ទំនង​ចរចា​ថ្លៃ​ត្រូវ​គ្នា ឥឡូវ​ក្រុមហ៊ុន Boeing ប្រកាសថា​នឹង​ផលិត​យន្តហោះ Air Force One តម្លៃ​ក្រោម ៤ ពាន់​លាន​ដុល្លារ​ជូន Trump

    ​ក្រុមហ៊ុន Boeing នឹង​ផលិត​យន្តហោះ Air Force One (​យន្តហោះ​សម្រាប់​ប្រធានាធិបតី​) តិចជាង ៤ ពាន់​លាន​ដុល្លារ​។ នេះ​បើ​យោងតាម​នាយក​ប្រតិបត្តិ​ក្រុមហ៊ុន​បាន​ប្រាប់​អ្នកកាសែត Washingtonexaminer កាលពី​ថ្ងៃ​ពុធ បន្ទាប់ពី​ជួបប្រជុំ​ជាមួយ​លោក​ប្រធានាធិបតី​ជាប់ឆ្នោត Donald Trump​។​

​    ​លោក Dennis Muilenburg នាយក​ប្រតិបត្តិ​ក្រុមហ៊ុន​ខាងលើ​បាន​សរសើរ​លោក Trump ចំពោះ "​ខួរក្បាល​អាជីវកម្ម​" របស់គាត់ ហើយ​បាន​និយាយថា អ្នក​ទាំងពីរ​មាន​កិច្ចប្រជុំ​ប្រកបដោយ​ផ្លែផ្កា​បំផុត ដែល​ក្នុងជំនួប​នោះ​ពួកគេ​បាន​ពិភាក្សា​ពី​របៀប​ដែល​ប្រទេស​អាមេរិក​អាច​ផលិត​យន្តហោះ Air Force One ថ្មី​ចំនួន​ពីរ​គ្រឿង​ក្រោម​តម្លៃ ៤ ពាន់​លាន​ដុល្លារ ដែល​លោក Trump បាន​រិះគន់​កាលពី​ខែ​មុន​នៅលើ​គណនី Twitter របស់គាត់​ថា ថ្លៃ​កប់​ពពក​នោះ​។​

​    ​លោក Muilenburg បាន​និយាយថា "​យើង​នឹង​ផលិត​យន្តហោះ​តិចជាង​តម្លៃ​នោះ​។ ខ្ញុំ​មាន​កិត្តិយស​អាច​បង្ហាញ​ការប្តេជ្ញាចិត្ត​ជូន​លោក​ប្រធានាធិបតី​ជាប់ឆ្នោត តាងនាម​ឱ្យ​ក្រុមហ៊ុន Boeing Company​។ នេះ​ជា​ជំនួញ​ដែល​សំខាន់​ចំពោះ​យើង​។ យើង​ធ្វើការ​លើ Air Force One ព្រោះ​វា​សំខាន់​សម្រាប់​ប្រទេស​របស់​យើង ហើយ​យើង​នឹង​ធ្វើឱ្យ​ប្រាកដថា គាត់​នឹង​ទទួលបាន​យន្តហោះ​មាន​សមត្ថភាព​អស្ចារ្យ​បំផុត និង​ផលិតឡើង​ក្នុងតម្លៃ​អាច​ទទួលយកបាន​"៕

ប្រភព៖បរទេស

adverise with khmeread

អ្នកនឹងចូលចិត្ត