samsung-banner
adverise with khmeread

រត់តាម​ម្តាយ​ជិះ​ជណ្តើរយន្ត​ឡើងជា​ន់ទី​ ២ ​ទិញ​អីវ៉ាន់កៀប​ជើង​នឹង​ជណ្តើរយន្ត​បណ្តាលឱ្យ​រងរបួស​ធ្ងន់

Unnamed %281%29

    ភ្នំពេញ ៖ ក្មេងប្រុស​ម្នាក់​ដែលមាន​អាយុ ​៥​ ឆ្នាំ​បាន​កៀប​ជើង​ជាប់​នឹង​ជណ្តើរយន្ត​ជាន់​ទី​ពីរ​នៅក្នុង​ផ្សារ​អូឡាំពិក​បង្កឱ្យមាន​ការ ភ្ញាក់ផ្អើល​យ៉ាងខ្លាំង​កាលពី វេលា​ម៉ោង​ប្រមាណ​៩​ នឹង​៣០​នាទី ព្រឹក ថ្ងៃទី​២១ ​ខែធ្នូ ឆ្នាំ​២០១៦​នេះ​ក្នុង​សង្កាត់​អូរ​ឡាំ​ពិ​ច ខ​ណ្ឌ​ចំការមន​។​

    តាម​ប្រភពពី​សាក្សី​បាន​ប្រាប់ថា មុន​កើត​ហេ​តុ ក្មេងប្រុស​រូបនោះ​បាន​ទៅ​ផ្សារ​អូឡាំពិក​ជាមួយ​ម្តាយ​ដើម្បី​រក​ទិញ​អីវ៉ាន់ ហើយ​បាន​ឡើង​ទៅជា​ន់ទី​២​តាម​ជណ្តើរយន្ត​។ ខណៈ​កំពុងតែ​ជិះ​ជណ្តើរយន្ត​នោះ​ក្មេងប្រុស​នោះបាន​ស៊ក​ជើង​ចូលទៅក្នុង​ប្រឡោះ​ប្រហោង​ជាប់​នឹង​បង្កាន់ដៃ​បណ្តាលឱ្យ​កៀប​ជាប់​តែម្តង ធ្វើឱ្យ​ក្មេង​នោះ​ស្រែកយំ​យ៉ាងខ្លាំង។​

    ភ្លាមនោះ​ម្តាយ​ក្មេង​ស្រែក​ឱ្យគេ​ជួយ និង​ជួយ​ទាញ​ជើង​កូន​ចេញ​មកវិញ​ដែរ​តែ​ទាញ​មិនបាន​ភ្លាមនោះ​កម្លាំង​សន្តិសុខ​ផ្សារ​បាន បិត​កុងតាក់​ជណ្តើរយន្ត​ឱ្យ​ឈប់​ដំណើរការ​ហើយ​បាន​យក​ឧបករណ៍​មក​គាស់​ជួយសង្គ្រោះ​ក្មេង​នោះបាន ហើយ​នាំយកទៅ​ព្យាបាល​នៅ​មន្ទី​ពេទ្យ​វិសាល​សុខ​ភ្លាមៗ​ដែរ​។​

    ក្មេងប្រុស​រូបនោះ​មានឈ្មោះ អាយ ឡឹម​ អាយុ​៥​ឆ្នាំ​មកជា​មួយ​ម្តាយ​ចំណែក​ម្តា​យក​ក្មេងប្រុស​រងគ្រោះ​មានឈ្មោះ ប៉ាន់ ចាន់នី​ អាយុ​២៣​ឆ្នាំ​ជនជាតិ​វៀតណាម ស្នាក់នៅ​សង្កាត់​ចាក់អង្រែ​ក្រោម ​ខណ្ឌ​មាន​ជ័យ ហើយ​ករណីនេះ​ផងដែរ​អ្នកគ្រប់គ្រង​ផ្សារ បាន​ធានារ៉ាប់រង​លើ​ការព្យាបាល​ទាំងស្រុង​។​

    គួរ​បញ្ចាក់​ផងដែរ​សូមឱ្យ​បងប្អូន​ដែលមាន​កូនតូចៗ​ត្រូវមាន​ការប្រុងប្រយ័ត្ន​នៅពេល​ជិះ​ជណ្តើរយន្ត​ដើម្បី​ជៀសវាង​គ្រោះថ្នាក់​ជាយ​កថា​ហេតុ​ហើយ​ករណីនេះ​ផងដែរ​កើត​ឡើងជា​លើក​ទី​ពីរ​នៅក្នុង​ផ្សារ​អូរ​ឡាំ​ពិ​ក​នេះ​៕

adverise with khmeread

មតិយោបល់