លើ​លោក​នេះ​មាន​ខ្មោច​? បុរស​អាមេរិក​ចែករំលែក​វីដេអូ​គួរឱ្យ​ព្រឺ​សម្បុរ​អំពី​សកម្មភាព​មិនគួរ​ឱ្យ​កើតឡើង​នៅក្នុង​ផ្ទះ​របស់គាត់​

    ​នៅពេល​វត្ថុ​អ្វីមួយ​ធ្លាក់​នៅពេល​យប់​ដ៏​ស្ងាត់ជ្រងំ នោះ​មនុស្ស​តែង​បន្ទោស​សត្វ​ឆ្មា​ឬ​កណ្តុរ​ដែល​បន្លឺសំឡេង​ធ្លាក់​វត្ថុ​ទាំងនោះ​។ ប៉ុន្តែ​វីដេអូ​មួយ​នេះ​វិញ​ដែល​ហាក់​បង្ហាញ​អ្វីមួយ​ដ៏​គួរឱ្យខ្លាច​ពេល​មើល​ម្នាក់ឯង ត្រូវបាន​បញ្ចេញ​នៅលើ​បណ្តាញ​សង្គម​បន្ទាប់ពី​បុរស​ម្នា​ក់បាន​ត្រឡប់មកផ្ទះ​របស់គាត់​វិញ ដោយ​ឃើញ​របស់​រប៉ាត់រប៉ាយ​ពេញ​ផ្ទះ​។​

​    ​វត្ថុ​ហាក់​ធ្លាក់​ចេញពី​ផ្ទះបាយ​ដោយ​ខ្លះ​ឯង​នៅផ្ទះ​របស់លោក Rusty Johnson នៅ​ទីក្រុង Fayetteville រដ្ឋ North Carolina សហរដ្ឋអាមេរិក​។ Rusty បាន​បង្ហោះ​វីដេអូ​នេះ​ដោយ​សរសេរ​បន្ថែម​ពីលើ​យ៉ាង​ដូច្នេះ​ថា "​ខ្ញុំ​បានមក​ផ្ទះ​វិញ​ដោយ​ឃើញ​វត្ថុ​មួយចំនួន​ធ្លាក់​ចេញពី​ទីតាំង​ហើយ​បានសម្រេច​ចិត្ត​មើល​ឃ្លី​ប​វីដេអូ​ដែល​បាន​ថត​ទុក​។ វា​បាន​បន្លាច​ខ្ញុំ​យ៉ាងខ្លាំង​។ ខ្ញុំ​ប្រហែល​ជាមាន​អារម្មណ៍​ភ័យខ្លាច​ប៉ុន្តែ​វា​ហាក់ដូចជា ខ្ញុំ​អាចមាន​អារម្មណ៍​ថា នរណាម្នាក់​ឬអ្វី​មួយ​កំពុង​មើល​មក​ខ្ញុំ​"​។​

​    ​លោក​បាន​បន្តថា "​វា​ដូចជា​ធ្វើ​ខ្ញុំ​មាន​អារម្មណ៍​រង​សម្ពាធ​ខ្លាំង​ហើយ​ភ័យខ្លាច​។ ភ្លាមៗ​បន្ទាប់មកទៀត ខ្ញុំ​ស្រាប់​តែមាន​អារម្មណ៍មិនល្អ​មិន​ធ្លាប់មាន​ពីមុនមក ខ្ញុំ​ហាក់​មាន​រលក​កំហឹង​ខ្លាំងក្លា​ឆ្លងកាត់​ខ្ញុំ​ជាង​មួយ​ម៉ោង​កន្លះ ដែល​ខ្ញុំ​មិនអាច​ពន្យល់​បានទេ​។ ខ្ញុំ​គ្មាន​អ្វីដែល​ត្រូវ​ខឹង​សោះឡើយ​។ រឿងនេះ​ធ្វើឱ្យ​ខ្ញុំ​ព្រឺ​សម្បុរ​មួយ​រំពេច និង​ធ្វើឱ្យ​ខ្ញុំ​ភ័យ​រួញរា​។ ខ្ញុំ​ច្បាស់​ជា​ត្រូវ​ក្បត់​កិច្ចសន្យាជួល​ផ្ទះ ហើយ​រើចេញ​ហើយ​"​។​

​    ​លោក​បាន​បន្តថា លោក​នឹង​បន្ត​ថត​ផ្ទះ​របស់គាត់​ដរាបណា​គាត់​នៅតែ​រស់នៅ​ផ្ទះ​នេះ ប៉ុន្តែ​ប្រសិនបើ​វា​នៅតែ​កើតឡើង​គាត់​នឹង​រើ​ផ្ទះ​ហើយ​៕

 

1
adverise with khmeread

អ្នកនឹងចូលចិត្ត

Loading ad ...