លក់គ្រឿងញៀននៅមុនទីតាំង​ហ្គេម​បាញ់​ត្រី! ឃាត់ខ្លួនបាន ៣ នាក់ (​មាន​វីដេអូ​)

    ភ្នំពេញ ៖ ជនសង្ស័យ​ប្រុស​ស្រី​​៣​នាក់ និង​គ្រឿងញៀន​ចំនួន​២៤​កញ្ចប់ រួមជាមួយ​​នឹង​ទូ​ហ្គេម​បាញ់​ត្រី​ចំនួន​១ ត្រូវបាន​កម្លាំង​ប៉ូលិស​ប៉ុស្ដិ៍​ទន្លេបាសាក់​ចុះបង្ក្រាប់ នៅវេលា​ម៉ោង​១​ និង​២០​នាទី​រំលង​អា​ធ្រា​ត្រ ឈានចូល​ថ្ងៃទី​៥ ខែមករា ឆ្នាំ​២០១៧ នៅ​ចំណុច​កន្លែង​ទូ​ហ្គេម​បាញ់​ត្រី ផ្ទះ​លេខ​8GAE-0 ផ្លូវ​សុធារស ស្ថិតក្នុង​ក្រុម​១ ភូមិ​១ សង្កាត់​ទន្លេបាសាក់ ខណ្ឌចំការមន។​

    ប៉ូលិស​មូលដ្ឋាន​បានឱ្យដឹងថា ជនសង្ស័យ​ទី​១-​ឈ្មោះ ធឿន ចាន់ ភេទ​ប្រុស អាយុ​២២​ឆ្នាំ ស្នាក់នៅ​ផ្លូវ​បេតុង សង្កាត់​ច្បារអំពៅ ខណ្ឌ​ច្បារអំពៅ ,​ ទី​២-​ឈ្មោះ កែវ​ចន្ថា ភេទ​ស្រី អាយុ​៣២​ឆ្នាំ ស្នាក់នៅ​ផ្លូវ​4GB​អាគារ​ប៊ូ​ឌី​ញ ផ្លូវ​សុធារស សង្កាត់​ទន្លេបាសាក់ ខណ្ឌចំការមន​ និង​ទី​៣-​ឈ្មោះ វុ​ធ វណ្ណា​រី ភេទស្រី អាយុ​៣០​ឆ្នាំ ជា​អ្នកកាន់កាប់​ទូរ​ហ្គេម​បាញ់​ត្រី ស្នាក់​នៅផ្ទះ​គ្មាន​លេខ ផ្លូវ​បេតុង សង្កាត់​ស្រះចក ខណ្ឌដូនពេញ​។​

    ប៉ូលិស​បាន​បន្តថា នៅ​មុននឹង​ឈានដល់​ការចុះ​បង្ក្រាប​នោះ​គឺ កម្លាំង​សមត្ថកិច្ច​បាន​ល្បាត​និង​រឹត​ប​ន្តិ​ង​កន្លែងកើតហេតុ​ខាងលើ រហូតដល់​មានការ​សង្ស័យថា មាន​ករណី​ជនសង្ស័យ​កំពុងតែ​ឈរ​លក់​គ្រឿងញៀន​នៅមុខ​ទីតាំង​ហ្គេម​បាញ់​ត្រី​នោះ ហើយ​កម្លាំង​ប៉ូលិស​ក៏បាន​ចុះ​ឃាត់ខ្លួន​បុរស​ស្ត្រី​២​នាក់​ដែល​ធ្វើ​សកម្មភាព​ជួញដូរ​គ្រឿងញៀន​នៅនឹងកន្លែង​កើតហេតុ និង​បាន​រកឃើញ​ថ្នាំញៀន​ប្រភេទ​ម៉ា​ទឹកកក​ចំនួន​២៤​កញ្ចប់​តូច។​

    ក្រោយមក​កម្លាំង​ប៉ូលិស​ក៏បាន​ឃាត់ខ្លួន​ស្ត្រី​ម្នាក់ទៀត​ដែលជា​អ្នកកាន់កាប់​កន្លែង​ហ្គេម​បាញ់​ត្រី និង​ដកហូត​ទូ​ហ្គេម​យកទៅ​រក្សាទុក​នៅ​សាលាសង្កាត់​ទន្លេបាសាក់។​

    ក្រោយពី​ឃាត់ខ្លួន​ជនសង្ស័យ​ទាំង​៣​នាក់​ខាងលើ​រួម​នឹង​វត្ថុតាង​រួចមក សមត្ថកិច្ច​បាន​យកមក​សួរនាំ និង​ឃុំ​បណ្តោះអាសន្ន​នៅ​ប៉ុស្ដិ៍​ទន្លេបាសាក់ ដើម្បី​កសាង​សំណុំរឿង​បញ្ជូន​ខ្លួន​ពួកគេ​ទៅកាន់​សាលាដំបូង​រាជធានី​ភ្នំពេញ​ចាត់ការ​ទៅតាម​នីតិវិធី​ច្បាប់៕

 

Unnamed %282%29
adverise with khmeread