ប្រសិនបើ​ឆ្កែ​បម្រុង​ត្របាក់​ជើង​លោកអ្នក ត្រូវធ្វើ​យ៉ាងម៉េច​ឱ្យ​រួចខ្លួន​? ល្បិច​ទាំង ៤ នេះ​ជួយ​លោក​អ្នកមាន​សុវត្ថិភាព​

    ​តិចតួចស្តួចស្តើង មនុស្ស​គ្រប់រូប​ច្បាស់​ជា​ធ្លាប់​ត្រូវ​ឆ្កែ​ដេញ ឬ ខាំ​។ ករណីខ្លះ​ឆ្កែ​ចេះតែ​ព្រុស​មិនចេះ​ខាំ ករណីខ្លះ​ប៉ះ​ឆ្កែ​អត់​ព្រុស​តែ​ចេះ​ខាំ​។ ដូច​ករណី​ឆ្កែ​ព្រុស​ផង​ខាំ​ផង តើ​លោកអ្នក​ត្រូវធ្វើ​យ៉ាងណា​ដើម្បី​កុំឱ្យ​ឆ្កែ​ខាំ​? គេ​មាន​ល្បិច​ដូចខាងក្រោម​នេះ​ដើម្បី​ការពារ​ខ្លួន​កុំឱ្យ​ឆ្កែ​ខាំ​លោកអ្នក​។​

​    ​១. កុំ​ស្លន់ស្លោ ឈរ​ឱ្យ​ស្ងៀម​
​    ​គេ​ជឿជាក់ថា​ឆ្កែ​និង​សត្វ​ដទៃទៀត​មាន​អារម្មណ៍​ដឹងថា​មនុស្ស​ចេះ​ភ័យខ្លាច​វា​។ ប៉ុន្តែ​លោកអ្នក​ច្បាស់​ជា​ពិបាក​នៅ​ស្ងៀម​ណាស់ ពេល​ឆ្កែ​កំពុង​ព្រុស​និង​ចង់​ត្របាក់​លោកអ្នក​។ ប្រសិនបើ​លោកអ្នក​ស្រែក គ្រវី​ដៃ ឬ​រត់ លោកអ្នក​អាចធ្វើឱ្យ​ច​រឹត​ប្រមាញ់​ចំណី​របស់​ឆ្កែ​ស្តែង​ចេញមកក្រៅ​ហើយ​វា​នឹង​វាយប្រហារ​លោកអ្នក​ចៀស​មិន​រួច​ឡើយ​។ 

​    ​២. បន្ថយល្បឿន​រត់​មក​ដើរ​យឺតៗ​វិញ​!
​    ​ប្រសិនបើ​លោកអ្នក​ជួប​ឆ្កែ​ពេល​កំពុង​រត់ ត្រូវ​បន្ថយល្បឿន​មក​ដើរ​ធម្មតា​វិញ​។ រួច​បែរ​ទិស​ដើរ​បញ្ច្រាស់ទិស​របស់​ឆ្កែ ប៉ុន្តែ​ត្រូវ​ចោល​ភ្នែក​លួច​មើល​វា​ផង​។ ជាងនេះទៅទៀត ប្រសិនបើ​លោកអ្នក​ឈរ​ធ្មឹង​ដាក់​ដៃ​ចុះ​ដូច​គោរព​ទង់ជាតិ ឆ្កែ​នឹង​លែង​ចាប់អារម្មណ៍​លោកអ្នក ហើយ​ដើរចេញ​តែម្តង​។ 

​    ​៣. កុំ​សម្លឹង​ចំ​ភ្នែក​ឆ្កែ​!
​    ​សម្លឹង​ចំ​ភ្នែក​ឆ្កែ​នឹង​រឹតតែ​ធ្វើឱ្យ​វា​កាច​។ ការ​សម្លឹង​ចំ​ភ្នែក​វា​បានន័យថា​ជាការ​គំរាមកំហែង​មួយ​ដាក់​ឆ្កែ ដូច្នេះ​វា​នឹង​វាយប្រហារ​លោកអ្នក​។​

​    ​៤. បញ្ឆោត​ឆ្កែ​ជាមួយ​របស់​អ្វីមួយ​!
​    ​ជាការ​ពិត មាន​របស់​អ្វីមួយ​ក្នុង​ដៃ​ពិតជា​អាចជួយ​បាន​។ បោះ​អ្វីមួយ​ឱ្យ​វា​ទំពារ ដូចជា ស្បែកជើង ដប​ទឹក ឬ កាបូបស្ពាយ​។ ធ្វើបែបនេះ​នឹង​បញ្ឆោត​ឆ្កែ​បានយូរ​គួរសម ហើយ​លោកអ្នក​នឹងមាន​ពេល​គ្រប់គ្រាន់​ដើម្បី​គេចខ្លួន​៕

ប្រភព៖បរទេស

1 adverise with khmeread

អ្នកនឹងចូលចិត្ត

មតិយោបល់