ប៉ូលិស​ស្រុក​មុខកំពូល​ចាប់​បុរស​ម្នាក់​ពាក់ព័ន្ធ​គ្រឿងញៀន​

    កណ្តាល ៖ ប៉ូលិស​ស្រុក​មុខកំពូល​បាន​បង្ក្រាប​ការជួញដូរ​ដោយ​ខុសច្បាប់​នូវ​សារធាតុ​ញៀន​ករណី​ទី ១៥ កាលពី​ថ្ងៃទី​០៥​មករា​២០១៧ វេលា​ម៉ោង​៨​យប់​ចំណុច​មុខផ្ទះ​វ៉េង មាន ក្នុង​បរិវេណ​ផ្សារ​ព្រែក​អញ្ចាញ​ចាស់​ភូមិ​ក្រោម ឃុំ​ព្រែក​អញ្ចាញ ស្រុក​មុខកំពូល ខេត្តកណ្ដាល​ឃាត់​បាន​ជនសង្ស័យ​ម្នាក់។​

    ប៉ូលិស​និយាយថា  ជនសង្ស័យ​ឈ្មោះ​ រឿង សុខ​សាត ហៅ​សឿន​ ភេទ​ប្រុស​ អាយុ​៣៧​ឆ្នាំ ជនជាតិខ្មែរ​នៅ​ភូមិ​ក្រោម ​ឃុំ​ព្រែក​អញ្ចាញ​ ស្រុក​មុខកំពូល​ ខេត្តកណ្ដាល​ មុខរបរ​មិន​ពិតប្រាកដ ​(​ឃាត់ខ្លួន​)​។​

    វត្ថុតាង​ចាប់យក ១.​ម្សៅ​ក្រាម​ពណ៌​ស​ថ្លា​ស​ង្ស័យ ជា​សារធាតុ​ញៀន​ចំនួន​ ០៣ កញ្ចប់​តូច​, ២.​ទូរ​សព្ទ​ដៃ​ម៉ាក hiya ពណ៌ ស​ខ្មៅ​០១​គ្រឿង, ៣.​ម៉ូតូ​ម៉ាក​ហុងដា​C125​​ ​ពណ៌​ខ្មៅ ​ស្លាក​លេខ​សៀមរាប ​1B-9214 ឆ្នាំ២០០៥​ ចំនួន​០១​គ្រឿង​។​

    ប៉ូលិស​បន្តថា នៅ​ថ្ងៃទី​០៥​ មករា ​២០១៧ ​វេលា​ម៉ោង​៨​យប់​ជនសង្ស័យ​បាន ជិះ​ម៉ូតូ​ម៉ាក​ហុងដា​សេ១២៥ ស៊េរី​ឆ្នាំ២០០៥ ​ពណ៌​ខ្មៅ​ ស្លាក​លេខ​សៀមរាប​ 1B-9214 ​ចេញពីផ្ទះ យក​ថ្នាំញៀន​ទៅ​លក់​ឱ្យ​ជន​មិន​ស្គាល់ឈ្មោះ​នៅ​ចំណុច​រោង​ម៉ាស៊ីនភ្លើង​ចាស់ ​ភូមិ​ក្រោម​ ឃុំ​ព្រែក​អញ្ចាញ​ ស្រុក​មុខកំពូល​។

    ពេល​ជិះដល់​ចំណុចកើតហេតុ​ ក៏​ត្រូវ​សមត្ថកិច្ច​ឃាត់​ និង​ធ្វើការ​ឆែកឆេរ​លើ​ខ្លួន​បាន​រកឃើញ​ថ្នាំញៀន​ចំនួន​ ០៣​ កញ្ចប់​តូច​ហើយក៏​ប​ញ្ជួ​ន​ជនសង្ស័យ​មក​អធិការដ្ឋាន​ស្រុក​មុខកំពូល​ដើម្បី​ចាត់ការ​តាម​នីតិវិធី៕

Untitled 1
adverise with khmeread
Loading ad ...