បាត់​កូនស្រី​ធ្វើការ​នៅ​រោងចក្រ​...​បុរស​ជា​ឪពុក​ចងក​សម្លាប់ខ្លួន​

    ភ្នំពេញ ៖ មាន​ករណី​បុរស​ម្នាក់​ធ្វើអត្តឃាត​ (​ចងក​) ​កាលពី​ថ្ងៃទី​០១ មករា ២០១៧ ​វេលា​ម៉ោង​៣​រសៀល​នៅ​ចំណុច​ភូមិ​គោហ៊េ ​ឃុំ​រកា​កោង​ទី​1 ​ស្រុក​មុខកំពូល​ ខេត្តកណ្តាល​។​

    ប៉ូលិស​និយាយថា ជនរងគ្រោះ​ឈ្មោះ​ ខេន ចូ​ច ភេទ​ប្រុស ​អាយុ​៤៩​ឆ្នាំ ជនជាតិខ្មែរ នៅ​ភូមិ​គោហ៊េ​ ឃុំ​រកា​កោង​ទី​1 ​ស្រុក​មុខកំពូល​ ខេត្ត កណ្តាល មុខរបរ​ធ្វើ​សំណង់ បាន​យក​​ក្រមា​ក្រឡា​ការ៉ូ ពណ៌​ស​ក្រហម​ ០១ ​ចងក​ទៅនឹង​ដើម​ស្វាយ។​

    ប៉ូលិស​បន្តថា មុន​កើតហេតុ​៤​ថ្ងៃ ជនរងគ្រោះ​មាន​វិបត្តិ​ដោយ សារ​បាត់​ដំណឹង កូនស្រី ដែល​ធ្វើក​ម្មករ​រោងចក្រ​នៅ​បែក​ចាន​ ដោយ​ទូរស័ព្ទ មិនអាច​ទាក់ទង​គ្នា​បាន​។ ដោយមាន​វិបត្តិ​ខាងលើ នៅ​ថ្ងៃកើតហេតុ​ជនរងគ្រោះ​បាន​ដើរទៅ​ផ្ទះ​ប្អូនថ្លៃ​ឈ្មោះ ច​ន ច​ន្ធី បន្ទាប់មក​ជនរងគ្រោះ​ដើរ​សំដៅទៅ​ដើម​ស្វាយកែវ​រមៀត ចម្ងាយ ពី​ផ្ទះ ច​ន​ ច​ន្ធី​ ប្រហែល​៥​ម៉ែត្រ​រួច​យក​ក្រមា​បង់​នឹង​ក ទៅ​ចង​នឹង​មែក​ស្វាយ​សម្លាប់ខ្លួន​តែម្តង។​

    ករណីនេះ​ប៉ុស្តិ៍ រកា​កោង​ទី​1 បានទទួល​ព័ត៌មាន​ពី​ឈ្មោះ ទួត ភារ​ម្យ​ ប្រជា​ការពារ​នៅ ភូមិ​គោហ៊េ ឃុំ​រកា​កោង​1​ នៅវេលា​ម៉ោង​៩​ និង​៥៨​នាទី​យប់​ថ្ងៃទី​១ ​មករា ហើយ​កម្លាំង​ជំនាញ​ស្រុក ​និង​ប៉ុស្តិ៍​បាន​សហការ​ជាមួយ​អាជ្ញាធរ​មូលដ្ឋាន បាន​ចុះ​ដល់​កន្លែងកើតហេតុ​ដើម្បី​ធ្វើការ​ពិនិត្យ​សព មាន​ស្នាម​ជាំ​លើ បំពង់ក រាង​អក្សរ​អ៊ុយ ក្រៅពី​ស្លាកស្នាម​ខាងលើ​ពុំមាន​ស្លាកស្នាម​អ្វី​ទៀតឡើយ​។​

    ប៉ូលិស​បាន​សន្និដ្ឋានថា ​ជនរងគ្រោះ​ស្លាប់​ដោយសារ​ចងក​សម្លាប់ខ្លួន​ពិតប្រាកដ​មែន សព​បាន​ប្រគល់ជូន​ក្រុមគ្រួសារ​ធ្វើបុណ្យ​តាម​ប្រពៃណី៕

Unnamed adverise with khmeread

មតិយោបល់