adverise with khmeread Steve harvey miss colombia

​បវរកញ្ញា​កូ​ឡុំ​ប៊ី​ណែនាំ​ឱ្យ​តារា​កំប្លែង​អាមេរិក​ដែល​ប្រកាស​ឈ្មោះ​នាង​ខុស​ទៅ​រៀន​អាន​អក្សរ​ឡើងវិញ​

​    ​បន្ទាប់ពី​សាង​កំហុស​ល្បី​ពេញ​ពិភពលោក​រួចមក ឥឡូវ​តារា​កំប្លែង​លោក ស្ទី​វ ហា​វី (Steve Harvey) ទីបំផុត​មានឱកាស​បាន​ជួប​ផ្ទាល់​ជាមួយ​ជ័យលាភី​រង​បវរកញ្ញា​ចក្រវាល នាង​អេ​រៀ​ដ​ណា ហ្គូ​ទា​រ៉េ​ស (Ariadna Gutierrez) ជា​លើកដំបូង​បន្ទាប់ពី​ប្រកាស​ប្រគល់​មកុដ​បវរកញ្ញា​ច​ក្រ​វាល​២០១៥ ខុស​ទៅដល់​នាង​។

​    ​កាលពី​ខែធ្នូ លោក​ហា​វី​បានប្រកាស​ជ័យលាភី​បវរកញ្ញា​ឯក​បាន​ទៅលើ​នាង​ហ្គូ​ទា​រ៉េ​ស តែ​ប៉ុន្មាន​នាទី​ក្រោយមក​បានចេញ​មក​កែតម្រូវ​កំហុស​របស់លោក និង​ប្រកាសថា វា​បាន​ទៅលើ​បវរកញ្ញា​ហ្វ៊ី​លី​ពី​ន នាង ភី​យ៉ា វឺ​ត​ស៍​បាច់ ទៅវិញ​។

​    ​ក្នុង​កិច្ចសម្ភាសន៍​នៅ​កម្មវិធី "The Steve Harvey Show" កាលពី​យប់​ថ្ងៃ​ពុធ នាង​ហ្គូ​ទា​រ៉េ​សបាន​បន្លំ​ស្តីឱ្យ​លោក​ហា​វី ថា​លោក​គួរតែ​រៀន​អាន​អក្សរ​ឡើងវិញ​ទៅ​។

​    ​នាង​បាន​ប្រាប់​លោក​ហា​វី​ថា "​លោក​គួរតែ​រៀន​អាន​អក្សរ​លើ​កាត​នោះ​ឡើងវិញ​ទៅ​" មុនពេល​ផ្ទុះសំណើច​ពេញ​កម្មវិធី​ជជែក​កម្សាន្ត​។  នាង​បាន​បន្ថែមថា "​ព្រោះ​អក្សរ​គេ​សរសេរ​ច្បាស់​ណាស់​នៅលើ​កាត​។ ដូច្នេះ​លោក​ចង់ឱ្យ​ខ្ញុំ​ឈ្នះ​តើ​មែន​ទេ​?"​។

​    ​លោក​ហា​វី​បាន​ឆ្លើយតប​វិញ​ថា "​ពិតមែន​ហើយ​! ខ្ញុំ​ពិតជា​ចង់ឱ្យ​នាង​ឈ្នះ​ពិតមែន​! ខ្ញុំ​ទប់​អារម្មណ៍​មិនជា​ប់​ទេ ទើប​ខ្ញុំ​ច្រឡំ​ឈ្មោះ​នាង​លើ​នោះ​"៕

 

adverise with khmeread
ប្រភព៖ អាស៊ាវ័ន

មតិយោបល់