ទំនង​ស្រវឹង​បើករថយន្ដ​ ​TACOMA ​បុករបាំង​ថ្ម​ពុះ​ចែក​ទ្រូងផ្លូវ​ខ្ទេច​

    ភ្នំពេញ ៖ បុរស​ម្នាក់​ទំនងជា​ស្រវឹង​បើករថយន្ដ ​TACOMA​ មួយគ្រឿង​ក្នុង​ល្បឿន​លឿន​មិន​ប្រយ័ត្ន​ជ្រុល​ទៅបុក​របាំង​ថ្ម​ពុះ​ចែក​ទ្រូងផ្លូវ​ពេញទំហឹង​បណ្ដាលឱ្យ​រថយន្ដ​ខូចខាត​ផ្នែក​ខាងមុខ​ទាំងស្រុង ចំណែក​របាំង​ថ្ម​ខូចខាត​បន្តិច​ប​ន្ទួ​ច​។​

    គ្រោះថ្នាក់​ចរាចរណ៍​នេះ​បាន​កើតឡើង​នៅវេលា​ម៉ោង​១២ ​និង​៣០​នាទី​រំលង​អា​ធ្រា​ត្រ​ឈានចូល​ថ្ងៃទី​២៧ ខែធ្នូ ឆ្នាំ​២០១៦ នៅ​ចំណុច​ខាងមុខ​ក្ដាន់​ពីរ តាម​បណ្ដោយ​មហាវិថី​សហព័ន្ធរុស្ស៊ី ក្នុង​សង្កាត់​ស្រះចក ខណ្ឌដូនពេញ រាជធានី​ភ្នំពេញ​។​

    រថយន្ដ​បង្ក​ម៉ាក TOYOTA TACOMA ពណ៌ប្រផេះ ពាក់​ស្លាក​លេខ ភ្នំពេញ ​2P-2564 បើកបរ​ដោយ​បុរស​ម្នាក់​ទំនងជា​ស្រវឹង​គេចខ្លួនបាត់​។​

    ប្រភពព័ត៌មាន​ពី​កន្លែងកើតហេតុ​បានឱ្យដឹងថា នៅ​មុនពេល​កើតហេតុ​គេ​បានឃើញ​រថយន្ដ​បង្ក​បើក​ក្នុង​ល្បឿន​លឿន​ធ្វើដំណើរ​តាម​បណ្ដោយ​មហាវិថី​សហព័ន្ធរុស្ស៊ី​ទិសដៅ​ពី​កើ​តទៅ​លិច។​

    ពេលមកដល់​កន្លែងកើតហេតុ​រថយន្ដ​បាន​រេ​ចង្កូត​ទៅបុក​របាំង​ថ្ម​ពុះ​ចែក​ទ្រូង​ពេញទំហឹង​បណ្ដាលឱ្យ​រថយន្ដ​រង​ការខូចខាត​ផ្នែក​ខាងមុខ​ទាំងស្រុង​។​ ចំណែក​របាំង​ថ្ម​ពុះ​ចែក​ទ្រូងផ្លូវ​ខូចខាត​បន្តិច​ប​ន្ទួ​ច​។​

    ប្រភព​បាន​បន្តថា ​ក្រោយ​កើតហេតុ​ម្ចាស់​រថយន្ដ​បាន​បើកទ្វារ​រថយន្ដ​ចុះ​គេចខ្លួនបាត់​ដោយ​បន្សល់​រថយន្ដ​ទុក​នៅ​កន្លែងកើតហេតុ​។ ក្រោយមក​ទើប​កម្លាំង​សមត្ថកិច្ច​បាន​ចុះ​ដល់​កន្លែងកើតហេតុ​និង​បាន​សហការ​ជាមួយ​កម្លាំង​ជំនាញ​ចុះ​ធ្វើការ​វាស់វែង​ស្ទូច​យក​រថយន្ដ​បង្ក​ទៅ​រក្សាទុក​នៅ​ការិយាល័យ​ចរាចរណ៍​រាជធានី​ភ្នំពេញ​ដើម្បី​ដោះស្រាយ​តាម​និតិ​វិធី​ច្បាប់​៕

1
adverise with khmeread
Loading ad ...