samsung-banner
adverise with khmeread

ក្លឹបចិនមួយបោះកញ្ចប់លុយយ៉ាងធំពីរដងមក Chelsea ដើម្បីយក Diego Costa ទៅលេងនៅចិន តែត្រូវតោខៀវបដិសេធ

1

    ​ខ្សែប្រយុទ្ធ​ក្រុម​តោ​ខៀវ Chelsea កីឡាករ Diego Costa បានក្លាយ​ទៅជា​គោលដៅ​ជាមួយនឹង​កញ្ចប់​ទឹកប្រាក់​ចំនួន ៨០​លាន​ផោន​បោះ​មកពី​ក្លឹប​អ្នកមាន​ចិន Tianjin Quanjian​។ នេះ​បើ​យោងតាម​សេចក្តីរាយការណ៍​ក្នុង​តំបន់​អឺរ៉ុប​។​

​    ​តារាបាល់ទាត់​អន្តរជាតិ​អេ​ស្ប៉ា​ញ​វ័យ ២៨​ឆ្នាំ​រូបនេះ បានបង្ហាញ​ពី​ទម្រង់​លេង​ដ៏​គួរឱ្យ​ចាប់អារម្មណ៍​យ៉ាងខ្លាំង​សម្រាប់​តោ​ខៀវ​ក្នុង​រដូវ​កាល​នេះ ដោយ​គាត់​អាច​ស្វែងរក​គ្រាប់​បាល់​ចំនួន ១៤​គ្រាប់​ជាស្រេច​ក្នុងការ​បង្ហាញខ្លួន​ចំនួន ១៨​លើក​ក្នុង​លី​ក​កំពូល​អង់គ្លេស Premier League​។​

​    ​ទម្រង់​លេង​របស់ Costa ក្លាយទៅជា​ផ្នែក​មួយ​ដ៏​ធំ​សម្រាប់​សន្ទុះ​ដ៏​សម្បើម​របស់ Chelsea ស្ថិតនៅលើ​កំពូល​តារាង​លី​ក ដែល​ក្រុម​របស់លោក Antonio Conte បច្ចុប្បន្ន​មាន​៦​ពិន្ទុ​ឈរ​ដាច់​ចំណាត់ថ្នាក់​ទី​ពីរ​ហង្ស​ក្រហម Liverpool ។​

​    ​យោងតាម​សេចក្តីរាយការណ៍​របស់​វេ​ប​សាយ The Sun បានឱ្យដឹងថា ខ្សែប្រយុទ្ធ​ឆ្នើម​របស់​តោ​ខៀវ​រូបនេះ គឺជា​តារាបាល់ទាត់​ចុងក្រោយ​បំផុត​ដែល​បានក្លាយ​ទៅជា​គោលដៅ​របស់​លី​ក​កំពូល​ចិន Chinese Super League ខណៈដែល Carlos Tevez និង Oscar បាន​ផ្លាស់​ទៅ​ទីនោះ​ជាមួយនឹង​កញ្ចប់​ទឹកប្រាក់​ដ៏​សម្បើម​។​

​    ​សេចក្តីរាយការណ៍​អះអាងថា Tianjin បាន​ព្យាយាម​បោះ​ទឹក​ចំនួន ៥០​លាន​ផោន​តែ​ត្រូវបាន​ច្រានចោល​ដោយ​តោ​ខៀវ​កាលពី​ខែ​មុន ប៉ុន្តែ​មានការ​អះអាងថា ក្លឹប​ចិន​មួយ​នេះ​មានបំណង​ដើម្បី​ស្តារ​លទ្ធភាព​របស់​ពួកគេ​ឡើងវិញ និង​កែលម្អ​ការផ្តល់ជូន​របស់ខ្លួន​។​

​    ​ប្រសិនបើ Costa ចាក​ចេញពី​ទឹកដី Stamford Bridge គាត់​ត្រូវបាន​គេ​រាយការណ៍​ថា​នឹង​រកចំណូលបាន​ប្រហែលជា ៤៨​ម៉ឺន​ផោន​ក្នុង​មួយ​សប្តាហ៍​ក្នុងប្រទេស​ចិន ទោះជា​យ៉ាងណាក្តី​មិនមាន​ការអះអាង​ណាមួយ​បញ្ជាក់ថា លោក Conte នឹង​ពិចារណា​លក់​កីឡាករ​រក​គ្រាប់​បាល់​ច្រើនជាងគេ​របស់គាត់​នោះឡើយ​៕

 

adverise with khmeread
ប្រភព៖ Metro

មតិយោបល់