ទំនាស់​គ្នា​ផ្ទុះអាវុធ​របួសធ្ងន់​សម​ត្ថ​កិច្ច​ចាប់​ជនសង្ស័យ​មិនទាន់បាន​នៅឡើយ​

    ភ្នំពេញ ៖ រហូតមកទល់​ថ្ងៃទី​៣០​ ធ្នូ​នេះ ​សមត្ថកិច្ច​មិនទាន់​ចាប់ខ្លួន​ជនដៃដល់​ដែល​បាញ់ប្រហារ មកលើ​យុវជន​ម្នាក់ របួសធ្ងន់​ដែល​បាន​ណាត់​ជួបគ្នា​ហើយ​មានទំនាស់ ស្រាប់តែ​ភាគី​ម្ខាង​បាញ់​ភាគី​ម្ខាង​ទៀតតែម្តង។​

    គួររំលឹកថា ទំនាស់​គ្នា​ផ្ទុះអាវុធ បណ្ដាលឱ្យ​រងរបួស​កើតឡើង​កាលពី​វេលា​ម៉ោង​៣ និង​១០​នាទី​ទៀបភ្លឺ ថ្ងៃទី​២៩ ខែធ្នូ ឆ្នាំ​២០១៦ នៅ​ចំណុច​មុខផ្ទះ​លេខ​៥៩ ផ្លូវ​លេខ​២៤០ ភូមិ​៨ សង្កាត់​ចតុមុខ ខណ្ឌដូនពេញ​។ 

    អំពើ​បាញ់ប្រហារ​ដែល​សមត្ថកិច្ច​មិនអាច​ត្រួតត្រា​បាន​ខាងលើនេះ បង្កឡើង​ដោយ​ជនសង្ស័យ​៦​នាក់ (​ប្រុស​៤ ស្រី​២) ប្រដាប់​ដោយ​អាវុធខ្លី​មិន​ស្គាល់​ម៉ាក មធ្យោបាយ​ម៉ូតូ​៣​គ្រឿង​ម៉ាក XR ពណ៌​ស​មួយគ្រឿង​, ម៉ាក ហុងដា​C125 ពណ៌​ខ្មៅ មួយគ្រឿង​, និង​ម៉ា​កនិច​ពណ៌​ស មួយគ្រឿង​។ ជនសង្ស័យ​អ្នកបាញ់​ត្រូវបាន​គេ​ហៅ​ឈ្មោះ ភ័​ណ្ឌ​ ភេទ​ប្រុស អាយុ​ប្រហែល​៣២​ឆ្នាំ ជិះ​ម៉ូតូ XR។​

    ចំណែក ជន​រង​គ្រឿង​ឈ្មោះ ពេញ សុភ័ក្ត្រ ភេទ​ប្រុស អាយុ​២៦​ឆ្នាំ ស្នាក់​នៅផ្ទះ​លេខ​៥៣ ផ្លូវ​៣៥៧ សង្កាត់​បឹង​កេងកង​១ រងរបួស​មួយគ្រា​ប់ ចំ​ស្លាបប្រជាវ​វ​ខាងស្ដាំ បៀម​គ្រាប់ សម្រាក​នៅ​មន្ទី​ពេទ្យ​កាល់ម៉ែត​។ 

    របាយការណ៍​សមត្ថកិច្ច​បានឱ្យដឹងថា ជនរងគ្រោះ​ជាមួយ​ក្រុម​ជនសង្ស័យ​បាន​ទូរស័ព្ទ​ឈ្លោះ​គ្នា រួច​ណាត់គ្នា​មកជួប​នៅ​ចំណុច​ខាងលើ​ហើយក៏​មានទំនាស់​ពាក្យសម្ដី​រឿង​ប្រច័ណ្ឌ​ស្រី​ស្នេហ៍ រួច​ក៏​បណ្ដាលឱ្យ​ផ្ទុះអាវុធ​តែម្ដង​។ 

    ក្រោយពី​ផ្ទុះអាវុធ​រួច​ក្រុម​ជនសង្ស័យ​ក៏​នាំគ្នា​ជិះ​ម៉ូតូ​គេចខ្លួនបាត់​តែម្ដង​៕

Unnamed adverise with khmeread

មតិយោបល់