ស្ត្រី​ឥណ្ឌា​រក​មួយខែ​បាន ៧៥ ដុល្លារ ងើប​ពី​ដេក​ឃើញ​លុយ ១៥ លាន​ដុល្លារ​ក្នុង​កុង​ធនាគារ​! អ្វីដែល​ភ្ញាក់ផ្អើល គឺ​ក្រោយ​ប្តឹងទៅ​នាយករដ្ឋមន្ត្រី​

    ​តើ​អ្នក​នឹងធ្វើ​អ្វី​ប្រសិនបើ​ក្រោក​ឡើង​ថ្ងៃមួយ ស្រាប់​តែមាន​ប្រាក់​រាប់លាន​ក្នុង​គណនី​ធនាគារ​អត់​ប្រា​ក់សោះ​នោះ​? ពិតណាស់ ស្ត្រី​ជនជាតិ​ឥណ្ឌា​ម្នាក់​បាន​ព្យាយាមរ​កថា​ហេតុអ្វី​បានជា​នាង​មាន​ប្រាក់​រាប់លាន​ក្នុង​គណនី​របស់​នាង​យ៉ាង​ដូច្នេះ​។​

​    ​Sheetal Yadav រស់នៅ​រដ្ឋ Uttar Pradesh និយាយថា​នាង​ភ្ញាក់ផ្អើល​ខ្លាំង នៅពេល​នាង​ទៅ​ទូ ATM មួយ ហើយ​បានឃើញ​មាន​ប្រាក់​រហូត​ទៅដល់ ១៥ លាន​ដុល្លារ​ក្នុងនោះ​។ នាង Yadav បាន​សួរ​មនុស្ស​នៅក្បែរនោះ ដើម្បីឱ្យ​ឆែក​មើលថា​តើ​ឃើញ​ទឹក​លុយ​នោះ​ពិត​ឬ​អត់​។ នាង​បាន​ប៉ុនប៉ង​ឆែក​មើល​ទឹកប្រាក់​របស់​នាង​នៅ​ម៉ាស៊ីន​ផ្សេងទៀត ដោយ​វា​បង្ហាញ​នាង​ថា​ពិត​ជាមាន​ចំនួន​ទឹកប្រាក់​នេះ​មែន​។​

​    ​ស្ដ្រី​ដ៏​ស្មោះ​ត្រង់នេះ ដែល​រកចំណូលបាន​តែ ៧៤ ដុល្លារ​ក្នុង​មួយខែ​ប៉ុណ្ណោះ បាន​ប្រាប់​ទៅខាង​ធនាគារ​របស់​នាង​ពី​បញ្ហា​នេះ​ដើម្បីឱ្យ​ពួកគេ​ត្រួត​ពិនិត្យមើល​។ នាង​បាន​និយាយថា នាង​បាន​ប្រាប់​ដំណឹង​នេះ ប៉ុន្ដែ​មិនមាន​អ្នកគ្រប់គ្រង​នៅក្បែរ​នោះទេ​។ បន្ទាប់មក​អ្នកគ្រប់គ្រង​នៅ​ទីនោះ​បានមក​ដល់ ហើយ​បដិសេធ មិន​ធ្វើ​អ្វី​ទាំងអស់​។​

​    ​យោងតាម​វេ​ប​សាយ Mashable នាង Yadav ជាមួយនឹង​ប្ដី​របស់​នាង Ziledar Singh បាន​ផ្ញើលិខិត​មួយ​ទៅ​ការិយាល័យ​នាយករដ្ឋមន្ត្រី ដោយ​សង្ឃឹមថា​បញ្ហា​នេះ​នឹង​ត្រូវបាន​ដោះស្រាយ​។ ប៉ុន្ដែ​យូរ​មកហើយ ពួកគេ​មិនអាច​ប្រគល់​ប្រាក់​ទៅ​ធនាគារ​វិញ​ទេ​។​

​    ​ហើយ​ប្ដី​ប្រពន្ធ​មួយគូ​នេះ​បាន​ទ​ទួ​ច​ថា​គ្មាន​ផ្លូវ​ណាមួយ​ដែល​ពួកគេ​ទទួលបាន​ប្រាក់​យ៉ាងច្រើន​សន្ធាប់​យ៉ាងនេះ​ទេ ដោយសារតែ​ពួកគេ​មាន​ប្រាក់ខែ​តិចតួច​បំផុត​។​

​    ​ដើម្បី​ធ្វើឱ្យមាន​ការចាប់អារម្មណ៍​ច្រើន គេ​រកឃើញថា​គណនីរ​បស់​នាង Yadav ត្រូវបាន​បង្កើត​ឡើងជា​ផ្នែក​មួយ​នៃ​គម្រោង​រដ្ឋាភិបាល​ហៅថា Jan Dhan Yojana ដោយ​បង្កើតឡើង​ក្នុង​គោលបំណង​លើកទឹកចិត្ត​មនុស្ស​ដែលមាន​កម្រៃ​តិចតួច​ដើម្បី​បើក​គណនី​ធនាគារ ដូច្នេះហើយ​ទើប​រដ្ឋាភិបាល​ឧបត្ថម្ភ​ទឹកប្រាក់​ទៅដោយ​ផ្ទាល់​ក្នុង​គណនី​របស់​ពួកគេ​តែម្ដង​៕

Untitled 1 adverise with khmeread

អ្នកនឹងចូលចិត្ត

មតិយោបល់