adverise with khmeread 1

គ្រាន់តែ​អញ្ជើញ​ផឹក​កាហ្វេ​មួយ​កែវ​សោះ​ក៏មាន​បញ្ហា​ដែរ​

លោក​អាជ្ញាកណ្តាល Santiago Quijada Alcon មកពី​ប្រទេស​អេ​ស្ប៉ា​ញ​កំពុង​ស្ថិតក្នុង​បញ្ហា បន្ទាប់ពី​ត្រូវបាន​គេ​រាយការណ៍​មក​ថា​បាន​សុំ​កីឡាការិនី​ម្នាក់​ចេញ​ក្រៅ​ជាមួយគ្នា​អំឡុង​ការប្រកួត​បាល់ទាត់​មួយ​។​

​លោក Alcon បាន​កាត់ក្តី​ក្នុងការ​ប្រកួត​ស៊ីសាច់ហុតឈាម​រវាង​គូសត្រូវ​ចាស់វស្សា Sporting de Huelva និង Santa Teresa នៅពេលដែល​គាត់​បានធ្វើ​សុំ​កីឡាការិនី​ដើរលេង​ជាមួយគ្នា​។​

​កីឡាការិនី​ក្រុម Huelva នាង Elena Pavel អះអាងថា លោក​អាជ្ញាកណ្តាល​បាន​អញ្ជើញ​នាង​ទៅ​ផឹក​មួយ​កែវ បន្ទាប់ពី​បាន​ស្រែក​ពី​ចម្ងាយ​ថា "​អេ ម្នាក់​សក់​ពណ៌​ត្នោត តោះ​ទៅ​ផឹក​កាហ្វេ​មួយ​កែវ​"​។​

​បន្ទាប់ពី​ការប្រកួត កីឡាការិនី​រូបនេះ​បាន​ទៅ​ស្ថានីយទូរទស្សន៍​នៅក្បែរនោះ​ដើម្បី​ប្តឹងតវ៉ា​ចំពោះ​អាជ្ញាកណ្តាល ដោយបាន​ចោទប្រកាន់​រូបគាត់​បាន​បំបាក់​បាក់មុខ​នាង​ដោយ​សម្តី​របស់គាត់​។​

​នាង​បាន​និយាយថា "​ខ្ញុំ​ឈប់​ជឿ​លើ​បាល់ទាត់ ជឿ​លើ​ការប្រកួត​ត្រឹមត្រូវ​ទៀតហើយ​។ ខ្ញុំ​មាន​អារម្មណ៍​អស់សង្ឃឹម និង​អាម៉ាសមុខ​។ ខ្ញុំ​លេង​បាល់​ច្រើន​ឆ្នាំ​មកហើយ មិន​ដែលមាន​អារម្មណ៍​អាម៉ាស់​ដូចនេះ​ទេ​"​។​

​លោក Alcon បាន​ឆ្លើយតប​ទៅនឹង​ការបដិសេធ​របស់​នាង​តាមរយៈ​ការបណ្តេញចេញ​កីឡាការិនី​ក្រុម Huelva ពីរ​នាក់ និង​បាន​បដិសេធ​បាល់​ប៉េ​ណា​ល់​ទីមួយ​គ្រាប់ ដែល​បានធ្វើ​ឲ្យ​ក្រុម Huelva ចាញ់​ក្នុង​លទ្ធផល ៣-២៕

adverise with khmeread
ប្រភព៖ ​មេត្រូ​

មតិយោបល់