​២០១៦ វេលា​ម៉ោង០៦ ​និង​៣០​នាទី ។​

    ជនសង្ស័យ​ឈ្មោះ ង្វៀង យ៉ាំ​ង​តឹង ភេទ​ប្រុស អាយុ២៥​ឆ្នាំ ជនជាតិ​យួន មុខរបរ លក់​ត្រី មាន​ទីលំនៅ ភូមិ​ពោធិ​មង្គល់ សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ​។​

    ជនរងគ្រោះ​ឈ្មោះ ថន ថៃ ភេទ​ប្រុស អាយុ​២៥​ឆ្នាំ ជនជាតិខ្មែរ មុខរបរ សណ្តាប់ធ្នាប់​សាលាខណ្ឌ​ព្រែក​ព្នៅ មាន​ទីលំនៅ ភូមិ​ខ្នា ឃុំ​ទួល​ព្រិច ស្រុក​អង្គស្នួល ខេត្តកណ្តាល​។​

    ប៉ូលិសនិយាយថា នៅ​ថ្ងៃទី​២០ ​ធ្នូ​ ២០១៦ វេលា​ម៉ោង០៦ ​និង​៣០​នាទី ជនរងគ្រោះ និង​កម្លាំង​សណ្តាប់ធ្នាប់​ខណ្ឌ​ព្រែក​ព្នៅ បាន​ចុះ​រៀបចំ​សណ្តាប់ធ្នាប់​នៅត្រង់ចំណុច​កើតហេតុ​ដូច​រាល់ថ្ងៃ​។ លុះដល់​ត្រង់ចំណុច​កើតហេតុ ក៏បាន​ជួបនឹង​ជនសង្ស័យ កំពុង​ដាក់​ធុង​លក់​បង្កង​នៅលើ​ចិញ្ចើមផ្លូវ​។​

    ឃើញ​ដូច​នោះ ជនរងគ្រោះ ក៏​ស្ទុះ​ទៅ​លើក​ធុង​យកមក​ដាក់​លើ​រថយន្ត ភ្លាមនោះ ជនសង្ស័យ​ក៏​ស្ទុះ​ទៅ​ចាប់ទាញ​ធុង​មកវិញ ក៏​មានការ​ប្រទាញ​ប្រទង់​គ្នា។ ជនសង្ស័យ​ក៏បាន​យក​ជើង​ធាក់ និង​យកដៃ​វាយ​ទៅលើ​មុខ​ជនរងគ្រោះ​ចំនួន​មួយ​ដៃ។​

    ក្រោយមក ជនរងគ្រោះ និង​កម្លាំង​សណ្តាប់ធ្នាប់​ក៏​ចាប់​ឃាត់ខ្លួន​ជនសង្ស័យ​យកមក​ប្រគល់ឱ្យ​សមត្ថកិច្ច នៅ​ប៉ុស្តិ៍​រដ្ឋបាល​ព្រែក​ព្នៅ ដើម្បី​ចាត់ការ​តាមផ្លូវ​ច្បាប់​។​

    បច្ចុប្បន្ន ជនសង្ស័យ កំពុងធ្វើការ​ឃាត់ខ្លួន​នៅ​អធិការដ្ឋាន​បូលិស​ខណ្ឌ​ព្រែក​ព្នៅ ដើម្បី​កសាង​សំណុំរឿង​បញ្ជូនទៅ​តុលាការ៕
 

Untitled 1
adverise with khmeread
Loading ad ...