samsung-banner
adverise with khmeread

និស្សិត​ម្នាក់ ដេកស្លាប់​នៅ​បន្ទប់​ជួល ​(​មាន​វីដេអូ​)

Untitled 1

    ភ្នំពេញ ៖ និស្សិត​ម្នាក់ ដេកស្លាប់​នៅ​បន្ទប់​ជួល​របស់ខ្លួន​បង្កឱ្យមាន​ការភ្ញាក់ផ្អើល​ដល់​បង​ប្អូន​រាយការណ៍​ប្រាប់​សមត្ថកិច្ច​មូលដ្ឋានចុះទៅ​ត្រួតពិនិត្យ​កាលពី​ម៉ោង​០៧​ និង​៣០​នាទី​ព្រឹក ថ្ងៃទី​២៨ ខែធ្នូ ឆ្នាំ​២០១៦ នៅ​ចំណុច​ផ្ទះជួល​ក្រុម​១ ​ភូមិ​ដី​ថ្មី ​សង្កាត់​ភ្នំពេញ​ថ្មី ខណ្ឌ​សែន​សុខ​។

    ប៉ូលិស​មូលដ្ឋាន​បានឱ្យដឹងថា ​សព​ខាងលើ​ឈ្មោះ ងឹ​ម ​ច​ន្ធូ ភេទ​ប្រុស​ អាយុ​២១​ឆ្នាំ ​មុខរបរ​ជា​និស្សិត​ឆ្នាំ​ទី​៤​ នៅ​វិទ្យាស្ថាន​បណ្តុះបណ្តាល​បច្ចេក​ទេស ​NTTI ស្នាក់នៅ​បន្ទប់​ជួល​ភូមិ​ខាងលើ​និង​មាន​ស្រុកកំណើត​ភូមិ​ត្នោតជ្រុំ​ ឃុំ​សំបូរ​ ស្រុក​ទ្រាំង​ ខេត្ត​តា​កែវ។​

    តាម​សំដី​ស្ត្រី​ឈ្មោះ​ ងឹ​ម ញ៉ា​ញ់ អាយុ​២៨​ឆ្នាំ​ ត្រូវជា​បង​បង្កើត​របស់​អ្នកស្លាប់​បាន​ប្រាប់​ឱ្យដឹងថា​ កាលពី​ល្ងាច​ថ្ងៃទី​២៧ ​ធ្នូ​ ក្រោយពី​មកពី​រៀនវិញ​ប្អូន​គាត់​បាន​ហូបបាយ​ជុំគ្នា​រួច​ក៏​ចូល​មើលសៀវភៅ​ក្នុង​បន្ទប់​ដល់​យប់​បន្តិច​ក៏ស​ម្រាក​ជាមួយ​មិត្ត​ភត្តិ​ម្នាក់​ឈ្មោះ​ ឌឿ​ន តុលា អាយុ​២១​ឆ្នាំ​ ជា​និ​សិ​ត្ស​រៀនជាមួយគ្នា ​(​បន្ទប់​ជួល​២​នាក់​មិត្ត​ភត្តិ​)​។​

    ប្រភព​ដដែល​បាន​ប្រាប់ទៀតថា លុះ​នៅ​ព្រឹក​ថ្ងៃកើតហេតុ គាត់​បាន​ហៅ​គោះទ្វា​ហៅ​ប្អូន​ឱ្យភ្ញាក់​ដើម្បី​យក​ម្ហូប​ហូបបាយ​ពេលនោះ​មិត្ត​ភត្តិ​ប្អូនឈ្មោះ ​ឌឿ​ន តុលា ជា​អ្នក​ក្រោក​មក​បើកទ្វា​បន្ទប់​ពេល​បើក​ហើយ​គាត់​បានឃើញ​ប្អូន​ដេក​ក្រ​ឡុ​ម​ភួយ​ជិត​ពេល​នោះបាន​យកដៃ​ទៅ​អង្រន់​ស្រាប់តែ​ឃើញ​រឹងបាត់ទៅ​ហើយក៏​មានការ​ភ្ញាក់​ផ្អើល ​និង​បាន​រាយការណ៍​ជូន​សមត្ថ​កិ​ច្ច​​មូលដ្ឋាន ចុះមក​ត្រួតពិនិត្យ​តែម្តង​។​

    តាម​មន្ត្រី​ជំនាញ​កោសល្យ​វិ​ច្ឆ័​យ​ចុះ​ពិនិត្យ​កន្លែងកើតហេតុ​ និង​បញ្ជាក់​ពី​លោក​ឧកញ៉ា​វេជ្ជៈបណ្ឌិត នង សុវណ្ណ​រ័ត្ន គ្រូពេទ្យ​កោសល្យវិច្ឆ័​យរាជធានី​ភ្នំពេញ​និយាយថា​យុវជន​ខាងលើនេះ​ស្លាប់​ដោយ​គាំងបេះដូង​ (​ខ្យល់គ​)៕

 

adverise with khmeread

មតិយោបល់