អាជ្ញាកណ្តាល​ចិត្ត​ដែក​ដក​កាត​លឿង​ប្រគល់ជូន​កីឡាករ​ក្រុម Luton ដោយសារ​ដាល់​ស្មៅ​ទីលាន ក្រោយ​រងរបួស​បាក់ជើង​

​    ​នេះ​ប្រហែលជា​រឿង​ដែល​អ្នក​មិន​ធ្លាប់​ឮ​នោះឡើយ​។​

​    ​អំឡុង​ការប្រកួត​មួយ​ក្នុង​លី​ក​លំដាប់​ទី​បី​អង់គ្លេស League Two ដែល​ក្រុម Portsmouth ទទួលបាន​លទ្ធផល​ជ័យជម្នះ ១-០ ទៅលើ Luton កាលពីដើម​សប្តាហ៍​នេះ កីឡាករ Cameron McGeehan របស់​ក្រុម Luton បានទទួល​រង​ការ​ធាក់​យ៉ាងធ្ងន់ធ្ងរ​ពី Michael Doyle ហើយ​វា​បណ្តាលឱ្យ​បាក់ជើង​របស់គាត់​។ ដោយ​មើលទៅ​ស្ថិតនៅក្នុង​ស្ថានភាព​ឈឺចាប់​បំផុត តារាបាល់ទាត់​វ័យក្មេង​វ័យ ២១​ឆ្នាំ​រូបនេះ មិនអាច​ទ្រាំទ្រ​នឹង​ស្ថាន​ភាពឈឺចាប់​របស់ខ្លួន​នោះឡើយ ដូច្នេះ​គាត់​ក៏បាន​បញ្ចេញ​កំហឹង​របស់ខ្លួន​ដោយ​ដាល់​មួយ​ដៃ​ទៅលើ​ទីលាន​។​

​    ​អ្នក​ប្រហែលជា​យល់​អារម្មណ៍​មួយ​នេះ ប៉ុន្តែ​ជា​អកុសល លោក​អាជ្ញាកណ្តាល Tim Robinson ពិតជា​មិនមាន​សមានចិត្ត​ចំពោះ​កីឡាករ​របួស​ឡើយ ដោយ​គាត់​បាន​ពិន័យ​កាត​លឿង​ទៅលើ McGeehan សម្រាប់​ការបញ្ចេញ​ប្រតិកម្ម​កំហឹង​របស់គាត់​អំពី​បញ្ហា​របួស​ដ៏​ធ្ងន់ធ្ងរ​របស់ខ្លួន​។​

​    ​អ្នកចាត់ការ​ទូទៅ​ក្រុម Luton លោក Nathan Jones ពិតជា​មិន​ពេញចិត្ត​ជាមួយនឹង​ការសម្រេចចិត្ត​របស់​អា​ជ្ញា​កណ្តាល​នោះឡើយ ដោយ​ក្រោយ​បញ្ចប់​ការប្រកួត​គាត់​បាន​និយាយថា "​ខ្ញុំ​យល់ថា​នោះ​ជា​ប្រតិកម្ម​របស់គាត់​បន្ទាប់​ពីរ​បួស​។ ខ្ញុំ​មិនដឹងថា​វា​យ៉ាងម៉េច​ទេ ប៉ុន្តែ​ច្បាស់​ណាស់ អាជ្ញាកណ្តាល​គួរតែមាន​សមានចិត្ត​ឬ​ក្តី​អាណា​តិ​ខ្លះ​ផង​បើ​ឃើញ​របួស​ដូច្នេះ​"៕

adverise with khmeread
ប្រភព៖ mirror